完整藏文原文 · 德格版页 当前仅加载第 77 函德格 313b 版页；藏文 NFD、目录标记与异常页序保留在来源切片中，重复版页行以稳定序号区分。
ཚུགས་བཅིངས་པ་སྟེ། །དཀར་དང་སྔོ་དང་ངུར་སྨྲིག་ཉིད། །སེར་དང་ལྗང་གུ་དེ་བཞིན་ཏེ། །སྟེང་གི་ཞལ་ནི་ཞི་བ་སྟེ། །ལྷ་ཡི་དངོས་གྲུབ་འབྲས་བུ་སྩོལ། །རྡོ་རྗེ་དྲིལ་བུ་མཉམ་པར་ལྡན། །རལ་གྲི་པོ་ཏི་འཛིན་པ་སྟེ། །ཨུཏྤ་ལ་དང་ལྕགས་ཀྱུ་ཉིད། །ཡེ་ཤེས་ལུས་ཅན་རྣམ་པར་བསྒོམ། །
D369.077.0313b01.01སྐུ་གསུང་ཐུགས་ཀྱི་སྙིང་པོ་ནི། །འཁོར་ལོའི་དབུས་སུ་རྣམ་པར་བསྒོམ། །སྔར་བཤད་གནས་ཀྱི་སྦྱོར་བ་ཡིས། །ཇི་ལྟར་རྡོ་རྗེ་སེམས་དཔའ་ལྟར། །གསང་སྔགས་འདི་ནི་རྗེས་སུ་དྲན། །འཇམ་པའི་རྡོ་རྗེའི་གསང་བ་ནི། །གསང་གསུམ་ཡེ་ཤེས་དམ་ཚིག་ཅན། །དཔའ་བོ་རྣལ་འབྱོར་མ་སྦྱོར་བའོ། །
D369.077.0313b02.01ཨོྃ་ཤྲཱི་མ་ཧཱ་སུ་ཁ་མཉྫུ་བཛྲ་ཨ་མཾ་ཧཱུཾ་ཌཱ་ཀི་ནཱི་ཛཱ་ལ་སམྦ་ར་སྭཱ་ཧཱ། རང་གིས་དབང་བསྐུར་བྱས་ནས་ནི། །བརྟུལ་ཞུགས་ཆེན་པོ་གསང་སྔགས་བཟླ། །གསང་གསུམ་འཁོར་ལོ་སྤྲོས་ནས་ནི། །ཁམས་གསུམ་དག་ནི་བསྡུ་བར་བྱ། །འདི་ནི་མཆོག་ཏུ་གསང་བ་སྟེ། །གང་གིས་སུ་ལའང་བསྟན་མི་བྱ། །
D369.077.0313b03.01མངོན་པར་བརྗོད་པའི་རྒྱུད་བླ་མའི་བླ་མ་ལས་འཇམ་པའི་རྡོ་རྗེ་སྒྲུབ་པའི་ལེའུ་སྟེ་ཉི་ཤུ་རྩ་བརྒྱད་པའོ།། །།དེ་ནས་གཞན་ཡང་བཤད་བྱ་བ། །ཡི་གེ་དགུ་པ་བསྒྲུབ་པ་སྟེ། །ཀྵ་ཡི་ཡེ་ཤེས་ལས་བྱུང་བ། །གདུག་པ་ཐམས་ཅད་ཟ་བྱེད་པ། །ཟ་བྱེད་མཁའ་འགྲོ་ཟ་བྱེད་ཅིང་། །རྣམ་རྟོག་
D369.077.0313b04.01ཟོས་ཤིང་ཟད་པར་བྱེད། །མཁའ་མཉམ་སྟོང་པ་ལས་བྱུང་བ། །ནམ་མཁའི་ལོངས་སྤྱོད་ཟ་བྱེད་ཅིང་། །ཞལ་དྲུག་ཕྱག་ནི་བཅུ་གཉིས་པ། །སྤྱན་གསུམ་པ་ལ་ཞལ་རྣམ་སྒྱུར། །གཡས་བརྐྱང་པ་ཡི་ཞབས་ཀྱིས་བཞུགས། །གདུག་པའི་བདུད་ནི་ཟ་བྱེད་ཅིང་། །འཇིགས་བྱེད་དང་ནི་
D369.077.0313b05.01འཇིགས་བྱེད་མོ། །ཁ་སྦུབ་ཞབས་ཀྱིས་མནན་པར་བཞུགས། །སྟག་གི་པགས་པ་གོས་སུ་མནབས། །མགོ་བོའི་ཕྲེང་བས་རྣམ་པར་བརྒྱན། །ཐོད་པའི་ཕྲེང་བའི་དབུ་རྒྱན་ཅན། །ཟླ་བ་ཕྱེད་ལས་ཉེ་བར་མཛེས། །སྣ་ཚོགས་རྡོ་རྗེས་རལ་པ་མནན། །ཕྱག་རྒྱ་དྲུག་གིས་སྐུ་ལུས་
D369.077.0313b06.01བརྒྱན། །ཞལ་གྱི་མཆེ་བ་རྣམ་པར་གཙིགས། །འཇིགས་བྱེད་རབ་ཏུ་ཆེར་འཇིགས་ཤིང་། །སྔོ་དང་དུད་ཁ་ལྗང་ཁུ་དང་། །དམར་དང་ལྔ་པ་སེར་པོའོ། །དྲུག་པ་དག་ནི་བོང་བུའི་མགོ། །སྟེང་གི་ཞལ་གདོང་རབ་ཏུ་འཇིགས། །ཐལ་བ་སྤྲིན་གྱི་མདོག་ཅན་ལ། །གདུག་པ་ཐམས་ཅད་
D369.077.0313b07.01