完整藏文原文 · 德格版页 当前仅加载第 76 函德格 138b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་སྐད་དུ་རིན་པོ་ཆེ་འདི་དག་ནི་འཛམ་བུའི་གླིང་ན་ངོ་མཚར་དུ་རིན་ཆེ་བ་ཡིན་གྱིས། ཧ་ཅང་ཡང་མ་ལྕི་ཞིག །ལྕིས་ན་གྲུ་འབྱིང་བར་འགྱུར་རོ། །ཧ་ཅང་ཡང་ན་ལམ་རིང་པོར་ཉོན་མོངས་པའི་དོན་མེད་པས་རན་པར་བྱོས་ལ་དེང་ཤིག་ཅེས་མི་དེ་དག་ལ་ཁྱེད་རྣམས་ཡུལ་དུ་བདེ་བར་ཕྱིན་པར་
D353.076.0138b01.01གྱུར་ཅིག །བདག་ནི་ཡིད་བཞིན་གྱི་ནོར་བུ་རིན་པོ་ཆེ་ཚོལ་དུ་འགྲོའོ་ཞེས་བསྒོ་ནས་མཆི་ཕྱག་བྱས་ཏེ་སོ་སོར་དོང་ངོ་། །དེའི་ཚེ་རྒྱལ་བུ་དགེ་དོན་ནི་ལམ་མཁན་དང་གཉིས་ཆས་ནས་ཞག་བདུན་གྱི་བར་དུ་ཆུ་པུས་མོ་ལས་མི་ནུབ་པའི་ནང་དུ་སོང་ངོ་། །དེ་ནས་ཞག་བདུན་གྱི་བར་དུ་གཉའ་བར་
D353.076.0138b02.01ཕྱིན་པ་ཙམ་གྱི་བར་དུ་སོང་ངོ་། །དེ་ནས་ཞག་བདུན་ནི་རྐྱལ་ཏེ་ཕ་རོལ་རྒྱ་མཚོའི་གླིང་དུ་ཕྱིན་ཏོ། །རྒྱ་མཚོའི་གླིང་དེ་ས་གཞི་དངུལ་གྱི་བྱེ་མ་བདལ་བ་ཞིག་ཏུ་ཕྱིན་ནས་ལམ་མཁན་གྱིས་ས་གཞི་འདི་ཅི་ཡིན་ཞེས་དྲིས་ན་རྒྱལ་བུས་ས་གཞི་འདི་ནི་དངུལ་གྱི་བྱེ་མ་འབའ་ཞིག་ཡོད་དོ་ཞེས་
D353.076.0138b03.01སྨྲས་སོ། །ལམ་མཁན་གྱིས་སྨྲས་པ། ཕྱོགས་བཞིར་ལྟོས་ཤིག་དང་། རི་དཀར་པོ་ཞིག་སྣང་བའི་རིགས་ན་ཁྱོད་མཐོང་ངམ། རྒྱལ་བུས་སྨྲས་པ། ཤར་ལྷོའི་མཚམས་ན་རི་དཀར་པོ་ཞིག་སྣང་ངོ་། །ལམ་མཁན་གྱིས་སྨྲས་པ། ཕར་འགྲོ་བའི་ལམ་ནི་རི་དེའི་དྲུང་ན་
D353.076.0138b04.01ཡོད་དེ། དེའི་འགྲམ་ཕ་ཟད་ཅིག་ན་གསེར་གྱི་བྱེ་མ་བདལ་བའི་ས་གཞི་ཞིག་ཡོད་པའི་རིགས་ཞེས་སྨྲས་ནས། ངལ་ཆད་དེ་ཉམ་ཐག་ནས་ས་ལ་འགྱེལ་ཏེ་རྒྱལ་བུ་ལ་འདི་སྐད་ཅེས་སྨྲས་སོ། །བདག་ནི་ཉམ་ཐག་ནས་མ་ནུས་པར་འདིར་འཆིའོ། །རྒྱལ་བུ་ཁྱོད་འདི་ནས་ཤར་
D353.076.0138b05.01ཕྱོགས་སུ་ཞག་བདུན་གྱི་བར་དུ་སོང་ཤིག་དང་། གསེར་གྱི་རི་དང་ཕྲད་པའི་རིགས་སོ། །དེ་ནས་ཞག་བདུན་གྱི་བར་དུ་སོང་ཤིག་དང་། ས་གཞི་པད་མོ་སྔོན་པོ་འབའ་ཞིག་ཡོད་པར་ཕྱིན་པའི་རིགས་སོ། །དེ་ནས་ཡང་ཞག་བདུན་སོང་ཤིག་དང་། ས་གཞི་པད་མ་ལེ་
D353.076.0138b06.01བརྒན་འབའ་ཞིག་ཡོད་པ་དང་ཕྲད་པའི་རིགས་སོ། །པད་མོ་དེའི་ཕ་རོལ་ན་རིན་པོ་ཆེ་སྣ་བདུན་གྱི་མཁར་ཞིག་ཡོད་དེ། མཁར་དེའི་ཉེན་ནི་གསེར་ལས་བྱས། ཅོག་པར་དངུལ་ལས་བྱས། མདའ་ཡབ་ཀེ་ཀེ་རུ་དམར་པོ་ལས་བྱས། མན་ཤེལ་དང་། སྤུག་ལ་སོགས་པ་རིན་
D353.076.0138b07.01