完整藏文原文 · 德格版页 当前仅加载第 76 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོབས་ཅི་ནུས་ཀྱིས་ཤིང་རྟ་དྲངས་སོ། །ངའི་གྲོགས་ཤིག་ཉམ་ཆུང་སྟེ་འདྲེན་མ་ནུས་པས་དམྱལ་བའི་སྲུངས་མ་ཨ་བང་གིས་ལྕགས་ཀྱི་མདུང་རྩེ་གསུམ་པ་ཐོགས་ནས་བྲང་དུ་བཙུགས་ཏེ། ལྕགས་ཐོས་བརྡེགས་ནས་ཁྲག་ཆར་པར་བབ་བོ། །དེའི་ཚེ་མི་དེ་ན་བའི་སྡུག་བསྔལ་མི་
D353.076.0117b01.01བཟོད་པས་ན་ཚའི་སྐད་ཆེན་པོ་ཕྱུང་ནས་བར་འགའ་ནི་ཕ་མ་ཞེས་འབོད། བར་འགའ་ནི་ཆུང་མ་བུ་ཞེས་བོས་ཀྱང་ཕན་པ་མེད་དོ། །ང་དེའི་ཚེ་ན་དེ་ལྟ་བུའི་སྡུག་བསྔལ་ཆེན་པོ་མྱོང་བ་མཐོང་ནས་སྙིང་རྗེའི་སེམས་སྐྱེས་སོ། །དེ་ལྟར་སྙིང་རྗེའི་སེམས་ཆེན་པོ་སྐྱེས་པའི་རྐྱེན་གྱིས་བྱང་ཆུབ་
D353.076.0117b02.01ཏུ་སེམས་བསྐྱེད་པར་གྱུར་ཏོ། །དེ་ནས་སྡུག་བསྔལ་མྱོང་བ་དེའི་ཕྱིར་དམྱལ་བའི་སྲུངས་མ་ཨ་བང་ལ་སྡུག་བསྔལ་མྱོང་བའི་མི་འདི་ལ་སྙིང་རྗེའི་སེམས་ཅུང་ཟད་སྐྱེད་ཅིག་ཅེས་གསོལ་བ་བཏབ་པ་དང་། དམྱལ་བའི་སྲུངས་མ་ཁྲོས་ནས་ཞེ་སྡང་གི་སེམས་སྐྱེས་པས་ལྕགས་ཀྱི་མདུང་
D353.076.0117b03.01རྩེ་གསུམ་པ་ཐོགས་ནས་ངའི་གཉའ་བར་བཙུགས་ནས་དེར་ཚེའི་དུས་བྱས་པས་མེའི་ཤིང་རྟའི་སེམས་ཅན་དམྱལ་བ་ལས་ཐར་ཏེ་བསྐལ་པ་བརྒྱ་སྙེད་ཀྱི་མི་དགེ་བའི་སྡིག་པ་བྱང་བར་གྱུར་ཏོ། །དེ་ལྟར་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པས་མེའི་
D353.076.0117b04.01ཤིང་རྟའི་སེམས་ཅན་དམྱལ་བ་ལས་ཐར་བར་གྱུར་ཏོ། །བཅོམ་ལྡན་འདས་ཀྱིས་དགའ་བའི་རྒྱལ་པོ་ལ་བཀའ་སྩལ་པ། དེའི་ཚེ་མེའི་ཤིང་རྟ་འདྲེན་པ་དེ་ནི་ད་ལྟར་ང་ཡིན་ཏེ། བྱང་ཆུབ་ཏུ་སེམས་བསྐྱེད་པས་མྱུར་དུ་སངས་རྒྱས་སུ་གྲུབ་པར་གྱུར་ཏོ། །དེ་བས་ན་སེམས་ཅན་ཐམས་
D353.076.0117b05.01ཅད་ཀྱིས་བྱང་ཆུབ་ཏུ་སེམས་བསྐྱེད་པ་ནི་དོན་གྱི་དངོས་པོ་ནི་གཅིག་ཏུ་མ་ཟད་དེ། ལ་ལ་ནི་སྙིང་རྗེའི་རྐྱེན་གྱིས་སྐྱེའོ། །ལ་ལ་ནི་ཞེ་སྡང་གི་རྐྱེན་གྱིས་སྐྱེའོ། །ལ་ལ་ནི་སྦྱིན་པའི་རྐྱེན་གྱིས་སྐྱེའོ། །ལ་ལ་ནི་སེར་སྣའི་རྐྱེན་གྱིས་སྐྱེའོ། །ལ་ལ་ནི་དགའ་བའི་རྐྱེན་གྱིས་སྐྱེའོ། །
D353.076.0117b06.01ལ་ལ་ནི་མྱ་ངན་གྱི་རྐྱེན་གྱིས་སྐྱེའོ། །ལ་ལ་ནི་འདོད་པ་དང་བྱེ་བྲལ་གྱི་རྐྱེན་གྱིས་སྐྱེའོ། །ལ་ལ་ནི་དགྲ་སྡང་བ་དང་ཕྲད་པའི་རྐྱེན་གྱིས་སྐྱེའོ། །ལ་ལ་ནི་དགེ་བའི་བཤེས་གཉེན་ལ་སྟེན་པའི་རྐྱེན་གྱིས་སྐྱེའོ། །ལ་ལ་ནི་མི་དགེ་བའི་བཤེས་གཉེན་གྱི་རྐྱེན་གྱིས་སྐྱེའོ། །
D353.076.0117b07.01