完整藏文原文 · 德格版页 当前仅加载第 76 函德格 151a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བ་ཞིག་ཡོད་དེ། ཡུལ་བཱ་རཱ་ཎ་སཱིའི་རྒྱལ་པོ་དེ་ནི་འོད་ཟེར་ཆེན་པོ་ཞེས་བྱའོ། །རྒྱལ་པོ་འོད་ཟེར་ཆེན་པོ་ཞེས་བྱ་བ་དེ་ལ་མཐའི་རྒྱལ་ཕྲན་དྲུག་ཅུ་དང་། གྲོང་ཁྱེར་བརྒྱད་བརྒྱ་ལ་དབང་སྒྱུར་ཏེ། རྒྱལ་པོ་དེ་རྒྱུན་དུ་སྙིང་རྗེའི་སེམས་དང་ལྡན་པས་ཐམས་ཅད་ལ་ཡིད་དང་མི་
D353.076.0151a01.01འགལ་བར་སྦྱིན་པ་ཡོངས་སུ་གཏོང་ངོ་། །དེའི་ཚེ་ན་མཐའི་རྒྱལ་ཕྲན་གཅིག་རྒྱལ་པོ་དེ་ལ་མི་དགའ་སྟེ་རྒྱུན་དུ་ངན་སེམས་སྐྱེའོ། །རྒྱལ་པོ་འོད་ཟེར་ཆེན་པོས་ཟླ་བ་ངོ་རེ་རེ་ཞིང་དུས་དྲུག་གི་ཉི་མ་དང་སྦྱར་ཏེ། བལ་གྱི་གླང་པོ་ཆེ་ལྔ་བརྒྱ་ལ་རིན་པོ་ཆེ་དང་། ནོར་རྫས་དང་། གོས་དང་།
D353.076.0151a02.01བཟའ་བ་དང་། བཏུང་བ་བཀལ་ཏེ་ཚོང་འདུས་དང་། གྲོང་ཁྱེར་གྱི་སྒོ་བཞིར་སྤུངས་ནས་ཐམས་ཅད་ལ་སྦྱིན་པ་བྱེད་དོ། །དེའི་ཚེ་ན་རྒྱལ་ཕྲན་དགྲར་གྱུར་པ་དེས་དེ་ལྟར་རྒྱལ་པོ་འོད་ཟེར་ཆེན་པོ་ཐམས་ཅད་ལ་ཡིད་དང་མི་འགལ་བར་གོས་དང་། ཟས་དང་། གསེར་དང་། དངུལ་དང་། རིན་
D353.076.0151a03.01པོ་ཆེའི་བར་དུ་ཅི་འདོད་པ་ལས་སྦྱིན་པ་བྱེད་དོ། །ཞེས་ཐོས་ནས་མཐའི་རྒྱལ་ཕྲན་དེས་རྒྱལ་པོ་འོད་ཟེར་ཆེན་པོ་སྦྱིན་པའི་བསོད་ནམས་བྱེད་པ་ལ་ཕྲག་དོག་གི་སེམས་སྐྱེས་ཏེ། བློན་པོ་རྣམས་བསྡུས་ནས་ཁྱེད་རྣམས་ལས་སུ་ཞིག་བཱ་རཱ་ཎ་སཱིའི་རྒྱལ་པོ་འོད་ཟེར་ཆེན་པོའི་མགོ་སློང་དུ་འགྲོ་ནུས་
D353.076.0151a04.01ཞེས་བསྒོ་བ་དང་། བློན་པོ་རྣམས་ཀྱིས་བདག་ཅག་ནི་གང་ཡང་རྔོ་མི་ཐོགས་ཞེས་སྨྲས་སོ། །དེ་ནས་ཡང་ཐམས་ཅད་ལ་བཀར་བཏགས་ཏེ། སུ་ཞིག་བཱ་རཱ་ཎ་སཱིའི་རྒྱལ་པོ་འོད་ཟེར་ཆེན་པོའི་མགོ་བསླངས་ཏེ་འོངས་ན་གསེར་རྒྱ་མ་སྟོང་སྦྱིན་ནོ་ཞེས་བཀར་བཏགས་པ་དང་། བྲམ་ཟེ་
D353.076.0151a05.01གཅིག་གིས་བདག་གིས་སློང་དུ་འགྲོ་ནུས་ཀྱིས། བདག་གི་ཡོ་བྱད་དང་རྒྱགས་སྦྱོར་ཅིག་ཅེས་བསྒོའོ། །ཡུལ་འདི་ནས་བཱ་རཱ་ཎ་སཱིར་རྒྱང་གྲགས་དྲུག་སྟོང་ཡོད་པས་དེ་བཞིན་དུ་རྒྱགས་དང་ཡོ་བྱད་སྦྱར་ནས། བྲམ་ཟེ་བཱ་རཱ་ཎ་སཱིར་སོང་ངོ་། །དེའི་ཚེ་བྲམ་ཟེ་དེ་ཡུལ་བཱ་རཱ་ཎ་སཱིའི་ཡུལ་ཕྱོགས་
D353.076.0151a06.01དེར་ཕྱིན་པ་ལས་ས་ཆེན་པོ་ཡང་རྣམ་པ་དྲུག་དུ་གཡོས། གཅན་གཟན་དང་{རི་དགས་,རི་དྭགས་}རྣམས་ཀྱང་སྐྲག་ནས་ཕྱོགས་བཞིར་བྲོས། ཉི་མ་དང་ཟླ་བ་ཡང་བསྒྲིབས་པ་བཞིན་མི་གསལ་ཞིང་མི་སྣང་བར་གྱུར། གཟའ་ལྔ་དང་། སྐར་མ་རྣམས་ཀྱང་དུས་བཞིན་དུ་མི་རྒྱུ། འཇའ་ལྟ་བུ་
D353.076.0151a07.01