完整藏文原文 · 德格版页 当前仅加载第 76 函德格 153a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོས་ནས་ལྷག་པར་སྙིང་བརྩེ་བའི་སེམས་སྐྱེས་ཏེ། བྲམ་ཟེ་འདི་རིད་ལ་ཉམ་ཆུང་བས་གལ་ཏེ་བདག་གི་མགོ་གཅོད་མ་ནུས་ན་བདག་གི་བསམ་པ་ཆེན་པོ་མི་འགྲུབ་བོ་སྙམ་བསམས་ནས་རྒྱལ་པོ་ཉིད་ཀྱིས་ཐོར་ཏོ་ཤིང་ལ་བཏགས་ཏེ། བྲམ་ཟེ་ལ་ཁྱོད་བདག་གི་མགོ་ཆོད་ལ་ཕྱིར་
D353.076.0153a01.01བདག་གི་ལག་པར་ཞོག་ཤིག །བདག་གི་ལག་གིས་ཁྱོད་ལ་སྦྱིན་པར་བྱའོ། །དེ་ནས་བྲམ་ཟེས་རལ་གྲི་ཐོགས་ནས་དྲུང་དུ་སྤགས་པ་ལས། དེའི་ཚེ་ཤིང་དེའི་ལྷས་བྲམ་ཟེ་ལ་དམིག་ཚུགས་བྱས་པས་བརྒྱལ་ཏེ་ས་ལ་འགྱེལ་ཏོ། །དེ་ནས་རྒྱལ་པོ་འོད་ཟེར་ཆེན་པོས་ཤིང་གི་ལྷ་ལ་འདི་སྐད་
D353.076.0153a02.01ཅེས་སྨྲས་སོ། །ཁྱོད་ཁོ་བོའི་གྲོགས་མི་བྱེད་པར་ཕྱིར་ཁོ་བོའི་དགེ་བའི་བགེགས་དང་བར་ཆད་བྱེད་དམ། དེ་ནས་ཤིང་གི་ལྷ་མྱ་ངན་གྱིས་གདུངས་ཏེ་ཀྱི་ཧུད་ཀྱི་ཧུད་ཅེས་སྨྲས་ནས་ནམ་མཁའ་ལ་སྤྲིན་མེད་པར་ཆར་པ་ཁྲག་ཏུ་བབ་སྟེ་ས་ཆེན་པོ་ཡང་རབ་ཏུ་གཡོས། ཉི་མ་ཡང་མི་གསལ་
D353.076.0153a03.01ཞིང་མུན་པར་གྱུར། དེ་ནས་བྲམ་ཟེས་རྒྱལ་པོའི་མགོ་བཅད་དེ་ཕྱིར་ཡུལ་དུ་སོང་ངོ་། །དེ་ནས་རྒྱལ་བུ་ལྔ་བརྒྱས་བློན་པོ་རྣམས་དང་། རྒྱལ་པོ་འོད་ཟེར་ཆེན་པོའི་རུས་བུ་བསྡུས་ནས་མཆོད་རྟེན་བརྩིགས་ཏེ་མཆོད་པ་བྱས་སོ། །བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་
D353.076.0153a04.01པ། དེའི་ཚེ་དེའི་དུས་ན་བློན་པོ་ནང་གི་ཆེན་པོས་རྒྱལ་པོ་འོད་ཟེར་ཆེན་པོས་མགོ་སྦྱིན་པ་ཆེན་པོ་བྱེད་པ་ལ་མཐོང་བར་སྙིང་མི་བཟོད་ནས་སྔར་ཚེའི་དུས་བྱས་པ་ནི་ད་ལྟར་ཤཱ་རིའི་བུ་ཡིན་ནོ། །དེའི་ཚེ་དེའི་དུས་ན་རྒྱལ་པོ་འོད་ཟེར་ཆེན་པོར་གྱུར་པ་དེ་ནི་ད་ལྟར་དེ་བཞིན་གཤེགས་པ་ཤཱཀྱ་ཐུབ་པ་ང་
D353.076.0153a05.01ཡིན་ནོ། །བྱང་ཆུབ་སེམས་དཔའ་དེ་ལྟར་ན་ཤིན་ཏུ་སྤྱད་དཀའ་བ་སྤྱད་པར་དམ་བཅས་ཏེ། སེམས་ཅན་ཐམས་ཅད་ཀྱི་ཕྱིར་སངས་རྒྱས་རྣམས་ཀྱི་དྲིན་བསབས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་རྒྱས་སོ། །དེ་བས་ན་ཤཱ་རིའི་བུ་ང་མྱ་ངན་ལས་འདའ་
D353.076.0153a06.01བ་མིག་གིས་མཐོང་བར་མི་བཟོད་པས་སྔར་མྱ་ངན་ལས་འདས་ཏེ། སྔོན་འདས་པའི་དུས་ན་ཡང་ང་སྦྱིན་པ་བྱེད་པ་ལ་མཐོང་བར་མི་བཟོད་ནས་སྔར་ཚེའི་དུས་བྱས་སོ། །ཕོ་བྲང་རྒྱབ་ཀྱི་ར་བ་འདིར་ཤིང་འདི་ཁོ་ན་ལ་འཁོར་ལོས་སྒྱུར་བའི་རྒྱལ་པོ་བྱས་པའི་མགོ་ཡང་སྟོང་ཚང་བར་ཡོངས་སུ་
D353.076.0153a07.01