完整藏文原文 · 德格版页 当前仅加载第 76 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། བལ་གྱི་གླང་པོ་ཆེ་རབ་ལ་ཞོན་ནས་རྒྱལ་བུ་བསུས་སོ། །བསུ་བའི་ས་ཕྱོགས་དེར་ཕྱག་དར་དང་ཆག་ཆག་བྱས་ཏེ། བདུག་སྤོས་དང་། བ་དན་དང་། རྒྱལ་མཚན་དང་། གདུགས་ལ་སོགས་པ་སྦྱར་ཅིང་བྲེས་ནས་རོལ་མོ་རྣམ་པ་སྣ་ཚོགས་ཀྱང་བྱས་སོ། །ཡུལ་དེ་ན་གནས་པའི་
D353.076.0144b01.01ཡུལ་མི་ཕོ་སྨོས་ཐམས་ཅད་ཀྱིས་རྒྱལ་བུ་དགེ་དོན་རྒྱ་མཚོ་ནས་བདེ་བར་ཕྱིར་འཁོར་བར་ཐོས་ནས་ཐམས་ཅད་རབ་ཏུ་དགའ་ནས་ཀུན་གྱིས་རྒྱལ་བུ་བསུས་སོ། །དེ་ནས་རྒྱལ་བུ་དགེ་དོན་གྱིས་ཡབ་རྒྱལ་པོ་དང་། ཡུམ་བཙུན་མོའི་ཞབས་ལ་མགོ་བོས་ཕྱག་འཚལ་ཏེ། རྒྱལ་པོ་དང་། བཙུན་
D353.076.0144b02.01མོ་མིག་ལྡོངས་ཏེ་རྒྱལ་བུ་མི་མཐོང་བས་ལག་པས་མནམས་བྱུགས་ནས་ཁྱོད་ངའི་བུ་དགེ་དོན་ཡིན་ནམ་ཁྱོད་རྟག་པར་དྲན་ཏེ་མྱ་ངན་གྱིས་གདུངས་པས་འདི་ལྟར་གྱུར་ཏོ། །རྒྱལ་བུས་ཡབ་རྒྱལ་པོ་དང་བཙུན་མོ་ལ་ཕྱག་བྱས་ནས་རྒྱལ་ཕྲན་རྣམས་དང་། བློན་པོ་རྣམས་དང་། མི་མང་པོ་ལ་
D353.076.0144b03.01ལག་པ་བཏེག་སྟེ་སྐད་ཆེན་པོས་སྤྲོ་བ་བསྐྱེད་དོ། །བདག་ཉོན་མོངས་ཀྱང་ཁྱོད་ཀྱི་ཡོན་ཏན་གྱིས་ཕྱིར་འཁོར་རོ་ཞེས་སྨྲས་སོ། །དེ་ནས་རྒྱལ་བུ་དགེ་དོན་གྱིས་ཡབ་རྒྱལ་པོ་ལ་བདག་གི་ནུ་བོ་ངན་དོན་ད་ལྟར་ག་རེ། གང་ན་མཆིས་ཞེས་གསོལ་པ་དང་། ཡབ་རྒྱལ་པོས་བཀའ་སྩལ་
D353.076.0144b04.01པ། ཁྱོད་དེའི་གཏམ་མ་འདྲི་ཤིག །སྡིག་པ་ཅན་དེ་ད་ལྟར་ཁྲི་མོན་ན་ཡོད་དེ་གཏང་ཞེས་བྱ་བ་མེད་དོ། །རྒྱལ་བུ་དགེ་དོན་གྱིས་གསོལ་པ། བདག་ངན་དོན་དང་ཕྲད་དུ་སྩོལ་ཅིག་ཅེས་དེ་བཞིན་དུ་ལན་གཉིས་ལན་གསུམ་གྱི་བར་དུ་ངུས་ཤིང་གསོལ་ནས་ཡིད་མ་བཟློགས་ཏེ་ཁྲི་མོན་ནས་ངན་
D353.076.0144b05.01དོན་ཕྱུང་ངོ་། །ངན་དོན་གྱི་ལག་པ་དང་། རྐང་པ་ནས་ལྕགས་དང་ཁོང་སྒྲིལ་ཕྱུངས་ཤིག་པར་གསོལ་ལོ། །དེ་ནས་བཙོན་ར་ནས་ཕྱུང་ནས་ངན་དོན་པང་དུ་འཁྱུད་ནས་ཁྱོད་རབ་ཏུ་ཉོན་མོངས་སམ་ཞེས་ཚིག་འཇམ་པོས་སྤྲོ་བ་བསྐྱེད་དེ་གཏམ་བྱས་ནས་ངའི་ནོར་བུ་རིན་པོ་ཆེ་ཁྱེར་བ་ག་རེ་ཞེས་
D353.076.0144b06.01ལན་གཉིས་ལན་གསུམ་གྱི་བར་དུ་དྲིས་པ་དང་། གདོད་སའི་འོག་ན་སྦས་ཤིང་འདུག་གོ་ཞེས་སྨྲས་སོ། །དེ་ནས་རྒྱལ་བུ་དགེ་དོན་གྱིས་གནས་དེ་ནས་རིན་པོ་ཆེ་ཕྱུང་ནས་བླངས་སོ། །དེ་ནས་ཡབ་རྒྱལ་པོ་དང་ཡུམ་བཙུན་མོའི་དྲུང་དུ་འོངས་ཏེ། ནོར་བུ་རིན་པོ་ཆེ་ལ་བདུག་སྤོས་བཟང་
D353.076.0144b07.01