完整藏文原文 · 德格版页 当前仅加载第 77 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
བདེ་བར་ཆོ་ག་བཞིན་དུ་སྤྱོད་ཅིང་གནས་སོ། །འགྲོ་བ་དུ་མའི་བསམ་པ་ལ། །ཐུགས་ཀྱི་རྡོ་རྗེ་ཚུལ་ཅན་འདི། །གཉིས་མེད་སྦྱོར་བ་མཐའ་ཡས་པ། །སྲིད་པ་ཀུན་གྱི་དངོས་པོར་གནས། །དྲི་མ་མེད་ཅིང་ང་རྒྱལ་མེད། །ཡི་གེ་མེད་ཅིང་བརྗོད་དུ་མེད། །མངོན་པར་བརྗོད་པའི་རྒྱུད་བླ་མ་ལས་
D369.077.0263b01.01ཐུགས་ཀྱི་སྡོམ་པ་དང་བླ་མའི་བསྙེན་བཀུར་གྱི་ལེའུ་སྟེ་དྲུག་པའོ།། །།དེ་ནས་གཞན་ཡང་བཤད་བྱ་བ། །དཀྱིལ་འཁོར་དམ་ཚིག་མཆོག་གྱུར་པ། །འདོད་པའི་གསང་བ་ཀུན་སྟེར་བ། །ཤིན་ཏུ་གསང་བའི་དངོས་གྲུབ་སྩོལ། །སྒྲུབ་པ་པོ་ལ་ཕན་པའི་ཕྱིར། །བསྒྲུབ་པའི་དོན་
D369.077.0263b02.01ནི་བཤད་པར་བྱ། །དཀྱིལ་འཁོར་སྔ་མའི་དབུས་སུ་ནི། །པདྨ་འདབ་མ་བརྒྱད་པ་བྲི། །སྣ་ཚོགས་མདོག་ཅན་གེ་སར་བཅས། །འདོད་པ་ཀུན་གྱི་འབྲས་བུ་སྟེར། །དེ་ཡི་དབུས་སུ་ཡི་གེ་ཧཱུྃ། །རྡོ་རྗེ་སེམས་དཔའ་རྣམ་པར་བསྒོམ། །མཚན་རྣམས་ཐམས་ཅད་ཡོངས་སུ་རྫོགས། །
D369.077.0263b03.01དཔེ་བྱད་ཀུན་གྱིས་རྣམ་པར་བརྒྱན། །དགྱེས་པ་ཆེན་པོའི་སྦྱོར་བ་ཡིས། །གཉིས་མེད་གཉིས་སུ་མེད་པའི་མཆོག །བྱང་ཆུབ་སེམས་ཀྱི་རྒྱུ་ལས་ནི། །བྱང་ཆུབ་ཟླ་བ་དྲི་མེད་པ། །དེ་མཐོང་ལྷ་མོ་ལངས་ནས་ནི། །གླུ་འདི་ཡིས་ནི་སྐུལ་བར་བྱེད། ཧཱུྃ་རོལ་ཅིག་རོལ་ཅིག་དགྱེས་པ་ཧོ། །
D369.077.0263b04.01བདེ་བ་ཆེན་པོའི་རྡོ་རྗེ་ནི། །བདེ་བ་ཆེན་པོ་རོལ་ཉིད་ལས། །འདི་ཉིད་དུ་ནི་བཞེངས་སུ་གསོལ། །ཨ་ལ་ལ་ཧོ་དགྱེས་པ་ཆེ། །ཁྱོད་ནི་བདེ་བའི་མཆོག་ཡིན་ཏེ། །ཁྱོད་ཀྱི་ཞལ་ནི་ཁུམས་ཙམ་གྱིས། །བདག་གིས་འདིར་ནི་རོ་གཅིག་རྙེད། །ཀྱེ་མའོ་བཅོམ་ལྡན་བདེ་ཆེན་དགྱེས། །
D369.077.0263b05.01ཨོྃ་རྡོ་རྗེ་སེམས་དཔའ་ལེགས་དགྱེས་ཁྱོད། །རོ་དང་རོ་མཆོག་ཐམས་ཅད་དེ། །དགྱེས་པ་ཆེན་པོ་བདེ་བ་རྣམས། །རྟག་པར་དངོས་གྲུབ་ཀུན་ལ་ཡང་། །རོལ་ཅིག་རོལ་ཅིག་ལྷ་མོ་ལ། །རྣལ་འབྱོར་མ་ནི་ཐམས་ཅད་དང་། །བཅོམ་ལྡན་རྡོ་རྗེ་ཆེན་པོ་ནི། །ལྷ་མོའི་པདྨ་དགྱེས་
D369.077.0263b06.01ལ་རོལ། །ཧཱུྃ་ཨ་ལ་ལ་ཧོ་དགྱེས་པ་ཆེ། །བཅོམ་ལྡན་འདོད་ལ་དགྱེས་པ་ཁྱོད། །འདོད་པའི་དངོས་གྲུབ་ལེགས་པར་སྩོལ། །པདྨ་མཆོག་ལ་དགྱེས་པར་རོལ། །ཨོྃ་ཨ་ལ་ལ་ཧོ་དགྱེས་པ་ཆེ། །ཚོགས་ཀྱི་བདེ་བས་དུས་རྟག་ཏུ། །རྡོ་རྗེ་མཆོག་ནི་འཛིན་པ་ཡིས། །པདྨའི་ཞལ་
D369.077.0263b07.01