完整藏文原文 · 德格版页 当前仅加载第 76 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
མར་མེ་སྟོང་བཙུགས་ལ་སྟོན་པ་ཆེན་པོ་བྲམ་ཟེ་ལ་མཆོད་པར་སེམས་སོ། །ཤེན་པས་སྨྲས་པ། དེ་ལྟ་ན་སྐུ་ལ་གཅོད་ནུས་སོ། །རྒྱལ་པོས་དེ་སྐད་སྨྲས་པ་ཐོས་ནས་རབ་ཏུ་དགའ་བའི་སེམས་སུ་གྱུར་ནས་ཤན་པ་ལ་ཁྱོད་ནི་ཡང་དག་པར་ཁོ་བོའི་བླ་ན་མེད་པའི་
D353.076.0113a01.01བྱང་ཆུབ་སྒྲུབ་པའི་གྲོགས་ཡིན་ནོ་ཞེས་སྨྲས་སོ། །དེ་ནས་ཤན་པས་རྒྱལ་པོའི་དྲུང་དུ་འགྲེང་བཞིན་ངུ་ངམ་ངུར་བའི་སྐད་ཆེན་པོས་རྒྱལ་པོ་ལ་འདི་སྐད་ཅེས་གསོལ་ཏོ། །རྒྱལ་པོ་མཁྱེན་ཏམ། མི་གསད་པའི་ཆོས་ཀྱིས་ནི་སྔར་མགོ་བཅད་པར་དགོས་ཏེ། གཉའ་བ་གཏུབས་ལ་རྐང་ལག་ཀྱང་
D353.076.0113a02.01ཕྲལ་ཏེ། ཆུ་བ་དང་། རྒྱུས་པ་ཡང་དབྱུང་དགོས་ན་རྒྱལ་པོ་ཆེན་པོ་དེ་འདྲ་བའི་ན་ཚའི་སྡུག་བསྔལ་བཟོད་དམ། རྒྱལ་པོས་དེ་སྐད་སྨྲས་པ་ཐོས་ནས་རབ་ཏུ་དགའ་བའི་སེམས་སུ་གྱུར་ནས། དེ་ནས་ཤེན་པས་གནག་ལྕེ་ལྟ་བུའི་གྲི་ཐོགས་ཏེ་རིང་པོ་མ་ཐོགས་པར་རྒྱལ་པོའི་ལུས་ལ་རྨ་སྟོང་
D353.076.0113a03.01ཚང་བར་བཅད་དོ། །ཤན་པ་རྒྱལ་པོའི་སེམས་ཕྱིར་ནུར་བ་ཙམ་དུ་སེམས་པ་ལས། སེམས་མ་ནུར་བས་དེ་གྲི་ཡང་ས་ལ་བོར་ནས་བྲོས་སོ། །དེ་ནས་རྒྱལ་པོ་ཆེན་པོའི་ལུས་ལ་རྨ་སྟོང་བཅད་པའི་ནང་དུ་མར་ཁུ་བླུགས་ནས་རས་བཟང་པོའི་སྙིང་པོ་བཙུགས་ཏེ་མར་མེ་སྟོང་བཙུགས་སོ། །
D353.076.0113a04.01དེའི་ཚེ་བྲམ་ཟེ་སྟོན་པ་ཆེན་པོས་དེ་ལྟར་བྱས་པ་མཐོང་ནས་འདི་སྙམ་དུ་ད་ནི་མྱུར་དུ་ཆོས་མ་བཤད་ན་ལུས་སྲོག་འཚོའམ་མི་འཚོ་གཏོལ་མེད་པས། གལ་ཏེ་སྲོག་མ་སོས་ན་སུས་ཆོས་མཉན་པར་འགྱུར་སྙམ་བསམས་ནས། རྒྱལ་པོ་ལ་འདི་སྐད་ཅེས་སྨྲས་སོ། །སངས་རྒྱས་ཀྱི་ཆོས་
D353.076.0113a05.01ཐོས་པར་འདོད་པས་ཤིན་ཏུ་དཔའ་བའི་བརྩོན་འགྲུས་ཀྱིས་བྱ་དཀའ་བའི་སྤྱོད་པ་སྤྱད་པས་ལེགས་པར་ཉོན་ལ་ཤིན་ཏུ་ཡིད་ལ་ཟུང་ཤིག་དང་། ད་རྒྱལ་པོ་ལ་སངས་རྒྱས་ཀྱི་ཆོས་བསྟན་པར་བྱའོ། །དེ་སྐད་ཅེས་སྨྲས་པ་ཐོས་ནས་རྒྱལ་པོ་རབ་ཏུ་དགའ་བའི་སེམས་སུ་གྱུར་ཏེ། དཔེར་ན་བུ་སྲི་ཞུ་ཅན་
D353.076.0113a06.01ཞིག་ཕ་མ་ཤི་ན་རབ་ཏུ་མི་དགའ་སྟེ། སྡུག་བསྔལ་གྱིས་གདུངས་པ་ལས་ཕ་མ་ཕྱིར་སོས་པ་ན་བུ་དེ་ཇི་ལྟར་རབ་ཏུ་དགའ་བ་ལྟར་རྒྱལ་པོ་དེ་ཡང་རབ་ཏུ་དགའ་བར་གྱུར་ཏོ། །དེ་ནས་བྲམ་ཟེ་དེས་རྒྱལ་པོ་ལ་སྨྲས་པ། སྐྱེ་བ་ཡོད་ན་འཆི་བར་འགྱུར། །འགོག་པ་འདི་ནི་བདེ་བ་ཡིན། །ཞེས་
D353.076.0113a07.01