完整藏文原文 · 德格版页 当前仅加载第 77 函德格 254b 版页；藏文 NFD、目录标记与异常页序保留在来源切片中，重复版页行以稳定序号区分。
མཉམ་ནམ་མཁའ་ལྟ་བུའོ། །དེ་ལྟར་ཕུང་པོ་ཁམས་དང་ནི། །སྐྱེ་མཆེད་རྣམས་ནི་རྣལ་འབྱོར་པས། །ཐ་མལ་དངོས་པོའི་རང་བཞིན་ནི། །ཡོངས་སུ་དག་པར་ཤེས་པར་བྱ། །ཐ་མལ་ཆོས་ཀུན་ཡོངས་དག་སྟེ། །བདག་ཀྱང་ཡོངས་སུ་དག་པ་ཡིན། །དེ་ནས་གསུམ་ལ་སྐྱབས་སུ་འགྲོ། །
D369.077.0254b01.01སྔགས་ཀྱི་སྐུ་རུ་འགྱུར་བ་ཡིས། །ཧེ་རུ་ཀ་དཔལ་བདག་གྱུར་ནས། །སེམས་ཅན་ཀུན་གྱི་དོན་ཡང་བྱེད། །ཧེ་རུ་ཀ་ཡི་གོ་འཕང་མཆོག །ཐོབ་ནས་སེམས་ཅན་མ་ལུས་པ། །འདི་ལ་འཇོག་ཅིང་འགོད་པར་ཤོག །ཨོྃ་སྭ་བྷཱ་བ་ཤུད་དྷཱཿ སརྦ་དྷརྨཱཿསྭ་བྷཱ་བ་ཤུད་དྷོ྅ཧྃ། ལན་གསུམ་
D369.077.0254b02.01བར་དུ་བཟླ་བར་བྱ། །དངོས་མེད་མདུན་སོགས་ཕྱོགས་བཅུ་རུ། །སྙིང་པོའི་ཕྲེང་བ་སྤྲོ་བར་བྱ། །དེས་ན་སྙིང་པོ་དེ་མཐོང་ནས། །དྲ་བ་ར་བ་དེ་བཞིན་ཏེ། །རྡོ་རྗེ་ས་སོགས་བྱིན་གྱིས་བརླབ། །བླ་རེ་མདའ་ཡི་དྲ་བ་དང་། །རྡོ་རྗེ་མེ་ནི་འབར་བར་བསྐོར། །ཕྱི་རོལ་རིང་ནས་དགོད་པར་བྱ། །
D369.077.0254b03.01ཨོྃ་མེ་དི་ནཱི་བཛྲཱི་བྷ་བ་བཛྲ་བན་དྷ་ཧཱུྃ། ཨོྃ་བཛྲ་པྲཱ་ཀཱ་ར་ཧཱུྃ་བྃ་ཧཱུྃ། ཨོྃ་བཛྲ་པཉྩ་ར་ཧཱུྃ་བྃ་ཧཱུྃ། ཨོྃ་བཛྲ་བི་ཏཱ་ན་ཧཱུྃ་ཁྃ་ཧཱུྃ། ཨོྃ་བཛྲ་ཤ་ར་ཛཱ་ལ་ཏྲཱྃ་ཤྃ་ཏྲཱྃ། ཨོྃ་བཛྲ་ཛྭ་ལཱ་ན་ལཱ་རྐ་ཧཱུྃ་ཧཱུྃ་ཧཱུྃ། ཧེ་རུ་ཀ་ཡི་བཀའ་འཁོར་ལོ། །གཙོ་བོ་བརྒྱད་པོ་འབར་བ་དག །དེ་མཐོང་ནས་ནི་ལེགས་པ་རུ། །ཉི་
D369.077.0254b04.01མའི་དཀྱིལ་འཁོར་དབུས་བཞུགས་པ། །རྡོ་རྗེ་སེམས་དཔའ་རྣམ་པར་བསྒོམ། །ཞལ་གསུམ་ཕྱག་དྲུག་ཞི་བ་སྟེ། །དག་པའི་ཤེལ་དང་ཟླ་མདོག་འདྲ། །ཕྱག་རྒྱ་ཆེ་དང་མཉམ་པར་ལྡན། །ཤེས་རབ་སྐྱིལ་ཀྲུང་ལེགས་པར་བཞུགས། །ཐོད་པའི་ཕྲེང་འདྲ་ལྡན་པའི་དབུ། །མི་བསྐྱོད་
D369.077.0254b05.01པ་ནི་དབུ་རྒྱན་བཞུགས། །རྒྱན་རྣམས་ཐམས་ཅད་ཡོངས་སུ་རྫོགས། །ཐམས་ཅད་མཚན་མས་མཚན་པ་ཡིན། །དཔེ་བྱད་ཀུན་གྱིས་བརྒྱན་པ་སྟེ། །ཐོད་པ་ཁ་ཊྭཱྃ་ག་འཛིན་ཅིང་། །རྡོ་རྗེ་དྲིལ་བུས་ལེགས་པར་འཁྱུད། །ཞགས་པ་ལྕགས་ཀྱུ་འཛིན་མཛད་ཅིང་། །དཔའ་ཆེན་བདེ་བའི་
D369.077.0254b06.01གོ་འཕང་བཞུགས། །དཀར་ཞིང་སེར་ལ་ལྗང་ཁུ་སྟེ། །ཞལ་གདོང་གཉིས་པོ་རྣམ་པར་འགྱུར། །ལུགས་སུ་འབྱུང་དང་བཟློག་ཚུལ་གྱིས། །དེ་ཡི་ཁྲོ་བོ་བརྒྱད་དག་སྤྲོ། །རྡོ་རྗེ་དྲག་པོ་ན་ལཱརྐཾ། །རྡོ་རྗེ་གཙུག་ཏོར་དེ་བཞིན་དེ། །ཐབ་སྦྱོར་རྡོ་རྗེ་གནོད་སྦྱིན་དང་། །རྡོ་རྗེ་ནག་པོ་
D369.077.0254b07.01