完整藏文原文 · 德格版页 当前仅加载第 76 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་སྙེད་ལྷགས་ནས་སངས་རྒྱས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ། །དེའི་ཚེ་ན་བཅོམ་ལྡན་འདས་ལ་འཁོར་མང་པོས་ཡོངས་སུ་བསྐོར་ཏེ། རིམ་གྲོ་དང་མཆོད་པ་བྱས། བཀུར་སྟི་དང་བཅས་པས་ཡོངས་སུ་བསྟོད་པ་བྱས་སོ། །
D353.076.0087a01.01དེའི་ཚེ་ན་བཅོམ་ལྡན་འདས་ཀྱི་བྱིན་གྱི་རླབས་ཀྱིས་ཀུན་དགའ་བོ་སྔ་དྲོའི་དུས་ཀྱི་ཚེ་རྒྱལ་པོའི་ཁབ་ཏུ་ཞུགས་ནས་མཐར་གྱིས་བསོད་སྙོམས་བླངས་སོ། །དེའི་དུས་ན་བྲམ་ཟེ་ཕ་མ་ལ་སྲི་ཞུ་ཆེར་བྱེད་པ། ཁྱིམ་སོ་ཞིག་ནས་ཅི་ཡང་མི་བདོག་པ་ཅིག་ཀྱང་མ་རྒན་ཁུར་དུ་ཁྱེར་ཏེ། མཐར་གྱིས་སློངས་མོ་
D353.076.0087a02.01བྱེད་དེ། དེ་ཡང་ཁ་ཟས་ཞིམ་པོ་རོ་དང་ལྡན་པའམ། ཤིང་ཏོག་བཟང་པོ་དག་རྙེད་ན་ཕ་མ་ལ་སྟོབས་སོ། །ཁ་ཟས་ངན་པ་རོ་མེད་པའམ། ཤིང་ཏོག་སྐམ་པོ་དག་རྙེད་ན་བདག་རང་ཟའོ། །ཀུན་དགའ་བོས་དེ་ལྟ་བུ་དག་མཐོང་ནས་རབ་ཏུ་དགའ་བའི་སེམས་སྐྱེས་ཏེ། མི་དེ་ལ་ལེགས་
D353.076.0087a03.01སོ། །ལེགས་སོ་ཞེས་སྙན་པར་བསྟོད་ནས། རིགས་ཀྱི་བུ་ཕ་མ་ལ་སྲི་ཞུ་བྱེད་ཅིང་མཆོད་པ་བྱེད་པ་ངོ་མཚར་ཆེ་སྟེ་ལེགས་སོ་ཞེས་སྨྲས་སོ། །དེ་ནས་ཀུན་དུ་རྒྱུ་སྟོན་པ་དྲུག་གི་བསྟན་པ་ལ་ཕྱོགས་ཤིང་གྲོགས་སུ་གྱུར་པ་ཅིག་དབང་པོ་རྣོ་ལ་གཙུག་ལག་དང་། རིག་བྱེད་རྣམ་པ་བཞི་ལ་མཁས་པར་
D353.076.0087a04.01གྱུར་པ། སྐར་མ་དང་རྩིས་ལ་མཁས་པ། དགེ་སྡིག་གི་ལྟས་རྣོ་བ། མོ་དང་གཙུག་ལག་གི་རིག་པས་ཕ་རོལ་གྱི་སེམས་ཤེས་པ། ཕལ་མང་པོའི་སློབ་དཔོན་དུ་གྱུར་པ། ཀུན་གྱིས་བཀུར་བ་ཅིག་ལྟ་བ་ངན་པ་ལ་ཞེན་ནས་ཁེ་དང་གྲགས་པའི་ཕྱིར་དམ་པའི་ཆོས་འཇིག་པར་བྱེད།
D353.076.0087a05.01སངས་རྒྱས་དང་། ཆོས་དང་། དགེ་འདུན་ལ་ཕྲག་དོག་བྱེད་དེ་སྨོད་པའི་ཕྱིར་ཀུན་དགའ་བོ་ལ་འདི་སྐད་ཅེས་སྨྲས་སོ། །ཁྱོད་ཀྱི་སྟོན་པ་གཽ་ཏ་མ་ཤཱཀ་རིགས་ཀྱི་བུ་ང་ནི་དགེ་བ་ཡིན་ཏེ། ཡོན་ཏན་ཆེན་པོ་དང་ལྡན་ནོ་ཞེས་སྨྲ་བ་ཡང་མིང་ཙམ་དུ་ཟད་དེ་བདེན་པའི་དངོས་པོ་མེད་དོ། །ཁྱོད་ཀྱི་
D353.076.0087a06.01སྟོན་པ་གཽ་ཏ་མ་ནི་ཡང་དག་པར་ན་སྡིག་པ་ཅན་ཡིན་ཏེ། བཙས་ནས་ཞག་བདུན་ལོན་པ་ན་མ་ཡང་ཤི་བས་སྡིག་པ་ཅན་ཡིན་པར་མངོན་ནོ། རྒྱལ་པོའི་ཕོ་བྲང་ན་འདུག་པ་ལས་ཕོ་བྲང་ནང་ནས་བྲོས་པས་ཡབ་རྒྱལ་པོ་ཡང་མྱ་ངན་གྱིས་ནོན་ཏེ། སེམས་འཁྲུགས་ནས་བརྒྱལ་བ་ལས་ཆུས་གཏོར་
D353.076.0087a07.01