完整藏文原文 · 德格版页 当前仅加载第 77 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
གི་བདག་ཉིད་སྦྱོར་ལྡན་པས། །རྟག་ཏུ་ཞེན་པས་འགྲོ་བར་བྱ། །མཉམ་པར་མ་བཞག་སྦྱོར་བའི་བདག །ཡེ་ཤེས་མིག་གིས་མཐོང་བ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས་མཁའ་འགྲོ་མ་བཞིའི་སྦྱོར་བའི་སྡོམ་པའི་ཆོ་ག་སྟེ་ལེའུ་བཅུ་དགུ་པའོ།། །།
D369.077.0298b01.01དེ་ནས་གཞན་ཡང་བཤད་བྱ་བ། །ཆོ་ག་བཟང་པོ་བཞིན་དུ་ནི། །ཞལ་བརྒྱད་པ་ལ་ཕྱག་བཅུ་དྲུག །ཡང་ན་ཞལ་ནི་བཅུ་གཉིས་ཏེ། །ཕྱག་ནི་ཉི་ཤུ་རྩ་བཞིའོ། །ཡང་ན་སྣ་ཚོགས་ཕྱུགས་ཀྱི་ཞལ། །ཕྱག་ནི་བརྒྱ་དང་ལྡན་པར་བྱ། །ཡང་ན་དེ་བཞིན་གཤེགས་པའི་རིགས། །
D369.077.0298b02.01བྱང་ཆུབ་སེམས་དཔའ་དཔའ་བོ་དང་། །མཁའ་འགྲོ་མ་དང་གཟུངས་དང་ནི། །ཕ་རོལ་ཕྱིན་པའང་དེ་བཞིན་ཏེ། །ཕན་ཚུན་བྱེ་བྲག་ཅན་གྱི་ཞལ། །མདོག་གི་བྱེ་བྲག་སྣ་ཚོགས་དང་། །ཕྱག་ནི་སྟོང་དང་འབུམ་གྱི་བར། །སྣ་ཚོགས་ཕྱག་མཚན་འཛིན་པ་དང་། །སྣ་
D369.077.0298b03.01ཚོགས་པ་ཡི་ཞལ་ལྡན་པ། །སྣ་ཚོགས་པ་ཡི་གར་མཛད་ཅིང་། །གཡས་བརྐྱང་བ་ཡི་གཡེངས་པས་བཞུགས། །འཇིགས་བྱེད་ཆེན་པོ་དང་། དུས་མཚན་ལ་སོགས་པ་དང་། ཚངས་པ་དང་། དབང་པོ་དང་། ཉེ་དབང་དང་། དྲག་པོ་དང་། ཁྱབ་འཇུག་དང་། ཀུན་འགྱེད་
D369.077.0298b04.01གཞོན་ནུ་དང་། ཀཱརྟི་ཀ་དང་། ནག་པོ་ཆེན་པོ་དང་། དགའ་བྱེད་དབང་ཕྱུག་དང་། གཤིན་རྗེ་དང་། ཆུ་ལྷ་དང་། ཀུ་བེ་ར་དང་། ཟླ་བ་དང་། ཉི་མ་དང་། སྣ་ཚོགས་པའི་བདུད་དང་། བགེགས་ཐམས་ཅད་ཁ་སྦུབ་ཏུ་ཞབས་ཀྱིས་མནན་པར་རྣམ་པར་བལྟས་ཏེ། འཇིགས་སུ་རུང་
D369.077.0298b05.01བ། བཞིན་རྣམ་པར་འགྱུར་བ། དྲག་པོ་མཆེ་བ་རྣམ་པར་གཙིགས་པ། བཞད་པ། མི་སྡུག་པ། རབ་ཏུ་འཇིགས་པ། དཔའ་བ། སྒེག་པ། རྔམ་པ། སྨིན་མ་རྣམ་པར་གཡོ་བ། སྙེམས་པ། ཞི་བ། གཡོ་བ། མིག་གཡོ་བ། ཞལ་རྣམ་པར་གདངས་པ། རྣམ་པར་
D369.077.0298b06.01རོལ་པ། ལྗགས་རྣམ་པར་སྐྱོད་པ། སྣ་ཚོགས་པའི་ཉམས་ཀྱིས་མཆོག་སྟེར་བར་མཛད་པའོ། །ཐོད་པའི་ཕྲེང་བ་དང་། ཟླ་བ་ཕྱེད་པ་དང་། སྣ་ཚོགས་རྡོ་རྗེས་དབུ་ལ་མནན། །སངས་རྒྱས་ལྔ་ཡི་ཅོད་པན་ཅན། །རྡོ་རྗེ་སེམས་དཔའ་སྤྱི་གཙུག་བརྒྱན། །སྤྱན་གསུམ་སྟག་གི་
D369.077.0298b07.01