thabs mkhas pa chen po sangs rgyas drin lan bsab pa'i mdo/
当前为德格木刻版 106a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 106a
- 可引用原文
- 7 行
- 全文规模
- 全经 1567 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 76 函 · 德格 106a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཀྱི་དོན་གྲུབ་པའི་གྲོགས་བྱ་སྟེ། དོན་ཡིད་བཞིན་དུ་བསྒྲུབ་པར་བྱའོ། །ཞེས་ཟེར་ན་དེ་ལ་རབ་ཏུ་དགའ་བའི་སེམས་སྐྱེ་བར་འགྱུར་ཏེ། དེ་བས་ན་བདག་གིས་སེམས་ཅན་ལ་ཕན་པ་དང་བདེ་བའི་དོན་དུ་བསྒྲུབ་པའི་ལས་ཀྱི་གྲོགས་བྱའོ། །ཇི་ལྟར་བདག་ལ་རྒྱལ་པོ་དང་། རྐུན་པོ་དང་ཆུའམ། མེས་གནོད་པར་འགྱུར་རམ། བློན་པོ་ལ་སོགས་པས། བཟུང་ངམ། བཏགས་སམ། བཅིངས་ན་མི་དགའ་བའི་མྱ་ངན་གྱིས་གདུངས་པར་གྱུར་པ་ལས་མཁས་པ་བློ་དང་ལྡན་པ་ཞིག་གིས་བདག་དེ་ལྟར་མྱ་
ངན་གྱིས་གདུངས་པ་མཐོང་ན། སྙན་པ་སྒྲའི་ཚིག་གིས་བདག་ལ་ཁྱེད་མྱ་ངན་མ་བྱེད་ཅིག །ཁྱོད་ཀྱི་ཕྱིར་ཁོ་བོས་རྒྱལ་པོའམ། བློན་པོ་ཆེན་པོ་ལ་གསོལ་བ་བཏབ་སྟེ། གལ་ཏེ་ན་ནོར་གསུག་སྦྱིན་པའམ། ཐབས་རྣམ་པ་སྣ་ཚོགས་ཀྱིས་ཅི་ནས་ཀྱང་ཁྱོད་མི་བདེ་བའི་སྡུག་བསྔལ་ལས་ཐར་བར་བྱའོ་ཞེས་ཟེར་ན། བདག་གིས་ཚིག་དེ་ཐོས་པ་ཙམ་གྱིས་སེམས་དགའ་བར་འགྱུར་ཏེ། དེ་བས་ན་བྱང་ཆུབ་སེམས་དཔའ་ནི་ཤེས་པར་བྱ་བའི་སྒྱུ་རྩལ་དང་བཟོའི་བར་དུ་ཡང་མཐར་ཕྱིན་པར་བརྩོན་འགྲུས་སུ་སློབ་བོ། །འདི་ལྟ་སྟེ།
ཤེས་པར་བྱ་བ་རིག་པའི་གནས་དང་། བཟོའི་གནས་དང་། རོལ་མོ་དང་། རྩེད་མོ་དང་། གྲངས་དང་། རྩིས་དང་། མིག་འཕྲུལ་གྱི་སྔགས་དང་། སྨན་དང་། བན་གླང་དང་། རྟ་དང་། བཞོན་པ་དང་། དགྲ་ཆོས་དང་། དམག་དྲང་བ་དང་། དཔྱད་ལ་སོགས་པ་ལ་མཁས་པར་སློབ་སྟེ། དེ་ལྟར་སྒྱུ་རྩལ་ཅི་ལ་ཡང་མཁས་པར་བསླབས་ནས་འགྲོ་བ་མང་པོ་དང་། རྒྱལ་པོ་དང་། བློན་པོ་ཆེན་པོ་ལ་སོགས་པ་ཡང་བསམས་པའི་ཡིད་དང་འགལ་བར་མི་བྱེད། དེ་མ་ཡིན་པ་གཞན་ཡང་ལོངས་སྤྱོད་ཀྱི་རྐྱེན་གོས་སམ། ནོར་
རམ། ཟས་སམ། བཟའ་བའམ། བཏུང་བའམ། ནོར་བུའམ། གདུ་བུའམ། ལུས་ཀྱི་རྒྱན་ནམ། གསེར་རམ། དངུལ་ལམ། བཻ་དཱུརྱའམ། བྱི་རུའམ། མན་ཤེལ་ལམ། སྤུག་གམ། མུ་ཏིག་གམ། ཨ་མྲ་གར་བྷའམ། ནོར་བུ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D353
- 德格版页
- 106a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0353 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。