完整藏文原文 · 德格版页 当前仅加载第 77 函德格 314a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་འཇོམས་མ། །རྡོ་རྗེ་དྲིལ་བུ་མཉམ་པར་ལྡན། །དགྱེས་པའི་ལོངས་སྤྱོད་ལོངས་སྤྱོད་ཅིང་། །པང་དུ་རྡོ་རྗེ་ཕག་མོ་ནི། །དེ་མདོག་སྟེང་ཞལ་ཕག་མགོ་སྟེ། །གཉིས་སུ་མེད་པར་མཉམ་པར་ལྡན། །སྐྲ་གྲོལ་བ་དང་ཕྱོགས་གོས་ཅན། །བྱིན་པ་གཉིས་ཀྱིས་མཉམ་
D369.077.0314a01.01པར་འཁྲིལ། །ཐུགས་རྗེའི་ཆགས་པས་རྣམ་པར་མྱོས། །ཐོད་པ་ཁ་ཊྭཱཾ་ག་འཛིན་ཅིང་། །ཚངས་པའི་པགས་པ་མནབས་པ་སྟེ། །རྡོ་རྗེ་མདུང་དང་ཅང་ཏེའུ་དང་། །གྲི་གུག་ཞགས་པ་མགོ་བོ་དང་། །ཕྱག་ཏུ་རལ་གྲི་འཕྱར་བ་སྟེ། །དྲག་པོ་གདུག་པ་ཀུན་འཇོམས་པ། །སྙིང་གར་
D369.077.0314a02.01ཡེ་ཤེས་མཁའ་འགྲོ་ནི། །ཁྭ་གདོང་ལ་སོགས་ཡོངས་ཀྱིས་ཁྱབ། །འཁོར་ལོ་འདབ་བརྒྱད་དབུས་དག་ཏུ། །གཡོན་ནས་གཡས་སུ་བསྐོར་ནས་ནི། །དུར་ཁྲོད་དང་ནི་ཉེ་དུར་ཁྲོད། །མཁའ་འགྲོ་མ་མཆོག་དགོད་པར་བྱ། །ཡྃ་རྃ་ལྃ་ཝྃ། ཤྃ་ཥྃ་སྃ་ཧྃ། ཡེ་ཤེས་འཁོར་ལོ་མཁའ་
D369.077.0314a03.01འགྲོ་དགོད། །ཞག་བདུན་བར་དུ་བསྒོམས་ནས་ནི། །གང་ཡང་ཐུན་ནི་བཞི་ཡི་རིམ། །ཆུ་འགྲམ་དང་ནི་དུར་ཁྲོད་དུ། །བསྒོམས་པས་དངོས་གྲུབ་ངེས་པར་རྙེད། །འཕྲོག་པ་དང་ནི་གསོད་བྱེད་ཅིང་། །གང་དུ་ལས་ནི་ཅི་འདོད་པ། །མཁའ་འགྲོ་མ་ཡི་འཁོར་ལོས་འགྲུབ། །ལས་འདིར་
D369.077.0314a04.01ཡིད་གཉིས་དཔྱོད་པ་མེད། །སྔོ་དང་པ་ལ་ཤ་ཡི་མདོག །དམར་དང་བཞི་པ་སེར་པོ་སྟེ། །གཤིན་རྗེ་སྲེག་སོགས་བཞི་པོ་ནི། །སྣ་ཚོགས་མདོག་ཅན་མཛེས་པའི་ཞལ། །དམར་དང་སྔོ་དང་དུད་ཁ་སྟེ། །ཞལ་མདོག་དཀར་པོ་མཆོག་ཏུ་མཛེས། །ཐམས་ཅད་སྤྱན་གསུམ་པ་ཡི་ཞལ། །
D369.077.0314a05.01སྐྲ་གྲོལ་བ་ལ་ཕྱོགས་གོས་ཅན། །ཁྭ་གདོང་གཡོན་དང་གཡས་ཀྱི་ཞལ། །འུག་གདོང་ཞལ་ཡང་དེ་བཞིན་ཏེ། །གསུམ་པ་ཁྱི་ཡི་ཞལ་གདོང་ཡིན། །བཞི་པ་ཕག་གི་ཞལ་གདོང་སྟེ། །གཡོན་དང་གཡས་པའི་ཞལ་གདོང་ནི། །དྲག་མོའི་གཟུགས་ཅན་ཆོ་ག་བཞིན། །གཤིན་
D369.077.0314a06.01རྗེ་སྲེག་སོགས་ཞལ་གདོང་ནི། །གཡོན་དང་གཡས་པ་གཉིས་དེ་བཞིན། །ཐུག་རི་རྔ་མོ་རྟ་དང་ནི། །སེང་གེ་ར་དང་གླང་མ་ཧེ། །གཞན་ཡང་དོམ་གྱི་ཞལ་ཡིན་ཏེ། །ཐམས་ཅད་ཀྱང་ནི་མཉམ་པར་བྱ། །ཐོད་པ་དང་ནི་ཁ་ཊྭཱཾ་འཛིན། །ཞགས་པ་ལྕགས་ཀྱུ་ཕྱག་ན་བསྣམས། །དྲིལ་
D369.077.0314a07.01