完整藏文原文 · 德格版页 当前仅加载第 76 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །རྒྱའི་སྐད་དུ། དེའི་ཕཱང་བྱ་ན་ཕྷུར་པོའུ་ཨིན་ཀྱེང་སཱུ་ཕིམ་དེའི་ཨྱིར། བོད་སྐད་
D353.076.0086a02.01དུ། ཐབས་མཁས་པ་ཆེན་པོ་སངས་རྒྱས་དྲིན་ལན་བསབ་པའི་མདོ། བམ་པོ་དང་པོ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་རྒོད་སྤུངས་པའི་རི་ལ། དགེ་སློང་གི་དགེ་འདུན་ཆེན་པོ་དགེ་སློང་ཉི་ཁྲི་བརྒྱད་སྟོང་ཐམས་ཅད་ཀྱང་བྱ་བ་བྱས་པ།
D353.076.0086a03.01ཚངས་པར་སྤྱོད་པ་སྤྱད་པ། སྲིད་པར་ཀུན་དུ་སྦྱོར་བ་ཡོངས་སུ་ཟད་པ། ཀླུ་ཆེན་པོ་ལྟར་སེམས་ཀྱི་དབང་ཐོབ་པ་ཤ་སྟག་ལ་འདི་ལྟ་སྟེ། འོད་སྲུང་ཆེན་པོ་དང་། རབ་འབྱོར་དང་། ཀུན་ཤེས་ཀཽཎྜི་ནྱ་དང་། མཛེས་བཟང་དང་། བྱམས་མའི་བུ་གང་པོ་དང་། ལམ་ཆེན་བརྟན་
D353.076.0086a04.01དང་། ཤཱ་རིའི་བུ་དང་། ཀཱ་ཏྱཱའི་བུ་ཆེན་པོ་དང་། ཀུན་དགའ་བོ་དང་། སྒྲ་གཅན་འཛིན་ལ་སོགས་པ་ཅང་ཤེས་པ་དག་དང་ཐབས་ཅིག་ཏུ་བཞུགས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་སུམ་ཁྲི་བརྒྱད་སྟོང་དག་དང་ཐབས་ཅིག་སྟེ། བྱང་ཆུབ་སེམས་དཔའ་དེ་
D353.076.0086a05.01དག་ཐམས་ཅད་ཀྱང་ཡུན་རིང་པོར་དགེ་བའི་རྩ་བ་བསྐྱེད་པས་སངས་རྒྱས་བྱེ་བ་བརྒྱ་སྟོང་ཚད་མེད་པ་རྣམས་ལ་རྟག་ཏུ་ཚངས་པར་སྤྱོད་པ་སྤྱད་པ། སྨོན་ལམ་ཆེན་པོ་ཡོངས་སུ་རྫོགས་པ། ཏིང་ངེ་འཛིན་བརྒྱ་སྟོང་སྙེད་ཁོང་དུ་ཆུད་ཅིང་རྟོགས་པ། གཟུངས་ཡོངས་སུ་རྫོགས་པ། སྙིང་རྗེ་ཆེན་
D353.076.0086a06.01པོ་མི་གཏོང་བ། སེམས་ཅན་ཆེན་པོ་ཇི་ལྟ་བ་བཞིན་དུ་ཐམས་ཅད་ལ་ཕན་པར་བརྩོན་པ། དཀོན་མཆོག་གསུམ་གྱི་གདུང་མི་འཆད་པར་འཚོབ་པ། ཆོས་ཀྱི་རྒྱལ་མཚན་རྣམ་པར་འཛུགས་པ། སོ་སོའི་སྐྱེ་བོའི་མ་བསྐུལ་བའི་དགེ་བའི་བཤེས་གཉེན་དུ་གྱུར་པ། ཡེ་ཤེས་ཆེན་
D353.076.0086a07.01