完整藏文原文 · 德格版页 当前仅加载第 76 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
བ་རྣམས་མྱུར་དུ་སྨྲོས་ཤིག་ཅེས་བསྒོ་བ་དང་། རྒྱལ་བུ་དགེ་དོན་གྱིས་ཡབ་རྒྱལ་པོ་ལ་འདི་སྐད་ཅེས་གསོལ་ཏོ། །ཡབ་ཡུམ་གྱིས་བདག་ལ་ཐུགས་བརྩེ་བའི་སླད་དུ་ཉིན་རེ་རེ་ཞིང་བདག་གི་ལུས་ལས་ཤ་རྒྱ་མ་གསུམ་གསུམ་བཅད་དེ། ཆ་གཉིས་ནི་ཡབ་
D353.076.0100a01.01ཡུམ་ལ་འབུལ། ཆ་གཅིག་ནི་བདག་རང་འཚལ་ན་ལུས་སྲོག་གི་ཟུངས་སུ་འགྱུར་རོ། །དེ་ནས་རྒྱལ་པོས་ཀྱང་རྒྱལ་བུས་གསོལ་པ་བཞིན་དུ་གནང་ནས་ཉིན་གཅིག་བཞིན་ཤ་རྒྱ་མ་གསུམ་གསུམ་བཅད་དེ། ཆ་གསུམ་དུ་བགོས་ནས། ཆ་གཉིས་ནི་རྒྱལ་པོ་དང་བཙུན་མོ་ཟ། །
D353.076.0100a02.01ཆ་གཅིག་ནི་རྒྱལ་བུ་རང་ཟ་སྟེ། ལུས་དང་སྲོག་གི་ཟུངས་བྱས་ནས་ལམ་དུ་ཞུགས་ཏེ་སོང་སོང་བ་ལས་ཞག་གཉིས་ཀྱིས་ཡུལ་ཕ་རོལ་མ་སླེབས་པར་རྒྱལ་བུའི་ལུས་ཀྱི་ཤ་ཟད་དེ་རུས་པའི་ཚིགས་དང་ཆུ་བ་ཙམ་ཞིག་འབྲེལ་ཏེ་སྲོག་གི་ལྷག་མ་ཙམ་ཞིག་ལུས་ནས་ས་ལ་འགྱེལ་ཏོ། །དེ་
D353.076.0100a03.01ནས་རྒྱལ་པོ་དང་བཙུན་མོས་རྒྱལ་བུ་པང་དུ་བླངས་ནས་སྐད་ཆེན་པོ་ཕྱུང་ནས་ཆོ་ངེས་ཆེན་པོ་བཏབ་སྟེ་འདི་སྐད་ཅེས་སྨྲས་སོ། །ངེད་གཉིས་ཀྱིས་མ་རིག་པས་ཁྱོད་ཀྱི་ཤ་ཟོས་ཏེ་ཁྱོད་འདི་ལྟ་བུའི་ན་ཚ་བའི་སྡུག་བསྔལ་མྱོང་བར་གྱུར་ལ། ལམ་ཡང་ད་དུང་རིང་བས། ཁྱོད་ཀྱི་ལུས་ཀྱི་
D353.076.0100a04.01ཤ་ནི་ཟད་དེ། ད་ནི་ལྷན་ཅིག་ཏུ་གནས་འདིར་རོ་གཞག་གོ། །དེ་ནས་རྒྱལ་བུ་དགེ་དོན་གྱིས་སྐད་ཆུང་ངུས་ཡབ་རྒྱལ་པོ་ལ་འདི་སྐད་ཅེས་གསོལ་ཏོ། །ད་འདི་ནས་ཕ་རོལ་ཏུ་ཞག་གཅིག་ཙམ་གྱི་ལམ་ལས་མ་ལུས་ཏེ། བདག་ནི་གཡོ་ཞིང་བསྐྱོད་མི་ནུས་པས་སྲོག་འདིར་འདོར་རོ། །རྒྱལ་
D353.076.0100a05.01པོ་དང་བཙུན་མོ་ནི་མི་མ་རབས་ངན་པ་ལྟར་ལྷན་ཅིག་ཏུ་གནས་འདིར་རོ་གཞག་གོ་མ་གསུང་ཤིག །བདག་ལ་བྱམས་ཤིང་ཐུགས་བརྩེ་བར་དགོངས་ན་བདག་གིས་བསམས་པ་དང་མི་འགལ་བར་མཛད་དུ་གསོལ། ད་དུང་ཡང་བདག་གི་རུས་པའི་གསེབ་ན་ཤ་ཅི་ཡོད་པ་མ་ལུས་པར་བཏོགས་
D353.076.0100a06.01ལ་ཡུལ་ཕ་རོལ་ཏུ་གཤེགས་སུ་གསོལ། དེ་ནས་རྒྱལ་པོས་ཡང་རྒྱལ་བུས་གསོལ་པ་བཞིན་དུ་ཚིགས་དང་རུས་པའི་གསེབ་ན་ཤ་ཅི་ཡོད་པ་ཟད་པར་བཏོགས་ནས་ཆ་གསུམ་དུ་བགོས་ཏེ། ཆ་གཉིས་ནི་རྒྱལ་པོ་དང་བཙུན་མོས་ཟོས། ཆ་གཅིག་ནི་རྒྱལ་བུ་རང་གིས་ཟོས་ཏེ། རྒྱལ་པོ་
D353.076.0100a07.01