完整藏文原文 · 德格版页 当前仅加载第 76 函德格 185a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་ཏེ། ཆུས་བཀྲུ་བར་དགོངས་ནས་འདོད་པའི་ཁམས་ཀྱི་ལྷ་རྣམས་ཤིས་པར་བྱ་བའི་ཕྱིར་བརྒྱ་བྱིན་ལྷའི་དབང་པོ་ལྷའི་འཁོར་ཚད་མེད་པ་བརྒྱ་སྟོང་གིས་བསྐོར་ཏེ་ལྷ་རྫས་ཀྱི་མེ་ཏོག་ཆར་བཞིན་དུ་ཕབ། ལྷ་རྫས་ཀྱི་རོལ་མོ་རྣམ་པ་སྣ་ཚོགས་བྱས་ནས་
D353.076.0185a01.01སྟེང་གི་ནམ་མཁའ་ལ་འཁོད་དོ། །དེའི་ཚེ་ན་སུམ་ཅུ་རྩ་གསུམ་གནམ་གྱི་ལྷའི་དབང་པོ་བསོད་ནམས་བརྒྱ་ལས་གྲུབ་པའི་བུམ་པ་དམ་པའི་ནང་ན་སྙིང་རྗེ་ཆེན་པོའི་ཆུ་གཙང་མས་བཀང་ནས་ལག་ན་ཐོགས་ཏེ། དེ་བཞིན་གཤེགས་པའི་ཞབས་ལ་མགོ་བོས་ཕྱག་འཚལ་ནས་དེ་
D353.076.0185a02.01བཞིན་གཤེགས་པ་ལ་མདུན་ནས་བསུ་སྟེ་ཕྱོགས་གཅིག་ཏུ་སྡོད་དོ། །དེའི་ཚེ་ན་དེ་བཞིན་གཤེགས་པས་བསོད་ནམས་བརྒྱ་དང་ལྡན་པའི་ཕྱག་བརྐྱང་ནས་ཕྱག་སོར་མཉེན་ཞིང་རིང་བ་ལྔ་ལས་འོད་ཟེར་ཆེན་པོ་བཀྱེ་ནས་ལྷ་དང་འཁོར་མང་པོ་དེ་དག་རྣམས་སྣང་བར་བྱས་ཏེ། འཁོར་
D353.076.0185a03.01མང་པོ་དེ་དག་འདུག་ནས་དེ་བཞིན་གཤེགས་པ་ཉིད་དགེ་སློང་ནད་པའི་དྲུང་དུ་གཤེགས་ཏེ་དབུའི་སྤྱི་གཙུག་ནས་འོད་ཟེར་བཀྱེ་ནས་དགེ་སློང་ནད་པ་སྣང་བར་བྱས་སོ། །དགེ་སློང་ནད་པ་དེ་ལ་རེག་མ་ཐག་ཏུ་ན་བའི་སྡུག་བསྔལ་བྱང་བར་གྱུར་ཏེ། རྨའི་རྣག་ཁྲག་དང་བཅས་པའི་
D353.076.0185a04.01ལུས་ཀྱིས་སྐྱབས་སུ་གསོལ་ནས་ལུས་ཀྱིས་དེ་བཞིན་གཤེགས་པ་ལ་ཕྱག་འཚལ་མ་ནུས་པས་དེ་བཞིན་གཤེགས་པས་ཕྱག་གཡས་པས་བརྒྱ་བྱིན་ལྷའི་དབང་པོ་ལས་རིན་པོ་ཆེའི་བུམ་པ་བླངས་ཏེ་དགེ་སློང་ནད་པའི་སྤྱི་བོ་ནས་ཆུ་བླུགས་ཏེ། ཕྱག་གཡོན་པས་དགེ་སློང་ནད་པའི་ལུས་ཀྱི་
D353.076.0185a05.01རྨ་བཀྲུས་ཤིང་བྱུགས་པས་དགེ་སློང་ནད་པའི་རྨ་ཐམས་ཅད་དེ་བཞིན་གཤེགས་པའི་ཕྱག་གི་རྗེས་སུ་སོས་པར་གྱུར་ཏོ། །དེ་ལྟར་རྨ་ཀུན་སོས་ནས་དགེ་སློང་དེ་དགའ་མགུ་རངས་པར་གྱུར་ཏེ་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ། །ཐུགས་རྗེ་ཆེན་པོའི་ཡབ་ལ་ཕྱག་འཚལ་
D353.076.0185a06.01ལོ། །བླ་ན་མེད་པའི་སྨན་པའི་རྒྱལ་པོ་མཆོག་ལ་ཕྱག་འཚལ་ལོ་ཞེས་བརྗོད་དོ། །བདག་གི་ལུས་ཀྱི་ནད་རྣམས་ནི་དེང་དུ་སོས་པར་གྱུར་ན་སེམས་ཀྱི་ནད་འབའ་ཞིག་མ་སོས་པས་དེ་བཞིན་གཤེགས་པས་ཐུགས་བརྩེ་བའི་སླད་དུ་བདག་ལ་ཆོས་ཀྱི་སྨན་སྩལ་ཅིང་སེམས་ཀྱི་ནད་ཀྱང་
D353.076.0185a07.01