完整藏文原文 · 德格版页 当前仅加载第 76 函德格 153b 版页；藏文 NFD、目录标记与异常页序保留在来源切片中，重复版页行以稳定序号区分。
བཏང་ན་ལུས་ཀྱི་ཡན་ལག་ལག་པ་དང་། རྐང་པ་ལ་སོགས་པ་སྦྱིན་པ་བྱས་པ་ལྟ་སྨོས་ཀྱང་ཅི་དགོས། སངས་རྒྱས་ཀྱིས་དཀའ་ཐུབ་མཛད་པ་འདི་བསྟན་པའི་ཚེ་སེམས་ཅན་ཚད་མེད་པ་བརྒྱ་སྟོང་སྙེད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏོ། །ལྷ་
D353.076.0153b01.01དང་མི་ཚད་མེད་པ་བརྒྱ་སྟོང་སྙེད་ནི་རྒྱུན་དུ་ཞུགས་པའི་འབྲས་བུ་ཐོབ་པ་ནས་དགྲ་བཅོམ་པའི་འབྲས་བུའི་བར་དུ་ཐོབ་པར་གྱུར་ཏོ། །ལྷ་དང་མི་ཚད་མེད་པ་བརྒྱ་སྟོང་སྙེད་ནི་ཉན་ཐོས་དང་རང་སངས་རྒྱས་སུ་སེམས་བསྐྱེད་དོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་ལ། ལྷ་དང་།
D353.076.0153b02.01ཀླུ་དང་། གནོད་སྦྱིན་དང་། མི་དང་མི་མ་ཡིན་པ་ལ་སོགས་པ་འཁོར་མང་པོ་ཐམས་ཅད་མངོན་པར་དགའ་བས་ཕྱིར་དོང་ངོ་། །གཞན་ཡང་འདི་ལྟ་སྟེ། ཡུལ་མ་ག་དྷཱ་ན་མི་རྒོད་རི་བྲགས་པ་ལྔ་བརྒྱ་ཞིག་རྟག་ཏུ་ཆོམ་པོ་བྱེད་དེ། འདྲོན་པོ་ཕན་ཚུན་རྒྱུར་མེད་པར་གྱུར་ནས། དེའི་ཚེ་ཡུལ་མ་
D353.076.0153b03.01ག་དྷཱའི་རྒྱལ་པོས་དམག་རྣམ་བཞི་བཤམས་ཏེ་མི་རྒོད་རྣམས་ཕབ་ནས་མིག་ཕྱུང་། རྣ་བ་དང་སྣ་ཡང་བཅད་དེ་རི་བྲགས་ཡ་ང་བར་བོར་རོ། །དེའི་ཚེ་ན་མི་རྒོད་ལྔ་བརྒྱ་པོ་ལུས་ཀྱི་ན་ཚས་སྡུག་བསྔལ་བར་གྱུར་ཏེ་སྲོག་ལ་བབ་བོ། །མི་རྒོད་ལྔ་བརྒྱ་པོ་དེའི་ནང་ན་སངས་རྒྱས་ཀྱི་སློབ་མར་གྱུར་པ་
D353.076.0153b04.01གཅིག་ཡོད་དེ། དེས་སྨྲས་པ། བདག་ཅག་ནི་ཚེའི་དུས་བྱེད་པ་ལས་མི་རིང་ན། ཅིའི་ཕྱིར་ཀུན་གྱིས་སངས་རྒྱས་ལ་སྐྱབས་སུ་མི་གསོལ་ཞེས་སྨྲས་སོ། །དེ་ནས་མི་རྒོད་ལྔ་བརྒྱའི་རྣམས་སྐད་འཐུན་པར་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ་ཞེས་སྨྲས་པ་དང་། དེའི་ཚེ་ན་དེ་
D353.076.0153b05.01བཞིན་གཤེགས་པ་བྱ་རྒོད་སྤུངས་པའི་རི་ལ་བཞུགས་པ་ལས། ཐུགས་རྗེ་ཆེན་པོའི་ཤུགས་ཀྱིས་རི་ག་ན་དྷ་ཞེས་བྱ་བ་ལ་གཤེགས་ནས་རླུང་ཆེན་པོ་ལངས་ཏེ། རི་དེ་ལ་ཤིང་ཙན་དན་གྱི་ཚལ་ཡོད་པར་ཕྱེ་མ་བུས་ནས་ནམ་མཁའི་ཁམས་ཡོངས་སུ་གང་བར་བྱས་ཏེ་མི་རྒོད་རྣམས་གནས་
D353.076.0153b06.01པའི་རི་ལ་ཡང་ཙན་དན་གྱི་ཕྱེ་མ་ཕྱིན་པར་གྱུར་ཏེ། ཙན་དན་གྱི་ཕྱེ་མ་དེས་མི་རྒོད་ཀྱི་རྨའི་སྟེང་དུ་གོས་ནས་མིག་དང་། སྣ་དང་། ལུས་ཀྱི་རྨ་ཐམས་ཅད་སོས་ཏེ་ཁྲག་ཀྱང་འོ་མར་གྱུར་པས་ཐམས་ཅད་ཀྱིས་འདི་སྐད་ཅེས་སྨྲས་སོ། །བདག་ཅག་ནི་སངས་རྒྱས་ཀྱི་ཐུགས་རྗེ་ཆེན་པོས་ལུས་ཀྱི་རྨ་ཀུན་
D353.076.0153b07.01