完整藏文原文 · 德格版页 当前仅加载第 76 函德格 178b 版页；藏文 NFD、目录标记与异常页序保留在来源切片中，重复版页行以稳定序号区分。
གནང་གི །ཤེན་པ་ལ་བཙོང་དུ་མི་རུང་བ་དང་། མདའ་གཞུ་མཚོན་ཆའི་བག་ཚོང་སྤོགས་བགྱིར་མི་རུང་བ་དང་། བདག་ལ་ཡོད་པ་ནི་འཚོང་དུ་རུང་བ་དང་། ཆང་གི་ཚོང་སྤོགས་ཀྱི་ལས་བྱར་མི་རུང་སྟེ། བདག་ཉིད་ལ་ཡོད་ན་འཚོང་དུ་རུང་བ་དང་སྲིན་བུ་མང་དུ་འཆི་བས་འབྲུ་མར་འཚིར་དུ་
D353.076.0178b01.01མི་རུང་བ་དང་། རྒྱ་གར་གྱི་ཆོས་ཀྱིས་དེ་བཞིན་ཏེ། ག་བུ་ཤ་ཚུན་ཆད་ནི་འབྲུ་མར་འཚིར་བའི་ནང་ན་སྲིན་བུ་མེད་ན་ཉེས་པ་མེད་དོ། །ཁ་དོག་ཚོན་ཆེན་པོ་རྣམ་པ་ལྔ་བཙོ་བླག་བྱེད་པ་ཡང་སྲིན་བུ་མང་དུ་འཆི་བས་མི་རུང་སྟེ། ཡོག་ཤ་ལ་སོགས་པ་ཡུལ་གཞན་དག་ན་ཚོན་གྱི་བཙོ་བླག་བྱེད་
D353.076.0178b02.01པ་ལས་སྲིན་བུ་མང་དུ་འཆི་སྟེ། དེ་བས་ན་མི་གནང་ངོ་། །ཡུལ་རྒྱ་ཡུལ་ཡང་ཁ་དོག་མཐིང་ག་བཙོ་བ་ནི་སྲིན་བུ་མང་དུ་འཆི་བས་བཙོ་བླག་རྣམ་པ་ལྔའི་ནང་དུ་གཏོགས་སོ། །མ་འགགས་པས་ཡང་གསོལ་པ། བཅོམ་ལྡན་འདས་ཉིན་ཞག་གཅིག་གིས་ཁྲིམས་བརྒྱད་ཅེས་བགྱི་བ་དུས་
D353.076.0178b03.01མ་ལགས་པར་ཕྱེམ་རེད་ཁ་ཟས་མི་འཚལ་བ་མ་གཏོགས་པ་དགུར་འགྱུར་ན་ཇི་ལྟར་བརྒྱད་ཅེས་བགྱི། བཀའ་སྩལ་པ། ཁྲིམས་ཞེས་བྱ་བ་ནི་ཆོས་ཀྱིས་ཕྱེམ་རེད་དུས་མ་ཡིན་པར་ཁ་ཟས་མི་ཟ་བ་ཡིན་ཏེ། ཁྲིམས་བརྒྱད་ཀྱི་ཡན་ལག་ཡིན་ཏེ། གྲོགས་སུ་གྱུར་པས་ཡན་ལག་
D353.076.0178b04.01གི་ཁྲིམས་བརྒྱད་ཅེས་བྱའི། དགུར་ནི་མ་ཡིན་ནོ། །གསོལ་པ། ཡན་ལག་བརྒྱད་པའི་ཁྲིམས་མནོས་ན་གང་ཟག་དེ་འཁོར་རྣམ་པ་བདུན་ལ་འཁོར་གང་གི་ནང་དུ་བསྡུ། བཀའ་སྩལ་པ། ནམ་འཚོ་བའི་བར་གྱི་ཁྲིམས་མ་མནོས་ཀྱང་ཉིན་ཞག་གཅིག་གི་ཁྲིམས་ཡོད་པས་དེ་ལ་
D353.076.0178b05.01ཡང་དགེ་བསྙེན་ཞེས་བྱའོ། །གཞན་དུ་ན་དགེ་བསྙེན་ཞེས་བྱར་ནི་ནམ་འཚོ་བའི་བར་དུ་ཚུལ་ཁྲིམས་མནོས་པ་མེད་ལ། དགེ་བསྙེན་མ་ཡིན་ཞེས་བྱར་ནི་ཉིན་ཞག་གཅིག་གི་ཁྲིམས་ཡོད་པས་དེ་ནི་གང་ཟག་བར་མ་དོ་ཞེས་མདོ་སྡེ་ལས་ཀྱང་འབྱུང་ངོ་། །མ་འགགས་པས་ཡང་
D353.076.0178b06.01གསོལ་པ། བཅོམ་ལྡན་འདས་འཁོར་བདུན་མ་གཏོགས་པར་སོ་སོར་ཐར་པའི་ཚུལ་ཁྲིམས་མཆིས་སམ། བཀའ་སྩལ་པ། ཡོད་དེ་ཡན་ལག་བརྒྱད་ཀྱི་ཁྲིམས་ཉིད་ཡིན་ནོ། །དོན་དེ་དང་སྦྱར་ན་ཡན་ལག་བརྒྱད་ཀྱི་ཁྲིམས་མནོས་པ་འཁོར་རྣམ་པ་བདུན་གྱི་ནང་དུ་མ་གཏོགས་སོ། །
D353.076.0178b07.01