完整藏文原文 · 德格版页 当前仅加载第 76 函德格 101b 版页；藏文 NFD、目录标记与异常页序保留在来源切片中，重复版页行以稳定序号区分。
བསླུས་པར་གྱུར་ན་བདག་གི་ལུས་ཀྱི་རྨ་འདི་ནམ་དུ་ཡང་འཚོ་བར་མ་གྱུར་ཅིག །གལ་ཏེ་སྨྲས་པའི་ཚིག་བདེན་ན། བདག་གི་ལུས་ཀྱང་སོར་ཆུད་ཅིང་ཁྲག་ཀྱང་འོ་མར་གྱུར་ཅིག་ཅེས་སྨྲས་མ་ཐག་ཏུ་ལུས་ཀྱི་རྨ་ཡང་སྔ་མཁོ་བཞིན་སོར་ཆུད་དེ། ཁྲག་ཀྱང་འོ་མར་གྱུར་ནས་རྒྱལ་བུའི་བྱད་
D353.076.0101b01.01གཟུགས་ཀྱང་སྔ་མ་བས་ལྷག་པར་བཟང་ཞིང་སྡུག་པ་དང་མཛེས་པར་གྱུར་ཏེ་ལངས་ནས་ལྷའི་དབང་པོའི་རྐང་པ་ལ་མགོ་བོས་ཕྱག་བྱས་སོ། །དེ་ནས་ལྷའི་དབང་པོ་བརྒྱ་བྱིན་གྱིས་རྒྱལ་བུ་ཁྱོད་ལེགས་སོ། །ཤིན་ཏུ་ལེགས་སོ། །ཤིན་ཏུ་དཔའ་བའི་བརྩོན་འགྲུས་ཀྱིས་གདོན་མི་ཟ་
D353.076.0101b02.01བར་བླ་ན་མེད་པ་ཡང་དག་པར་རྫོགས་པར་བྱང་ཆུབ་པར་འགྱུར་རོ། །རིང་པོ་མི་ཐོགས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པ་ན། ཐོག་མར་བདག་གི་དོན་མཛད་པར་གྱུར་ཅིག་ཅེས་སྨྲས་ནས་བརྒྱ་བྱིན་ལྷའི་དབང་པོ་ཡང་ནམ་མཁའི་ཕྱོགས་དེ་ཉིད་དུ་མི་སྣང་བར་གྱུར་
D353.076.0101b03.01ཏོ། །དེའི་ཚེ་ཡང་རྒྱལ་པོ་དང་བཙུན་མོ་ཡང་རྒྱལ་པོ་ཕ་རོལ་པོ་དེའི་དྲུང་དུ་ཕྱིན་ནས་རྒྱལ་པོ་དེས་ཀྱང་རྒྱང་མ་ནས་བསུ་ནས་དགོས་པའི་ཡོ་བྱད་ཡིད་བཞིན་དུ་སྦྱར་རོ། །དེའི་ཚེ་རྒྱལ་པོ་དང་བཙུན་མོ་དེས་རྒྱལ་བུའི་ལུས་ཀྱི་ཤ་ཁྲག་གིས་ཕ་མ་ལ་ཇི་ལྟར་བསྟབས་པ་རྒྱལ་པོ་དེ་ལ་ཞིབ་ཏུ་
D353.076.0101b04.01བརྗོད་པ་དང་། རྒྱལ་པོ་དེས་ཇི་ལྟར་གྱུར་པ་དེ་དག་ཐོས་ནས་རྒྱལ་བུ་དེས་ལུས་ཀྱི་ཤ་ཁྲག་གིས་ཕ་མ་ལ་བསྟབས་པས་སྲི་ཞུ་ཆེར་བྱས་པའི་དྲིན་ལན་བསབས་ནས། དམག་རྣམ་བཞི་བཤམས་ནས་རྒྱལ་པོ་དེ་དང་ཡུལ་བཱ་རཱ་ཎ་སཱིར་དམག་དྲངས་སོ། །དེའི་ཚེ་རྒྱལ་པོ་དེ་དམག་རྣམ་བཞི་
D353.076.0101b05.01དང་ཆས་ནས་ལམ་དུ་ཞུགས་ཏེ། རྒྱལ་བུ་དང་བྲལ་བའི་གནས་སུ་ཕྱིན་པ་དང་། འདི་སྙམ་དུ་བདག་གི་བུ་ནི་གདོན་མི་ཟ་བར་འདི་ཉིད་དུ་ཤི་ན་བུའི་རུས་པ་ཙམ་བསྡུས་ཏེ་ཕྱིར་བདག་གི་ཡུལ་དུ་བཀུར་རོ་སྙམ་དུ་བསམས་ནས་སྐད་ཕྱུང་ནས་ངུ་ཞིང་བུའི་རུས་བུ་སྡུད་དུ་སོང་སོང་བ་ལས་རྒྱང་མ་ནས་
D353.076.0101b06.01བདག་གི་བུ་ལུས་ཀྱི་རྨ་ཡང་སོས་ནས་སྔ་བས་ཀྱང་བཟང་ཞིང་མཛེས་ཏེ་དྲུང་དུ་འོངས་སོ། །དེ་ནས་རྒྱལ་པོས་པང་དུ་བླངས་ཏེ་ཁྱོད་ད་དུང་གསོན་ནམ་ཞེས་སྨྲས་པ་དང་། རྒྱལ་བུས་ཇི་ལྟར་གྱུར་པ། ཡབ་རྒྱལ་པོ་དང་བཙུན་མོ་ལ་སྨྲས་སོ། །རྒྱལ་པོ་དང་བཙུན་མོ་རབ་ཏུ་དགའ་སྟེ། ཐམས་
D353.076.0101b07.01