完整藏文原文 · 德格版页 当前仅加载第 76 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
དམར་པོ་དང་། ནག་པོ་དང་། དཀར་པོ་དང་། ཉིན་མཚན་དུས་དུས་སུ་སྣང་། སྐར་མ་ཡང་འཁྲུག་ཅིང་ལྷུང་བར་གྱུར། ཡུལ་དེའི་འབབ་ཆུ་དང་། ཆུ་མིག་དང་། ཁྲུས་ཀྱི་རྫིང་དང་། མེ་ཏོག་དང་། འབྲས་བུའི་ཤིང་རྒྱས་པ་ཡིད་དུ་འོང་བ་རྣམས་ཀྱང་སྐམས་པར་གྱུར་ཏོ། །དེ་ནས་བྲམ་
D353.076.0151b01.01ཟེ་དེ་ཡང་ཡུལ་བཱ་རཱ་ཎ་སཱིའི་རྒྱལ་པོའི་ཕོ་བྲང་གི་སྒོར་ཕྱིན་ཏོ། །དེའི་ཚེ་ན་ཕོ་བྲང་གི་སྒོ་སྲུང་བའི་ལྷས་སྒོ་སྲུང་བའི་མི་ལ་འདི་སྐད་ཅེས་སྨྲས་སོ། །བྲམ་ཟེ་མ་རུངས་པ་འདི་ལམ་རིང་པོ་ནས་རྒྱལ་པོ་འོད་ཟེར་ཆེན་པོའི་མགོ་སློང་དུ་འོངས་ཀྱིས་ཁྱོད་ནང་དུ་མ་བཏང་ཤིག །དེ་ནས་བྲམ་ཟེ་དེ་ཕོ་བྲང་ནང་
D353.076.0151b02.01དུ་འགྲོར་མེད་དེ། ཞག་བདུན་གྱི་བར་དུ་སྡོད་སྡོད་ནས་སྒོ་སྲུངས་དེ་ལ་འདི་སྐད་ཅེས་སྨྲས་སོ། །བདག་ནི་ལམ་རིང་པོ་ནས་འོངས་ཏེ་རྒྱལ་པོ་ཆེན་པོ་དང་ཕྲད་འདོད་དོ་ཞེས་གསོལ་ཅིག །དེ་ནས་སྒོ་སྲུངས་ཀྱིས་ཀྱང་དེ་བཞིན་དུ་བྲམ་ཟེ་ཅིག་ལམ་རིང་པོ་ནས་འོངས་ཏེ་ད་ལྟར་སྒོ་ན་སྡོད་དོ་ཞེས་གསོལ་
D353.076.0151b03.01ཏོ། །རྒྱལ་པོས་ཚིག་དེ་ཐོས་ནས་དེ་མ་ཐག་ཏུ་སྒོར་བྱུང་སྟེ་བསུ་ནས་ཇི་ལྟར་ཕ་དང་བུ་ཕྲད་པ་བཞིན་དུ་ཕྱག་བྱས་ཏེ་ཁྱོད་གང་ནས་འོངས། ལམ་དུ་ཉོན་མོངས་ཤིང་ངལ་བར་མ་གྱུར་ཏམ་ཞེས་སྨྲས་སོ། །བྲམ་ཟེས་སྨྲས་པ། བདག་ཡུལ་གཞན་ནས་རྒྱལ་པོ་ཁྱོད་ཀྱིས་མིའི་ཡིད་དང་མི་འགལ་བར་
D353.076.0151b04.01སྦྱིན་པ་གཏོང་བའི་ཡོན་ཏན་ཐོས་ཏེ། ཁྱོད་ཀྱི་མིང་སྙན་པ་ནི་གནམ་སའི་བར་ཀུན་ཏུ་གྲགས་ནས་ཁྱོད་ཀྱི་ཡོན་ཏན་མི་{བརྫུན་,རྫུན་}ཏེ་བདེན་ནོ་ཞེས་ཐོས་པས་བདག་ཀྱང་ཆེད་དུ་ལ་ལུང་བགྲོད་དེ་རེ་བ་ཡོད་པས་འོངས་སོ། །རྒྱལ་པོས་སྨྲས་པ། བདག་ནི་ད་ལྟར་ཐམས་ཅད་སྦྱིན་པ་ཞེས་བྱ་སྟེ། སློང་བའམ།
D353.076.0151b05.01དགོས་པ་ཡོད་ན་ཐེ་ཙོམ་མ་བྱེད་པར་སློངས་ཤིག །བྲམ་ཟེས་སྨྲས་པ། བདེན་ཡང་དག་གམ། བདག་ནི་གཞན་ནི་ཅི་ཡང་མི་དགོས་ཀྱི། མཆོད་སྦྱིན་ཆེན་པོ་ཞིག་བྱེད་པས་རྒྱལ་པོའི་མགོ་སློང་དུ་འོངས་སོ། །རྒྱལ་པོས་ཚིག་དེ་ཐོས་ནས་འདི་སྙམ་དུ་སེམས་ཏེ། བདག་ཐོག་མ་མེད་པ་ནས་སྐྱེ་
D353.076.0151b06.01ཤིར་འཁོར་ཏེ། ལུས་འདི་འདྲ་བ་ཆུད་གསན་ཀྱང་ཚུལ་བཞིན་ཆོས་ཀྱི་ཕྱིར་ནི་མ་ཡིན་གྱི། དོན་མེད་པར་སྐྱེ་ཤིར་འཁོར་བས་བདག་ཉོན་མོངས་སོ། །བདག་གི་ལུས་འདིས་སེམས་ཅན་ཐམས་ཅད་ཀྱི་ཕྱིར་བླ་ན་མེད་པའི་བྱང་ཆུབ་བསྒྲུབ་པར་དམ་བཅས་པས་དམ་བྱིན་པར་གྱུར་ན་བདག་གི་ཐོག་
D353.076.0151b07.01