完整藏文原文 · 德格版页 当前仅加载第 76 函德格 113b 版页；藏文 NFD、目录标记与异常页序保留在来源切片中，重复版页行以稳定序号区分。
ཚིགས་སུ་བཅད་པ་ཕྱེད་པ་འདི་བསྟན་ཏོ། །རྒྱལ་པོས་དམ་པའི་ཆོས་བསྟན་པ་ཐོས་ནས་རབ་ཏུ་དགའ་བའི་སེམས་སུ་གྱུར་ཏེ། རྒྱལ་བུ་དང་བློན་པོ་རྣམས་ལ་འདི་སྐད་ཅེས་བསྒོའོ། །ཁྱེད་རྣམས་ཁོ་བོ་ལ་སྡུག་ཅིང་བརྩེ་བའི་སེམས་ཡོད་ན་ཆོས་འདི་མ་བརྗེད་པར་ཡིད་ལ་ཟུང་ལ་
D353.076.0113b01.01ཡུལ་ཕྱོགས་སུ་གང་ན་མང་པོ་འདུ་བའི་གནས་དང་། གྲོང་དང་། གྲོང་ཁྱེར་དང་། ཚོང་འདུས་སུ་འགྲོ་བ་མང་པོ་ལ་འདི་སྐད་ཅེས་བཀར་ཐོགས་ཤིག །འཁོར་ལོས་སྒྱུར་བའི་རྒྱལ་པོ་ཆེན་པོས་སེམས་ཅན་མང་པོ་སྡུག་བསྔལ་གྱི་རྒྱ་མཚོར་བྱིང་བ་དག་འདོན་པ་དང་། སེམས་ཅན་
D353.076.0113b02.01ཐམས་ཅད་ལ་སྙིང་རྗེ་ཆེན་པོའི་སེམས་བསྐྱེད་ནས་ལུས་ལ་མར་མེ་སྟོང་བཙུགས་ཏེ། ཚིགས་སུ་བཅད་པའི་ཚིགས་བཅད་ཕྱེད་ཐོས་པ་འདི་རྒྱལ་པོ་ཆེན་པོ་འདིའི་བྱམས་པ་དང་སྙིང་རྗེའི་སེམས་གྲུབ་པར་བྱ་བའི་ཕྱིར་ཐམས་ཅད་ཀྱིས་ཡི་གེར་བྲིས་ཏེ་གདོན་པ་དང་། ཁ་ཏོན་དུ་བྱ་བ་དང་།
D353.076.0113b03.01འདྲི་བ་དང་། གོམས་པར་བྱེད་པ་དང་། དོན་ཡང་ཡིད་ལ་བྱ་ཞིང་ཇི་ལྟར་གཏམས་པ་བཞིན་དུ་ནན་ཏན་དུ་སྤྱད་པར་བྱའོ། །དེའི་ཚེ་ན་མི་མང་པོས་དེ་སྐད་ཅེས་བསྒོ་བ་ཐོས་ནས་རབ་ཏུ་དགའ་ཞིང་མགུ་བར་གྱུར་ཏེ། ཐམས་ཅད་ཀྱིས་ཚིག་འཐུན་པར་རྒྱལ་པོ་ལ་བསྟོད་ནས་ཤིན་ཏུ་དགའོ། །
D353.076.0113b04.01རྒྱལ་པོ་ཆེན་པོ་བདག་ཅག་གི་སྙིང་རྗེ་ཆེན་པོའི་ཕ་ཡང་དག་པ་ཡིན་ནོ། །སེམས་ཅན་ཐམས་ཅད་ཀྱི་ཕྱིར་ཤིན་ཏུ་སྤྱད་དཀའ་བ་སྤྱད་དོ་ཞེས་ཀུན་གྱིས་བསྔགས་ཏེ། ཀུན་གྱིས་ཤོག་ཤོག་དང་། དར་དང་། ཤུན་པ་དང་། ཤིང་དང་། རྡོ་ལ་ཡི་གེར་བྲིས་ཏེ་ཁ་ཏོན་དུ་སློབ་བོ། །གང་ན་
D353.076.0113b05.01མི་མང་པོ་འདུ་བའི་གནས་སུ་ཡང་ཡི་གེར་བྲིས་ཏེ། ཐམས་ཅད་ཀྱིས་མཐོང་བར་བྱས་ནས། བླ་ན་མེད་པའི་བྱང་ཆུབ་ཏུ་སེམས་བསྐྱེད་དུ་བཅུག་གོ། །དེའི་ཚེ་རྒྱལ་པོ་ཆེན་པོས་ལུས་ལ་མར་མེ་སྟོང་བཙུགས་ཏེ་སྟོན་པ་ཆེན་པོ་བྲམ་ཟེ་ལ་མཆོད་པ་བྱས་པའི་འོད་ཟེར་གྱིས་ཕྱོགས་བཅུའི་
D353.076.0113b06.01ཞིང་འཇིག་རྟེན་གྱི་ཁམས་སྣང་བར་གྱུར་ཏེ། མར་མེ་དེའི་འོད་དེ་ལས་ཚིགས་སུ་བཅད་པའི་ཚིགས་བཅད་ཕྱེད་ཀྱི་ཆོས་ཀྱི་སྒྲ་ཡང་གྲགས་པར་གྱུར་ནས་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །མར་མེ་དེའི་འོད་དེས་སུམ་ཅུ་རྩ་གསུམ་གནམ་གྱི་ལྷའི་
D353.076.0113b07.01