完整藏文原文 · 德格版页 当前仅加载第 77 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་དབང་ཕྱུག་ཆེན་པོ་རྡོ་རྗེ་ཧེ་རུ་ཀ་དང་། རྣལ་འབྱོར་གྱི་དབང་ཕྱུག་ཆེན་པོ་རྡོ་རྗེ་ཉི་མ་དང་། རྣལ་འབྱོར་གྱི་དབང་ཕྱུག་ཆེན་པོ་རྡོ་རྗེ་རྟ་མཆོག་དང་། རིགས་དྲུག་པོ་དེ་ནི་ཡན་ལག་དྲུག་ཏུ་དགོད་པ་སྟེ། བསྲུང་བ་གཉིས་སུ་མེད་པའི་དམ་ཚིག་གི་མཆོག་དེ་ནི་ཐབས་དང་ཤེས་རབ་གཉིས་སུ་མེད་པ་ལས་
D369.077.0249b01.01བྱུང་ངོ་། །རྣལ་འབྱོར་ཆེན་པོའི་མཆོག་ཏུ་གསང་བ་སྦས་པ་བཤད་པར་བྱ་སྟེ། རྡོ་རྗེ་དབང་ཕྱུག་ཆེན་མོ་རྡོ་རྗེ་ཕག་མོ་དང་། རྡོ་རྗེ་དབང་ཕྱུག་ཆེན་མོ་ཡ་མི་ནི་དང་། རྡོ་རྗེ་དབང་ཕྱུག་ཆེན་མོ་རྨོངས་བྱེད་མ་དང་། རྡོ་རྗེ་དབང་ཕྱུག་ཆེན་མོ་གཡོ་བྱེད་མ་དང་། རྡོ་རྗེ་དབང་ཕྱུག་ཆེན་མོ་སྐྲག་བྱེད་མ་དང་།
D369.077.0249b02.01རྡོ་རྗེ་དབང་ཕྱུག་ཆེན་མོ་ཙནྜི་ཀ་སྟེ། འདི་ལྟ་བུས་ཡང་ནམ་མཁའི་ཁམས་དང་། ཆོས་ཀྱི་དབྱིངས་ཐམས་ཅད་ཀྱི་གཉིས་སུ་མེད་པའི་དམ་ཚིག་ཡང་དག་པར་བསྲུང་བའི་སྦྱོར་བའི་ཐུགས་གསང་བ་ཆེན་པོ་སྟེ། དེ་ལྟ་བུ་སྣ་ཚོགས་དུ་མའི་རྣལ་འབྱོར་མ་རང་གི་ལག་པས་ཁྲག་དྲོན་མོ་མཆོག་
D369.077.0249b03.01གིས་མཆོད་པ་བྱས་ནས་ཐལ་མོ་སྦྱར་ཏེ། མོས་པ་མཆོག་གིས་སྤྱི་བོས་གཏུགས་སོ། །དེ་ནས་དམ་ཚིག་ཆེན་པོ་རྣམ་པར་འཕྲུལ་པ་རྡོ་རྗེ་སྣ་ཚོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རང་གི་བ་སྤུའི་བུ་ག་ནས་སེམས་དཔའ་སྣ་ཚོགས་སྤྲོས་ཏེ་ཕྱུང་ནས་གདུལ་བ་དུ་མ་ལ་
D369.077.0249b04.01ཐབས་སྣ་ཚོགས་པ་མ་ལུས་ཤིང་ལུས་པ་མེད་པའི་ཆོས་ཀྱི་དབྱིངས་ཡོངས་སུ་གང་བར་བྱས་ཏེ། སྣ་ཚོགས་པས་མདུན་གྱི་ནམ་མཁའ་ཡོངས་སུ་གང་བར་མཐོང་ངོ་། །བཅོམ་ལྡན་འདས་ཀྱིས་རིགས་སྣ་ཚོགས་པའི་སྙིང་རྗེ་ཆེན་པོའི་ཁྲོ་བོའི་ཆ་ལུགས་འཛིན་ཅིང་སེམས་ཅན་རྣམས་ལ་ཕན་པའི་
D369.077.0249b05.01ཕྱིར། གཉིས་སུ་མེད་པའི་རོ་དགའ་བ་སྣ་ཚོགས་ཀྱི་ཆོ་འཕྲུལ་རྡུལ་སྙེད་དང་མཉམ་པ་བསྟན་ཏེ། ཁམས་གསུམ་གྱི་བདག་པོས་གསུངས་པ། ཆུ་དང་། མེ་དང་། རླུང་དང་། དབང་ཆེན་གྱི་སྟེང་དུ་སྣ་ཚོགས་པའི་རིའི་རྒྱལ་པོ་རི་རབ་སྣ་ཚོགས་པ་རིན་པོ་ཆེ་སྣ་ཚོགས་པའི་གཟི་བརྗིད་
D369.077.0249b06.01ཀྱིས་མཛེས་པ། དེའི་སྟེང་དུ་དཔལ་རྡོ་རྗེ་སེམས་དཔས་ཆོས་ཀྱི་དབྱིངས་ལས་རྡོ་རྗེ་ཁྲོ་བོ་ཆེན་པོ་ཕྱུང་ནས་སྤྲོས་ཏེ། རྡོ་རྗེ་ཆེན་པོའི་གཞལ་ཡས་ཁང་དཀྱིལ་འཁོར་ཆེན་པོའི་རྒྱལ་པོར་སྤྲུལ་པ་ལ་ཀུན་ཏུ་བཟང་པོ་ཆེན་པོ་བྱུང་སྟེ། རྡོ་རྗེ་འཁོར་དང་ལྷན་ཅིག་བྱུང་ནས་བརྟན་པར་བཞུགས་སོ། །
D369.077.0249b07.01