完整藏文原文 · 德格版页 当前仅加载第 77 函德格 283a 版页；藏文 NFD、目录标记与异常页序保留在来源切片中，重复版页行以稳定序号区分。
པ་སྟེ། །ལྟེ་བ་དང་ནི་གེ་སར་བཅས། །དེ་དབུས་ཟླ་བ་བལྟ་བྱས་ཏེ། །ཨ་ལ་སོགས་པ་རྣམ་པར་སྦྱར། །ཨཱ་ལི་ཀཱ་ལི་མཉམ་བྱས་ཏེ། །ཧཱུྃ་ནི་ནང་དུ་ཆུད་པར་བྱ། །རྡོ་རྗེ་སེམས་དཔས་ཀུན་ཁྱབ་པ། །ཧེ་རུ་ཀ་ནི་རྣམ་པར་བསྒོམ། །ཞལ་ལྔ་ཕྱག་ནི་
D369.077.0283a01.01བཅུ་པ་སྟེ། །ཕག་མོ་ཡིས་ནི་ཡོངས་སུ་བརྒྱན། །དཀར་ཞིང་སྔོ་ལ་དེ་བཞིན་དམར། །ལྗང་གུ་སེར་པོ་སྟེང་དུ་སྟེ། །སྤྱན་གསུམ་པ་ལ་འཇིགས་པའི་ཞལ། །གཡས་བརྐྱང་པ་ཡི་གནས་པས་བཞུགས། །འཇིགས་བྱེད་དང་ནི་དུས་མཚན་ཉིད། །ཤིན་ཏུ་མྱོས་པས་ཞབས་འོག་
D369.077.0283a02.01གནོན། །ཐོད་པའི་ཕྲེང་བའི་དབུ་རྒྱན་ཅན། །ཟླ་བ་ཕྱེད་པ་འཛིན་པས་མཛེས། །སྣ་ཚོགས་རྡོ་རྗེ་ཅོད་པན་ཅན། །རལ་པའི་དབུ་རྒྱན་དབུ་ལ་བཅིང་། །ཕྱག་རྒྱ་དྲུག་གིས་རྒྱས་བཏབ་ཅིང་། །སྐུ་ལ་རྡོ་རྗེའི་རྒྱན་གྱིས་སྤུད། །རྡོ་རྗེ་དྲིལ་བུ་མཉམ་པར་ལྡན། །བདེ་བ་ཆེན་པོའི་བདེ་
D369.077.0283a03.01བ་མཆོག །རྩེ་གསུམ་དང་ནི་ཅང་ཏེའུ་འཛིན། །རྡོ་རྗེ་གྲི་གུག་དེ་བཞིན་ཏེ། །ཐོད་པ་ཁ་ཊྭཱཾ་ཚངས་པའི་མགོ །དགྲ་སྟ་དང་ནི་ཞགས་པའོ། །གཡས་དང་གཡོན་གྱི་ཕྱག་ལ་ནི། །ན་རའི་པགས་པ་གོས་སུ་མནབས། །ཞབས་གཉིས་མཉམ་པར་འཁྲིལ་བ་ནི། །ཕག་མོ་ཡིས་ནི་
D369.077.0283a04.01ཁ་སྦྱར་བྱས། །དེ་མདོག་ཕྱག་དང་བཞུགས་སྟངས་ཅན། །དབུ་སྐྲ་གྲོལ་ཞིང་གཅེར་བུ་སྟེ། །སྟག་གི་པགས་པ་གོས་སུ་མནབས། །དུམ་བུའི་རྒྱན་གྱིས་སྐ་རགས་ཅན། །དྲག་པོའི་ཐོད་པའི་ཕྲེང་བ་ཅན། །ཐུགས་རྗེའི་ཆགས་པས་རྣམ་པར་མྱོས། །ཤར་གྱི་འདབ་ལ་མཁའ་འགྲོ་
D369.077.0283a05.01མ། །བྱང་དུ་ལཱ་མ་མཁའ་འགྲོ་མ། །ནུབ་ཏུ་དུམ་སྐྱེས་མ་ཡིན་ནོ། །ལྷོ་རུ་གཟུགས་ཅན་མཁའ་འགྲོ་མ། །གནག་དང་སྔོ་བསངས་དམར་སེར་སྐྱ། །ཕྱོགས་ཀྱི་གོས་འཆང་གཡས་བརྐྱང་བཞུགས། །ཐོད་པའི་ཕྲེང་བའི་དབུ་རྒྱན་ཅན། །སྐྲ་གྲོལ་གཉིས་སུ་མེད་པ་སྟེ། །ཟུར་གྱི་ཆ་
D369.077.0283a06.01ནི་ཐམས་ཅད་དུ། །བྱང་ཆུབ་སེམས་ཀྱི་སྣོད་ཀྱང་གཞག །ཐོད་པ་ཁ་ཊྭཱཾ་དྲིལ་བུ་དང་། །ཅང་ཏེའུ་གྲི་གུག་མགོ་བོ་ཐོགས། །ཞལ་གསུམ་སྤྱན་གསུམ་བཞིན་རྣམ་བསྒྱུར། །དྲག་པོ་ཆགས་པའི་ཆགས་པས་མྱོས། །བཅོམ་ལྡན་བདེ་བས་གཟིགས་ནས་ནི། །བདེ་བ་ཆེ་
D369.077.0283a07.01