完整藏文原文 · 德格版页 当前仅加载第 76 函德格 138a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་བསྐྱས་སོ། །དེའི་ཚེ་ནུ་བོ་ངན་དོན་འདི་སྙམ་དུ་རྒྱལ་བུ་དགེ་དོན་ལ་ཡང་ཡང་ཡབ་ཡུམ་ལྷག་པར་བྱམས་ཏེ། ད་རྒྱ་མཚོར་ནོར་བུ་རིན་པོ་ཆེ་ལེན་དུ་འགྲོ་བ་གལ་ཏེ་ཕྱིར་ཡང་འཁོར་ན་དགེ་དོན་ལ་ཇེ་བྱམས་ཇེ་བྱམས་ཤིང་བདག་ལ་ནི་ལྷག་པར་སྡང་ཞིང་བེན་པར་
D353.076.0138a01.01འགྱུར་རོ་སྙམ་བསམས་ནས་བདག་ཀྱང་རྒྱལ་བུ་དགེ་དོན་གྱི་ཕྱི་བཞིན་དུ་རིན་པོ་ཆེ་ལེན་དུ་འགྲོའོ་ཞེས་གསོལ་པ་དང་། ཡབ་ཡུམ་གྱིས་འགྲོ་བར་གནང་སྟེ། འདི་ཡང་སོང་ན་ལམ་ཡ་ང་བའམ། མི་བདེ་བ་དག་ཏུ་སྤུན་གཉིས་འགྲོགས་ན་གདོན་མི་ཟ་བར་གཅིག་ལ་
D353.076.0138a02.01གཅིག་ཕན་ནོ་ཞེས་གསུངས་ནས་རྒྱལ་བུ་ངན་དོན་ཡང་བཏང་ངོ་། །དེ་ནས་རྒྱལ་བུ་དགེ་དོན་གྲུའི་ནང་ན་ཞུགས་ནས་གྲུ་ལ་ལྕགས་ཀྱི་ཉག་ཐག་བདུན་བཏགས་ཏེ་ཞག་བདུན་གྱི་བར་དུ་བསྡད་དོ། །ཐོག་མར་གྲུར་ཞུགས་པའི་ནང་པར་ཉི་མ་ཤར་བ་ན་རྒྱལ་བུ་དགེ་དོན་གྱིས་རྔ་
D353.076.0138a03.01བརྡུངས་ཏེ་སྐད་ཆེན་པོས་འདི་སྐད་ཅེས་བོས་སོ། །ཁྱོད་ལ་སོགས་པ་སུ་རྒྱ་མཚོར་འགྲོ་འདོད་པ་ནི་ཅང་མ་སྨྲ་ཤིག །སུ་ཕ་མ་དང་། ཕུ་ནུ་དང་། བུ་སྨད་ལ་ཆགས་ཏེ་འཛམ་བུའི་གླིང་གི་ལོངས་སྤྱོད་དང་། བདེ་བ་ལ་དད་པ་རྣམས་ནི་འདི་ནས་ཕྱིར་དེང་ཤིག །
D353.076.0138a04.01བདག་གི་ཕྱིར་འགྱོད་པར་གྱུར་ཏ་རེ། དེ་ཅིའི་ཕྱིར་ཞེ་ན། རྒྱ་མཚོའི་ནང་ན་བགེགས་རབ་ཏུ་མང་བས་སོང་བ་གྲངས་མེད་ཀྱང་ཕྱིར་འཁོར་བ་གཅིག་གཉིས་ཙམ་ལས་མེད་དོ་ཞེས་སྐད་ཆེན་པོས་བོས་ཀྱང་འཁོར་མང་པོ་རྣམས་ནི་ཅང་མི་སྨྲ་བས་ཉག་ཐག་གཅིག་བཅད་དེ་གྲུའི་སྟེང་དུ་
D353.076.0138a05.01དྲངས་སོ། །དེ་བཞིན་ཉིན་རེ་ལན་རེ་ཞག་བདུན་གྱི་བར་དུ་བོས་ཀྱང་ཀུན་ཁ་རོག་འདུག་སྟེ་ཅང་མི་སྨྲ་བས་ཉག་ཐག་བདུན་ཆར་བཅད་དེ་ཉག་ཐག་གྲུའི་སྟེང་དུ་དྲངས་སོ། །དེ་ནས་རླུང་ཕྱོགས་སུ་གཡོར་མོ་བསྒྲེངས་ནས་སོང་ངོ་། །རྒྱལ་བུའི་སྙིང་རྗེའི་སེམས་དང་བསོད་ནམས་ཀྱི་ཤུགས་
D353.076.0138a06.01ཀྱིས་ཉེ་ཞོ་མེད་པར་རྒྱ་མཚོའི་གླིང་ནོར་བུ་རིན་པོ་ཆེའི་དྲུང་དུ་ཕྱིན་ཏོ། །རིན་པོ་ཆེའི་དྲུང་དུ་ཕྱིན་ནས་རྒྱལ་བུ་དགེ་དོན་གྱིས་ཡང་རྔ་བརྡུངས་ཏེ་མི་མང་པོ་ལ་ལམ་རིང་ཞིང་ཡ་ང་བས། ཁྱེད་རྣམས་འདི་ནས་རིན་པོ་ཆེ་ལོང་ལ་ཞག་བདུན་ཞིག་བསྟིས་ལ་ཕྱིར་དེང་ཤིག་པར་བསྒོའོ། ཡང་
D353.076.0138a07.01