完整藏文原文 · 德格版页 当前仅加载第 76 函德格 195a 版页；藏文 NFD、目录标记与异常页序保留在来源切片中，重复版页行以稳定序号区分。
བུའི་མཚན་དང་ལྡན་པ་ཡིན་ནོ། །ཡོན་ཏན་དང་ལྡན་པའི་ལེགས་པ་མི་བཅབས་ཤིང་། བསྟོད་ཅིང་བསྔགས་པས། དེའི་རྒྱུ་དེའི་རྐྱེན་གྱིས། མཛོད་སྤུ་དཀར་པོའི་མཚན་དང་ལྡན་པ་ཡིན་ནོ། །མཚན་སུམ་ཅུ་རྩ་
D353.076.0195a01.01གཉིས་འདི་དག་གི་རྒྱུ་དང་རྐྱེན་ས་སོར་བཤད་མོད་ཀྱི། དེའི་རྒྱུ་དེའི་རྐྱེན་ཡང་དག་པ་ནི། ཚུལ་ཁྲིམས་དང་བརྩོན་འགྲུས་སོ། །དེ་ཅིའི་ཕྱིར་ཞེ་ན། གལ་ཏེ་ཚུལ་ཁྲིམས་མ་བསྲུངས། བརྩོན་འགྲུས་མ་སྤྱད་ན། མིའི་ལུས་ཀྱང་ཐོབ་པར་
D353.076.0195a02.01མི་ནུས་ན། མཚན་སུམ་ཅུ་རྩ་གཉིས་ཐོབ་པ་ལྟ་སྨོས་ཀྱང་ཅི་དགོས། སྤྱི་གཙུག་བལྟར་མི་སྣང་བ་དང་། ཤའི་གཙུག་ཏོར་གྱི་མཚན་གཉིས་ལ་ཐ་དད་པ་མེད་དོ། །གཞན་ཡང་ཅི་བྱེད་དོ་ཅོག་ལ་གཅིག་ཏུ་མ་ངེས་ཏེ། འགྱོད་པའི་སེམས་མེད་ན། དེའི་
D353.076.0195a03.01རྒྱུ་དེའི་རྐྱེན་གྱིས། རྐང་མཐིལ་མཉམ་པར་གང་བའི་མཚན་ཐོབ་བོ། །དེ་ཡང་སེམས་རྩེ་གཅིག་ཏུ་བྱས་ན། དེའི་རྒྱུས་འཁོར་ལོའི་རྩིབས་སྟོང་དང་ལྡན་པའི་མཚན་དང་། མཚན་གསུམ་པ་དང་། བཞི་པ་དང་། སོར་མོའི་བར་འབྲེལ་པ་དང་། གནས་
D353.076.0195a04.01བདུན་མཉམ་པར་གང་བ་དང་། མཉེན་ཞིང་འཇམ་པ་དང་། ཕྲག་པ་ཟླུམ་པ་དང་། སྒྲོག་རུས་གང་བ་དང་། ལུས་དྲང་བ་དང་། ལྕེ་རིང་ཞིང་ཡངས་པའི་མཚན་དང་ལྡན་པ་ཡིན་ནོ། །དེ་ཡང་བྱ་བརྟག་ཏུ་བྱས་ན། དེའི་རྒྱུས་སོར་མོ་རིང་
D353.076.0195a05.01བའི་མཚན་དང་། ལག་པས་པུས་མོར་སླེབས་པའི་མཚན་དང་། འོད་རྟག་པ་འདོམ་གང་གི་མཚན་དང་། སོ་ཐགས་བཟང་ཞིང་ཡ་ཡོ་མེད་པའི་མཚན་ཐོབ་བོ། །བྱ་བ་ཡོངས་སུ་དག་པར་བྱས་ན། དེའི་རྒྱུས་མཚན་ལྷག་མ་གཞན་རྣམས་ཐོབ་
D353.076.0195a06.01པར་འགྱུར་རོ། །གཞན་ཡང་སེམས་ཅན་དག་ལ་དགེ་བ་འབའ་ཞིག་གི་སེམས་བསྐྱེད་པས། དེའི་རྒྱུས་རྐང་ལག་མཉེན་ཞིང་འཇམ་པ་དང་། པགས་པ་མཉེན་ཞིང་འཇམ་ལ། རྡུལ་དང་དྲི་མས་མི་གོས་པའི་མཚན་ཐོབ་བོ། །རིམ་གྱིས་
D353.076.0195a07.01