完整藏文原文 · 德格版页 当前仅加载第 76 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
རྙིངས་ཤིང་ཞིག་ལ་ཟབས་ཀྱང་མདའ་རྒྱང་གང་ཙམ་ཡོད་དེ། དེའི་ནང་ན་སྐས་སམ། ཐག་སྲད་དམ། འབྲུ་བའི་ཤིང་ཙམ་ཡང་མེད་དེ། མས་མཆོང་དུ་སྩལ་ཡང་ཉམ་ཐག་ལ་སྟོབས་ཞན་པས་འཕར་མི་ནུས་ཏེ། ཕྱིར་ཡང་ཞབས་སུ་ལྷུང་ནས་སྦྲུལ་གདུག་པ་ལ་སོགས་
D353.076.0108a01.01པས་ཟ་ཞིང་འཇིབ་བོ། །དེ་ཅུང་ཟད་ཅིག་སྲོག་མ་ཆད་ཀྱི་བར་དུ་འདི་སྐད་ཅེས་ཟེར་རོ། །བདག་ཁྲོན་པ་འདིའི་ནང་ན་ཆུ་མེད་པར་སྔར་ཤེས་ན་ལྟ་ཁྲོན་པ་འདི་ལ་མིག་གིས་བལྟ་ཡང་མི་ཕོད་ན་འདིའི་ནང་དུ་ཞུགས་པ་ལྟ་སྨོས་ཀྱང་ཅི་དགོས་ཏེ། ད་ནི་ཁྲོན་པ་འདིའི་རྐྱེན་གྱིས་སྡུག་
D353.076.0108a02.01བསྔལ་བའི་སྡུག་བསྔལ་མྱོང་བར་གྱུར་ཏོ་ཞེས་སྨྲེ་སྔགས་འདོན་ཏོ། །འཁོར་ལོས་སྒྱུར་བའི་རྒྱལ་པོ་ཡང་དེ་ལྟར་སོ་སོའི་སྐྱེ་བོ་དག་གཅིག་ཤི་བའི་འོག་ཏུ་ཁྱིམ་གང་གི་བུ་སྨད་དང་། གཉེན་རྣམས་ཀྱིས་སྡུག་པ་དང་བྱེ་བྲལ་བའི་སྡུག་བསྔལ་གྱིས་གདུངས་པ་མཐོང་ནས་འདི་སྐད་ཟེར་
D353.076.0108a03.01རོ། །བདག་གི་ལུས་འདི་ནི་ཁྲོན་པ་སྐམ་པོ་དེ་དང་འདྲ་སྟེ། ཁྲོན་པ་མིང་ཙམ་ཡོད་ཀྱི་ཆུ་ནི་མེད་པས་ན་འཇུག་པ་ཡོད་ཀྱང་ཐོབ་པ་མེད་པས་དེ་ལྟ་བུའི་ལུས་དང་སྲོག་སྟོར་བའི་སྡུག་བསྔལ་མྱོང་བར་གྱུར་ཏོ། །ད་ལྟར་བདག་འཁོར་ལོས་སྒྱུར་བའི་རྒྱལ་པོའི་དབང་སྒྱུར་ཞིང་རིན་
D353.076.0108a04.01པོ་ཆེ་སྣ་བདུན་དང་ལྡན་ཏེ། དགེ་བ་བཅུའི་ལས་ཀྱིས་འགྲོ་བ་འདུལ་ཞིང་དྲང་པོའི་ཆོས་ཀྱིས་ཡུལ་གྱི་སྲིད་བཙས་ནས་སྐྱེ་བོ་མང་པོ་དག་ལྷ་དང་མིའི་མཐོ་རིས་ཀྱི་གནས་སུ་བཀོད་དེ་འདོད་པ་ལྔའི་ཡོན་ཏན་མཆོག་དམ་པ་ལ་ལོངས་སྤྱོད་དུ་བཅུག་ཀྱང་དེ་དག་སྐྱེ་བ་དང་། རྒ་བ་དང་། ན་བ་
D353.076.0108a05.01དང་། འཆི་བ་དང་། སྡུག་པ་དང་། བྱེ་བྲལ་བ་དང་། དགྲ་སྡང་བ་དང་ཕྲད་པའི་སྡུག་བསྔལ་ལས་ཐར་བར་མ་ནུས་ཏེ། གཅིག་ལ་གཅིག་ངུ་ཞིང་ཆོ་ངེ་བྱེད་པ་འདི་ནི་བདག་གིས་ཉེས་ཀྱི་སེམས་ཅན་རྣམས་ཀྱིས་མ་ཉེས་སོ། །དེ་ཇི་ལྟ་ཞེ་ན། བདག་ལ་འཇིག་རྟེན་ལས་འདས་པའི་
D353.076.0108a06.01ཆོས་འགྲོ་བ་མང་པོ་ལ་ཕན་པའི་དོན་དུ་འགྱུར་བ་མེད་དེ། བདག་ལས་དགེ་བའི་ཆོས་འདོད་ཅིང་རབ་ཏུ་བདེ་བ་འདོད་ཀྱང་སྡུག་བསྔལ་གྱི་མཚོ་ལས་རྒལ་མི་ནུས་སོ། །དེའི་ཚེ་འཁོར་ལོས་སྒྱུར་བའི་རྒྱལ་པོ་ཡང་འདི་སྙམ་དུ་སེམས་སོ། །ད་ལྟར་བདག་གི་ལུས་འདི་ནི་དཔེར་ན་ཤེས་
D353.076.0108a07.01