完整藏文原文 · 德格版页 当前仅加载第 76 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
དགུ་བཅུའི་བར་དུ་ཆོས་བཤད་དེ། ད་སྟེ་ཞག་བདུན་ན་འཛམ་བུའི་གླིང་དུ་གཤེགས་སོ། །དེའི་ཚེ་མུ་སྟེགས་ཅན་གྱི་སྟོན་པ་དྲུག་གིས་དེ་སྐད་ཅེས་སྨྲས་པ་ཐོས་ནས་ཕྲག་དོག་གི་སེམས་སྐྱེས་ཏེ། རབ་ཏུ་མི་དགའ་བའི་མྱ་ངན་གྱིས་གདུངས་ནས་སྟོན་པ་དྲུག་
D353.076.0119b01.01འཁོར་དང་བཅས་པ་ལྷན་ཅིག་ཏུ་འདུག་སྟེ་འདི་སྐད་ཅེས་བགྲོས་སོ། །དག་སྦྱོང་གཽ་ཏ་མ་གལ་ཏེ་འཛམ་བུའི་གླིང་འདིར་ཕྱིན་ཏེ་འོངས་ན་མི་ཐམས་ཅད་ཀྱིས་བདག་ཅག་སྤོང་ཞིང་དགེ་སྦྱོང་གཽ་ཏ་མ་ལ་མཆོད་པ་བྱེད་པར་འགྱུར་བས་བདག་ཅག་ནི་བྲེལ་ཞིང་ཕོངས་ལ་སྲོག་
D353.076.0119b02.01ལ་བབ་པར་འགྱུར་རོ་ཞེས་བགྲོས་ནས། མུ་སྟེགས་ཅན་གྱི་སྟོན་པ་དྲུག་གིས་ཡང་འདི་སྙམ་བསམས་སོ། །བདག་ཅག་མི་མང་པོ་འདུས་པའི་གནས་སུ་མྱུར་དུ་སོང་ལ་མི་མང་པོའི་ནང་དུ་འདི་སྐད་ཅེས་བསྒྲག་པར་བྱའོ། །དེ་སྐད་ཀུན་ཤེས་པར་གྱིས། དགེ་སྦྱོང་གཽ་ཏ་མ་ནི་ཡང་
D353.076.0119b03.01དག་པར་ན་ཅི་ཡང་ཤེས་པ་མེད་དེ། བྱིས་པ་ཆུང་ངུ་ན་ཁ་ཉག་གཅིག་ཤཱག་རིགས་ཀྱི་ཕོ་བྲང་ནས་བྱུང་སྟེ། བྱང་ཆུབ་ཀྱི་ཤིང་དྲུང་ན་འདུག་འདུག་ནས་ང་ནི་རྣམ་པ་ཐམས་ཅད་མཁྱེན་པའི་ཡེ་ཤེས་ཐོབ་པོ་ཞེས་ཟེར་ཏེ། ཚིག་དེ་ནི་{བརྫུན་,རྫུན་}ཏེ་བདེན་པ་མ་ཡིན་ནོ། །དེ་ཅིའི་ཕྱིར་ཞེ་
D353.076.0119b04.01ན། རྒྱལ་པོ་ཨ་ཁྱི་ཏས་བསོད་སྙོམས་སྦྱིན་པར་བོས་ནས་རྟ་ཆས་འབའ་ཞིག་བྱིན་ཏེ་ངན་དུ་བྱས་ཀྱང་མ་ཤེས་ཏེ་དེར་སོང་བས་ན་ཐམས་ཅད་མཁྱེན་པ་མ་ཡིན་ནོ། །གཞན་ཡང་ཀུན་དགའ་བོ་ལ་ད་སྟེ་ཞག་དུ་ན་ཚུལ་དུ་འཇུག་ཅེས་དྲིས་ན། ཀུན་དགའ་བོས་ཞག་བདུན་ཞིག་ལུས་
D353.076.0119b05.01ཞེས་སྨྲས་སོ། །ཡང་ཀུན་དགའ་བོ་ལ་ཀུན་དགའ་ར་བ་ན་བྱ་མང་པོ་ཅིའི་ཕྱིར་ཅ་ཅོའི་སྐད་འབྱིན་ཅེས་དྲིས་ན། བྱ་མང་པོ་ཟས་གཏོད་པའི་ཕྱིར་རོ་ཞེས་སྨྲས་སོ། །བཙས་ནས་ཞག་བདུན་ལོན་ནས་མ་ཡང་ཤི་བར་གྱུར་པས་དེ་དང་སྦྱར་ན་ཐམས་ཅད་ཤེས་པ་མ་ཡིན་ནོ། །བཀྲ་མི་
D353.076.0119b06.01ཤིས་ཏེ་ཤིན་ཏུ་སྡིག་པ་ཅན་ཡིན་ནོ། །དེར་ཅིས་མངོན་ཞེ་ན། བཙས་མ་ཐག་ཏུ་མ་ཡང་ཤིའོ། །ཡང་གཅིག་ཏུ་ན་སྲི་ཞུས་ཕ་ལ་རིམ་གྲོ་བྱེད་པའི་རིགས་ན། རིམ་གྲོ་མི་བྱེད་པར་རི་ལ་ལངས་ཏེ་སོང་བ་ལས་དྲིན་མི་ཤེས་པ་ཡིན་ནོ། །ཡབ་རྒྱལ་པོས་བཙུན་མོ་སྐྱེ་དགུའི་བདག་མོ་
D353.076.0119b07.01