完整藏文原文 · 德格版页 当前仅加载第 76 函德格 163b 版页；藏文 NFD、目录标记与异常页序保留在来源切片中，重复版页行以稳定序号区分。
བ་གསུམ་དང་། གཏན་ཁྲིམས་ལྔ་ནས་ཚུལ་ཁྲིམས་ཐམས་ཅད་ཀྱི་བར་དུ་སེམས་ཅན་ལ་ཕན་པའི་ཚུལ་ཁྲིམས་དང་། ཉོན་མོངས་པ་སྦྱོང་བའི་ཚུལ་ཁྲིམས་དང་། སྤྱོད་ལམ་གྱིས་གདུལ་བའི་ཚུལ་ཁྲིམས་དང་། བསམ་གཏན་གྱི་ཚུལ་ཁྲིམས་དང་། ཟག་པ་མེད་པའི་ཚུལ་ཁྲིམས་བསྟན་
D353.076.0163b01.01ཏེ་དཀོན་མཆོག་གསུམ་གྱི་གདུང་རྒྱས་པར་བྱོས་ཤིག །དེ་ནས་མ་འགགས་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དེ་བཞིན་གཤེགས་པས་རྫུ་འཕྲུལ་གྱི་མཐུས་བདག་ལ་བྱིན་གྱིས་བརླབས་ན་བདག་གིས་དེ་བཞིན་གཤེགས་པ་ལ་{ཆུང་ཟད་,ཅུང་ཟད་}ཅིག་ཞུའོ། །གསོལ་པ། དཀོན་
D353.076.0163b02.01མཆོག་གསུམ་ཞེས་བགྱི་བ་གང་ལགས། སངས་རྒྱས་དང་། ཆོས་དང་དགེ་འདུན་ཞེས་བགྱི་བ་དཀོན་མཆོག་གསུམ་ལ་མཚན་ཉིད་མ་མཆིས་ན་ཅིའི་སླད་དུ་ཆོས་དང་དགེ་འདུན་བྱེ་བྲག་དང་ཁྱད་པར་མཆིས་ཤིང་། དཀོན་མཆོག་གསུམ་ལ་སྐྱབས་སུ་མཆི་བ་ཇི་ལྟར་གཟུངས་སུ་གཟུང་། སྐྱབས་སུ་
D353.076.0163b03.01མཆི་བ་གསུམ་གལ་ཏེ་གཅིག་ལགས་ན་གསུམ་ཞེས་གསུང་བ་ཡང་མི་རིགས། གལ་ཏེ་སྐྱབས་སུ་མཆི་བ་གསུམ་དུ་གསུངས་ན། ཅིའི་སླད་དུ་འཁོར་རྣམ་པ་བདུན་མཆིས་པར་གསུངས། བཅོམ་ལྡན་འདས་ཅི་ལ་སྐྱབས་སུ་མཆི་ན་སྐྱབས་སུ་མཆི་བ་ཞེས་བགྱི། དེ་ནས་བཅོམ་ལྡན་
D353.076.0163b04.01འདས་ཀྱིས་དོན་དེ་དག་སོ་སོ་ནས་རྣམ་པར་བཀྲོལ་ཏེ་འདི་སྐད་ཅེས་བཀའ་སྩལ་ཏོ། །སངས་རྒྱས་ཞེས་བྱ་བ་ནི་ཚོར་བ་སྟེ། ཆོས་ཀྱི་མཚན་ཉིད་ཐམས་ཅད་མངོན་སུམ་དུ་ཚོར་བའི་ཕྱིར་རོ། །གཞན་ཡང་སེམས་ཅན་ཐམས་ཅད་ནི་ཁམས་གསུམ་ན་རྒྱུན་དུ་གཉིད་ཀྱིས་མྱོས་ཏེ། སངས་རྒྱས་
D353.076.0163b05.01ནི་བྱང་ཆུབ་ཀྱི་སྤྱན་བྱེ་བས་ན་བདག་ཀྱང་ཚོར་ལ་ཕ་རོལ་པོ་ཡང་ཚོར་བར་བྱེད་པས་ཚོར་བ་ཞེས་བྱའོ། །སངས་རྒྱས་ནི་ཆོས་ཐམས་ཅད་ལ་ཐབས་ཐོབ་པ་ཐམས་ཅད་གསུངས་པའོ། །གསོལ་བ་ཇི་ལྟར་ན་སངས་རྒྱས་ཀྱིས་ཐམས་ཅད་གསུངས་པ་ཞེས་བགྱི་བ་ལགས། འོན་ཏེ་དུས་ཚོད་ལས་
D353.076.0163b06.01མ་ཡོལ་བར་དབང་པོ་ཅི་དང་འཕྲོད་པ་བཞིན་དུ་གསུངས་པ་ལ་བགྱི་བའམ། འོན་ཏེ་སོ་སོའི་སྡེ་ཐ་དད་པ་བཞིན་དུ་རྗེས་སུ་གསུངས་པ་ལ་བགྱི། བཀའ་སྩལ་པ། སངས་རྒྱས་ནི་དབང་པོ་ཇི་བཞིན་དུས་ལས་མི་ཡོལ་བར་ཆོས་ཐམས་ཅད་གསུངས་ན་ཕྱིས་ཉེ་གནས་རྣམས་ཀྱིས་
D353.076.0163b07.01