完整藏文原文 · 德格版页 当前仅加载第 76 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་ཏོ། །རྫུ་འཕྲུལ་གྱི་མཐུས་སྟེང་གི་ནམ་མཁའ་ལ་འཕགས་ནས་རིན་པོ་ཆེའི་བལ་གླང་ཆེན་པོ་མགོ་བོ་སྟོང་དང་ལྡན་པ་ཞིག་ཏུ་སྤྲུལ་ཏོ། །བལ་གྱི་གླང་པོ་ཆེ་གཅིག་ལ་གཅིག་འཁྲི་ཞིང་མགོ་བོ་སྟོང་ཕྱིར་ལྟ་བར་བསྟན་ཏོ། །བལ་གྱི་གླང་པོ་དེ་རེ་རེ་ཡང་མཆེ་བ་
D353.076.0150a01.01བདུན་བདུན་དང་ལྡན་ཏེ། མཆེ་བ་རེ་རེ་ལ་ཡང་ཁྲུས་ཀྱི་རྫིང་བུ་རེ་རེ་ཡོད་དོ། །རྫིང་བུ་རེ་རེ་ལ་ཡང་མེ་ཏོག་པད་མོ་བདུན་བདུན་ཡོད་དོ། །པད་མ་རེ་རེ་ལ་ཡང་སྤྲུལ་པའི་སངས་རྒྱས་རེ་རེ་བཞུགས་སོ། །སྤྲུལ་པའི་སངས་རྒྱས་རེ་རེ་ལ་ཡང་ཉེ་གནས་ཤཱ་རིའི་བུ་རེ་རེ་ཡོད་ལ། ཤཱ་རིའི་བུ་རེ་
D353.076.0150a02.01རེས་ཀྱང་འོད་ཟེར་ཆེན་པོ་བཀྱེ་ནས་ཕྱོགས་བཅུའི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་སྣང་བར་བྱས་ཏེ། རྒྱུ་འཐུན་པ་ཐམས་ཅད་བསྡུས་སོ། །རྒྱུ་དང་ལྡན་པ་ཐམས་ཅད་འདུས་ནས་དེ་ནས་ཤཱ་རིའི་བུས་ལུས་ཆེན་པོས་ནམ་མཁའ་ཡོངས་སུ་གང་བ་བསྟན་ཏོ། །ལུས་ཆེན་
D353.076.0150a03.01པོ་ལས་ལུས་ཆུང་ངུར་བསྒྱུར་བ་བསྟན་པ་ཡང་བསྟན་ཏེ། སའི་ནང་དུ་ཆུ་ལ་བྱ་བ་བཞིན་དུ་འཇུག་ཅིང་འབྱུང་བ་དང་ཞུགས་པར་ཡང་མི་མངོན་ཏེ། ལུས་ཀྱི་སྨད་ནས་མེ་འབར་བ་དང་། ལུས་ཀྱི་སྟོད་ནས་ཆུ་འབབ་པ་ཡང་བསྟན་ཏོ། །སྟེང་གི་ནམ་མཁའ་ལ་ཐོགས་པ་མེད་པར་བརྒྱ་ནས་སྟོང་
D353.076.0150a04.01གི་བར་དུ་ཆོ་འཕྲུལ་གྲངས་མེད་པ་རྣམ་པ་སྣ་ཚོགས་པ་བསྟན་ནས། ནམ་མཁའ་ལས་བབས་ཏེ་འཁོར་མང་པོ་ལ་ཆོས་རྒྱས་པར་བསྟན་ནས་སྤྲོ་བ་དང་། གཟེངས་བསྟོད་པ་དང་། དགའ་བར་བྱས་ནས་སེམས་ཅན་ཚད་མེད་པ་བརྒྱ་སྟོང་སྙེད་ནི་བླ་ན་མེད་པ་ཡང་དག་པར་རྫོགས་པའི་
D353.076.0150a05.01བྱང་ཆུབ་ཏུ་སེམས་བསྐྱེད་དུ་བཅུག །སེམས་ཅན་ཚད་མེད་པ་བརྒྱ་སྟོང་སྙེད་ནི་རྒྱུན་དུ་ཞུགས་པ་ནས་དགྲ་བཅོམ་པའི་འབྲས་བུའི་བར་དུ་ཐོབ་པར་བྱས་ནས། གཞན་ཡང་སེམས་ཅན་ཚད་མེད་པ་བརྒྱ་སྟོང་སྙེད་ནི་ཉན་ཐོས་དང་། རང་སངས་རྒྱས་སུ་སེམས་བསྐྱེད་དུ་བཅུག་གོ། །ཤཱ་རིའི་
D353.076.0150a06.01བུས་དེ་ལྟར་ཕན་པ་དང་བདེ་བའི་དོན་ཚད་མེད་པ་བྱས་པས་འཁོར་མང་པོ་ལ་འདི་སྐད་ཅེས་སྨྲས་སོ། །བདག་གིས་ཇི་ལྟ་བུ་ཞིག་སྙེད་ཀྱིས་དེ་བཞིན་གཤེགས་པ་སྔར་མྱ་ངན་ལས་འདའ་བ་མི་མཐོང་བར་བྱ་ཞེས་ཏེ། སྟེང་གི་ནམ་མཁའ་ལ་འཕགས་ནས་བདག་གི་ལུས་ལས་མེ་ཕྱུང་
D353.076.0150a07.01