完整藏文原文 · 德格版页 当前仅加载第 77 函德格 326a 版页；藏文 NFD、目录标记与异常页序保留在来源切片中，重复版页行以稳定序号区分。
འཇམ་པའི་རྡོ་རྗེ་རང་ཉིད་འགྲུབ། །དཀར་དང་དམར་དང་སེར་བ་དང་། །སྔོ་དང་དམར་དང་དཀར་སྔོ་ལྗང་། །ཡན་ལག་དྲུག་ཏུ་དཔའ་བོ་དག །མཁའ་འགྲོ་མ་དང་ལྷན་ཅིག་བཅས། །རྡོ་རྗེ་སེམས་དང་ཕག་མོ་དང་། །རྣམ་སྣང་མཛད་དང་ཡ་མི་ནི། །པདྨ་གར་
D369.077.0326a01.01དབང་རྨོངས་བྱེད་བཅས། །ཁྲག་འཐུང་དང་ནི་སྐྱོད་བྱེད་མ། །རྡོ་རྗེ་ཉི་མ་སྐྲག་བྱེད་མ། །ལྗང་དང་དུད་པའི་མདོག་ཅན་ཏེ། །དེ་ལྟའི་སྐུ་མདོག་རྣམ་པར་བསྒོམ། །ཞལ་གཅིག་པ་ལ་ཕྱག་བཞི་པའོ། །ལྷ་མོ་རྣམས་ནི་ཕྱག་གཉིས་པའོ། །ཐོད་པ་དང་ནི་གྲི་གུག་འཛིན། །དཔའ་
D369.077.0326a02.01བོ་ཐོད་པ་ཁ་ཊྭཱཾ་ག། །རང་གི་ཕྱག་མཚན་གཉིས་མེད་སྦྱོར། །དྲིལ་བུ་ལྷན་ཅིག་ཡང་དག་ལྡན། །ཅང་ཏེའུ་ནི་འཛིན་པའི་མཆོག །སྤྱན་གསུམ་པ་ལ་གཡས་བརྐྱང་བཞུགས། །སྟག་གི་པགས་པའི་ཤམས་ཐབས་ཅན། །ཐོད་པའི་ཕྲེང་བའི་དབུ་རྒྱན་ཅན། །མགོ་བོའི་
D369.077.0326a03.01དོ་ཤལ་འཛིན་པ་སྟེ། །ཐམས་ཅད་{ཡི་དགས་,ཡི་དྭགས་}སྟེང་དུ་བཞུགས། །དབུས་སུ་འཇིགས་བྱེད་དུས་མཚན་གནོན། །ལྷ་མོས་བྱིན་པ་གཉིས་ཀྱིས་འཁྲིལ། །སྐྲ་གྲོལ་བ་ལ་ཕྱོགས་གོས་ཅན། །སྙིང་གར་ཡེ་ཤེས་དམ་ཚིག་ནི། །སྐུ་གསུང་ཐུགས་དང་རྣམ་པར་སྦྱར། །གོ་ཆ་
D369.077.0326a04.01གཉིས་པ་ཡང་དག་སྦྱར། །གནས་ཀྱི་འཁོར་ལོ་བསྒོམས་ནས་ནི།།དཔའ་བོ་མཁའ་འགྲོ་མ་རྣམ་དགོད། །གསང་བ་གསུམ་ནི་སྙིང་གར་གནས། །ཁྭ་གདོང་ལ་སོགས་མཁའ་འགྲོ་མ། །ཕྱི་རོལ་སྒོ་རུ་རྣམ་པར་དགོད།།ཟུར་དུ་གཤིན་རྗེ་སྲེག་ལ་སོགས། །ཐམས་
D369.077.0326a05.01ཅད་གཅེར་བུ་རྣམ་པར་བསྒོམ། །སྔར་བཤད་མདོག་དང་ཕྱག་མཚན་ཏེ། །{ཡི་དགས་,ཡི་དྭགས་}གདན་ལ་ཡང་དག་བཞུགས། །གཡས་བརྐྱང་བ་ཡི་ཞབས་ཀྱིས་གནས། །དྲག་པོ་སྐྲ་ནི་གྲོལ་བ་སྟེ། །ཐམས་ཅད་ཐོད་པའི་ཕྲེང་བ་ཅན། །རང་གི་ཕྱི་དག་ནང་དུ་ཡང་། །ཕ་རོལ་ཕྱིན་
D369.077.0326a06.01དྲུག་རྣམ་པར་དག །སྒོམ་ཞིང་རབ་ཏུ་བསྒོམ་པར་བྱ། །སྤྲོ་ཟིང་བསྡུ་བའི་སྦྱོར་བ་ཡིས། །གསང་བའི་འཁོར་ལོ་བཟླས་པ་བྱ། །དཔའ་བོ་རྣལ་འབྱོར་མ་བཟླས་ན། །སྒོམ་ཞིང་རབ་ཏུ་བསྒོམ་པར་བྱ། །སྤྲུལ་པའི་འཁོར་ལོའི་ཚོགས་སྤྲོས་ནས། །འགྲོ་བ་གསུམ་པོ་རྫོགས་
D369.077.0326a07.01