完整藏文原文 · 德格版页 当前仅加载第 76 函德格 105a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། ཡང་དག་པའི་དོན་བདེན་པ་ལ་དད་པའི་སེམས་སྐྱེས་པས་ཇི་ལྟར་བསྟན་པ་བཞིན་དུ་རྣལ་འབྱོར་སྤྱོད་པའི་སེམས་སྐྱེ་བར་འགྱུར་རོ། །ཇི་ལྟར་བསྟན་པ་བཞིན་དུ་རྣལ་འབྱོར་སྤྱོད་པའི་སེམས་སྐྱེས་པས་ཕྱིར་མི་ལྡོག་པའི་སེམས་སྐྱེ་བར་འགྱུར། དེ་
D353.076.0105a01.01ལྟར་ཕྱིར་མི་ལྡོག་པའི་སེམས་སྐྱེས་པས་སེམས་ཅན་དེ་དག་ཐམས་ཅད་ལ་མཉམ་སྙོམས་པའི་གཉེན་པོའི་སེམས་སྐྱེ་བར་འགྱུར་རོ། །ཇི་ལྟར་བདག་ཁམས་གསུམ་པའི་སྲིད་པ་ཉི་ཤུ་ལྔར་སྐྱེ་བར་མི་དགའ་བ་བཞིན་དུ་གཟུགས་ཡོད་པ་དང་། གཟུགས་མེད་པ་དང་། རྐང་བཞི་
D353.076.0105a02.01དང་། རྐང་{མངས་,མང་}དང་། གྲོག་སྦུར་ནས་སྲོག་ཆགས་ཐམས་ཅད་ཀྱང་དེ་དང་འདྲ་སྟེ། དེ་བས་ན་བྱང་ཆུབ་སེམས་དཔའ་ནི་ལུས་དང་སྲོག་གི་བར་དུ་སྟོར་ཡང་ཕ་རོལ་པོའི་སྲོག་འཕྲོག་པའི་ལས་མི་བྱེད་དོ། །ཇི་ལྟར་བདག་ལ་ནོར་རྫས་དང་། འབྲུ་དང་། གོས་དང་། ཟས་
D353.076.0105a03.01དང་། སྐོམ་དང་། བན་གླང་དང་། ཤིང་རྟ་དང་། ཐེག་པ་དང་། ཡུལ་དང་། གྲོང་ཁྱེར་དང་། ཆུང་མ་དང་། བུ་དང་། ལུས་ཀྱི་ཡན་ལག་གི་བར་དུ་ལོངས་སྤྱོད་རྣམས་ལ་སྲུང་ཞིང་རིམ་གྲོ་བྱེད་དོ། །གཞན་གྱིས་ཁྱེར་ཞིང་འཕྲོག་པ་ལ་མི་དགའ་བ་བཞིན་དུ་
D353.076.0105a04.01སེམས་ཅན་ཐམས་ཅད་ཀྱང་དེ་དང་འདྲ་སྟེ། དེ་བས་ན་བྱང་ཆུབ་སེམས་དཔའ་ནི་བདག་གི་ལུས་དང་སྲོག་སྟོར་ཀྱང་སེམས་ཅན་རྣམས་ཀྱི་ནོར་དང་། གོས་དང་། ཟས་དང་། སྐོམ་དང་། ལོངས་སྤྱོད་ལ་འཕྲོག་པའི་སེམས་མི་སྐྱེད་དོ། །ཇི་ལྟར་བདག་གི་
D353.076.0105a05.01གཟུགས་དམ་པ་སྲིང་མོའམ། ཆུང་མའམ། སླས་ལ་གཞན་གྱི་མི་རིགས་པར་བྱེད་མི་འདོད་པ་དེ་བཞིན་དུ་སེམས་ཅན་ཐམས་ཅད་ཀྱང་དེ་དང་འདྲ་སྟེ། དེ་བས་ན་བྱང་ཆུབ་སེམས་དཔའ་ནི་བདག་གི་ལུས་དང་སྲོག་སྟོར་ཀྱང་ཕ་རོལ་པོའི་གཟུགས་དམ་པ་ལ་འདུ་ཤེས་
D353.076.0105a06.01ངན་པ་ལོག་པའི་སེམས་མི་སྐྱེད་ན་མི་རིགས་པའི་ཆོས་ངན་པ་ལྟ་ཅི་སྨོས། ཇི་ལྟར་བདག་ཕྲ་མ་དང་ཚིག་རྩུབ་པོ་འཁྲུག་པར་འགྱུར་བ་ལ་མི་དགའ་བ་བཞིན་དུ་སེམས་ཅན་རྣམས་ཀྱང་དེ་དང་འདྲ་སྟེ། དེ་བས་ན་བྱང་ཆུབ་སེམས་དཔའ་ནི་བདག་གི་ལུས་དང་
D353.076.0105a07.01