完整藏文原文 · 德格版页 当前仅加载第 76 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ལ་ནི་སངས་རྒྱས་མཐོང་བའི་རྐྱེན་གྱིས་སྐྱེའོ། །ལ་ལ་ནི་ཆོས་ཐོས་པའི་རྐྱེན་གྱིས་སྐྱེའོ། །དེ་བས་ན་སེམས་ཅན་རྣམས་ལ་བྱང་ཆུབ་ཏུ་སེམས་བསྐྱེད་པ་ནི་དེ་ལྟར་སོ་སོར་མི་འཐུན་ཏེ། དགའ་བའི་རྒྱལ་པོ་བྱང་ཆུབ་སེམས་དཔའ་སེམས་དཔའ་ཆེན་པོས་དྲིན་
D353.076.0118a01.01ལན་ཤེས་པ་དང་། དྲིན་ལན་བསབ་པའི་དོན་གྱི་དངོས་པོ་འདི་ལྟར་རིག་པར་བྱའོ། །དེའི་ཚེ་ཆོས་འདི་བསྟན་པ་ན་སྐྱེ་བོ་ཁྲི་བརྒྱ་སྟོང་སྙེད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏོ། །འཁོར་མང་མོ་དེ་དག་ལས་ལ་ལ་ནི་རྒྱུན་དུ་ཞུགས་པའི་
D353.076.0118a02.01འབྲས་བུ་ཐོབ་པ་ནས་དགྲ་བཅོམ་པའི་འབྲས་བུའི་བར་དུ་ཐོབ་པར་གྱུར་ཏོ། །ལྷ་དང་། ཀླུ་དང་། {ཡི་དགས་,ཡི་དྭགས་}དང་། མི་དང་མི་མ་ཡིན་པ་ལ་སོགས་པ་ཐམས་ཅད་ཉན་ཐོས་དང་། རང་སངས་རྒྱས་སུ་སེམས་བསྐྱེད་པར་གྱུར་ཏེ། ཆོས་ཐོས་པ་ལ་རབ་ཏུ་དགའ་རངས་ནས་
D353.076.0118a03.01མགོ་བོས་ཕྱག་འཚལ་ཏེ་གཡས་ཕྱོགས་ནས་བསྐོར་བ་བྱས་ནས་ཕྱིར་དོང་ངོ་། །ཐབས་མཁས་པ་ཆེན་པོ་སངས་རྒྱས་དྲིན་ལན་བསབ་པའི་མདོ་ལས་བྱང་ཆུབ་ཏུ་སེམས་བསྐྱེད་པ་ཞེས་བྱ་བའི་ལེའུ་སྟེ་བཞི་པའོ།། །།ཐབས་མཁས་པ་ཆེན་པོ་སངས་རྒྱས་དྲིན་ལན་བསབ་
D353.076.0118a04.01པའི་མདོ། བམ་པོ་གསུམ་པ། དེའི་ཚེ་དེ་བཞིན་གཤེགས་པ་ཡུམ་ལྷ་མཛེས་དང་ལྷ་རྣམས་ཀྱི་དོན་དུ་ཞག་དགུ་བཅུའི་བར་དུ་ལྷ་རྣམས་ལ་ཆོས་སྟོན་དུ་གཤེགས་ཏེ། འཛམ་བུའི་གླིང་གི་མི་རྣམས་ཀྱིས་ཞག་དགུ་བཅུའི་བར་དུ། དེ་བཞིན་གཤེགས་པ་ག་ལ་བཞུགས་
D353.076.0118a05.01པ་མ་རྟོགས་སོ། །མཽད་གལ་གྱི་བུ་ཆེན་པོ་རྫུ་འཕྲུལ་གྱི་མཆོག་ཏུ་གྱུར་པས་ཀྱང་རྫུ་འཕྲུལ་གྱི་མཐུས་གཏུགས་ཏེ་ཕྱོགས་བཅུར་བརྟགས་ཀྱང་མ་རྟོགས་སོ། །འཕགས་པ་ཉེ་བར་སྐྱོང་ལྟ་བུ་ལྷའི་མིག་མཆོག་གིས་ཕྱོགས་བཅུར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་
D353.076.0118a06.01ཀུན་ཏུ་བལྟས་ཀྱང་མ་མཐོང་ངོ་། །དེ་བཞིན་དུ་འཕགས་པའི་འཁོར་ལྔ་བརྒྱའི་བར་དུ་ཀུན་གྱིས་བརྟགས་ཀྱང་མ་མཐོང་ངོ་། །དེ་ལྟར་དེ་བཞིན་གཤེགས་པ་མ་མཐོང་བས་དེ་དག་མི་དགའ་སྟེ་མྱ་ངན་གྱིས་སེམས་གདུངས་པར་གྱུར་ཏོ། །དེའི་ཚེ་རྒྱལ་པོ་ཨུ་ཏྲ་ཡ་ནས་དེ་བཞིན་
D353.076.0118a07.01