完整藏文原文 · 德格版页 当前仅加载第 77 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོག་མར་དབུས་མཐར་དྲི་མ་མེད། །འཇིག་རྟེན་གསུམ་དུ་རྙེད་དཀའ་བ། །སྲུབ་དང་བསྲུབ་པར་ཡང་དག་སྦྱོར། །གང་ལ་དེ་ལ་ཇི་ལྟར་བཞིན། །རང་བཞིན་དག་པ་འོད་གསལ་བ། །གསང་བའི་གནས་ལས་བྱུང་བ་ཡིན། །རྟག་ཏུ་ཉེས་བྲལ་ཞི་བ་སྟེ། །ནམ་མཁའ་དང་ནི་མཉམ་གྱུར་པ། །
D369.077.0247b01.01སྤྲོ་དང་སྡུད་པ་བྱེད་པ་ཡིན། །རང་བཞིན་དག་པ་རང་བྱུང་སྟེ། །རྣལ་འབྱོར་མ་ཡི་བདེ་བ་སྟེར། །བཟླས་དང་བསམ་གཏན་ལྡན་པ་དང་། །སྦྱོར་ཉིད་ཆོ་གའི་ཡེ་ཤེས་ཀྱི། །དེ་དག་རྒྱུད་ལས་གསུངས་པ་དག །གསང་བའི་བདག་པོ་རབ་ཏུ་ཉོན། །དབུགས་འབྱིན་བར་མ་མཆོག་དག་དང་། །
D369.077.0247b02.01དྲི་ཡི་ཆུ་དང་བཅས་པ་དག །མཁས་པས་རིལ་བུར་བྱས་ནས་ནི། །འཁོར་གྱི་དཀྱིལ་འཁོར་དག་ལ་མཆོད། །འབྱུང་བའི་དུས་ཀྱི་ཁྱད་པར་ལ། །ཕོ་ཉས་ལྷན་ཅིག་སྐྱེས་པ་འགྲུབ། །མཆོག་དང་འབྲིང་དང་ཐ་མ་སྟེ། །མཐར་ཐུག་དངོས་གྲུབ་ཐམས་ཅད་འབྱུང་། །དགའ་བ་ཡིད་ལ་འདོད་པ་
D369.077.0247b03.01ཡི། །དངོས་གྲུབ་ཀྱང་ནི་འགྲུབ་པར་འགྱུར། །རང་རྫས་ཐིག་ལེས་སངས་རྒྱས་དང་། །བྱང་ཆུབ་སེམས་དཔའ་མཆོད་པར་བྱ། །རང་གི་ལྷ་ཡི་སྦྱོར་བ་ཡིས། །རང་དང་གཞན་ཡང་མཆོད་པར་བྱ། །མཐོང་བ་དང་ནི་རེག་པ་དང་། །ཐོས་པ་དང་ནི་དྲན་པ་ཡིས། །སྡིག་པ་ཀུན་ལས་གྲོལ་
D369.077.0247b04.01འགྱུར་ཏེ། །དེ་ལྟར་འདི་ལ་ཐེ་ཚོམ་མེད། །རྣལ་འབྱོར་པ་ཉིད་བསོད་ནམས་མཆོག །དག་བྱེད་སྡིག་པ་འཇིག་པར་བྱེད། །བཟླས་དང་བསམ་གཏན་དག་པས་ཀྱང་། །སྐྱེ་བ་འདི་ལ་དངོས་གྲུབ་འགྱུར། །མངོན་པར་བརྗོད་པའི་རྒྱུད་བླ་མའི་བླ་མ་ལས་དམ་ཚིག་ལ་འཇུག་པའི་གསང་
D369.077.0247b05.01བ་སྦས་པ་བསྟན་པ་སྟེ་ལེའུ་དང་པོའོ།། །།དེ་ནས་བཅོམ་ལྡན་འདས་རྡོ་རྗེ་སེམས་དཔའ་ཆོས་ཀྱི་དབྱིངས་ལ་རྣམ་པར་འཕྲུལ་པ་ཞེས་བྱ་བ་ཁྲོ་བོ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ནས། དངོས་གྲུབ་ཐམས་ཅད་ཀྱི་གསང་བ་གསུངས་པ། ཆགས་པ་མེད་ཅིང་ཆགས་པ་དང་བྲལ་
D369.077.0247b06.01བའི་སངས་རྒྱས་ཀྱི་ཞིང་གྲངས་མེད་པའི་རྡུལ་དང་མཉམ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ལ་འདི་ལྟ་སྟེ། དཔའ་བོ་ཆེན་པོ་གཟུགས་རྡོ་རྗེ་ཞེས་བྱ་བ་དང་། དཔའ་བོ་ཆེན་པོ་ཚོར་བ་རྡོ་རྗེ་ཞེས་བྱ་བ་དང་། དཔའ་བོ་ཆེན་པོ་འདུ་ཤེས་རྡོ་རྗེ་ཞེས་བྱ་བ་དང་། དཔའ་བོ་ཆེན་པོ་
D369.077.0247b07.01