完整藏文原文 · 德格版页 当前仅加载第 76 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ལུས་བསྲེགས་ནས་མྱ་ངན་ལས་འདས་སོ། །དེའི་ཚེ་ན་འཁོར་མང་པོའི་རྣམས་ཡིད་ལ་གཅགས་ནས་མིག་མི་འཛུམས་པར་ཤཱ་རིའི་བུ་ལ་ལྟ་ཞིང་སྐད་ཆེན་པོས་ཆོ་ངེས་བཏབ་སྟེ་ལུས་ལ་ས་རྡུལ་གྱིས་གོས་པར་གྱུར། ཉི་མ་ཡང་འོད་མི་གསལ་ཞིང་གནམ་ས་ཡང་ཆེར་གཡོས་
D353.076.0150b01.01སོ། །དེ་ནས་འཁོར་མང་པོས་ཤཱ་རིའི་བུའི་རུས་པ་བསྡུས་ཏེ་མཆོད་རྟེན་བརྩིགས་ཏེ་མཆོད་པ་བྱས་སོ། །དེའི་ཚེ་ན་འཁོར་མང་པོ་བརྒྱ་སྟོང་སྙེད་ནི་ཤཱ་རིའི་བུ་དྲན་པའི་ཕྱིར། སྡུག་བསྔལ་གྱིས་སེམས་གདུངས་ནས་མྱོས་ཤིང་འཐོམས་ཏེ་དྲན་པ་ཉམས་པར་གྱུར་ཏོ། །དེ་ནས་དེ་
D353.076.0150b02.01བཞིན་གཤེགས་པས་ཐུགས་རྗེའི་ཤུགས་ཀྱིས་ཤཱ་རིའི་བུར་སྤྲུལ་ནས་འཁོར་གྱི་ནང་ན་འདུག་པར་བྱས་ནས་འཁོར་མང་པོ་དེ་དག་ཤཱ་རིའི་བུ་དེ་མཐོང་ནས་མི་དགའ་བའི་སྡུག་བསྔལ་ཞི་ནས་ཕྱིར་རབ་ཏུ་དགའ་བར་གྱུར་ཏོ། །དེ་ལྟར་དགའ་བའི་སེམས་སུ་གྱུར་ནས་ཐམས་ཅད་ཀྱིས་
D353.076.0150b03.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དེ་ནས་ཀུན་དགའ་བོས་དེ་བཞིན་གཤེགས་པའི་བྱིན་གྱི་རླབས་ཀྱིས་འཁོར་མང་པོ་ཐེ་ཙོམ་དུ་གྱུར་པ་སེམས་ཀྱིས་ཤེས་ནས་སྟན་ལས་ལངས་ཏེ། བླ་གོས་ཕྱོགས་གཅིག་ཏུ་བྱས་ནས་པུས་མོ་གཡས་པའི་ལྷ་
D353.076.0150b04.01ང་ས་ལ་བཙུགས་ཏེ་ཐལ་མོ་སྦྱར་བ་བཏུད་དེ། སངས་རྒྱས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཅིའི་རྒྱུ་ཅིའི་རྐྱེན་གྱིས་ཤཱ་རིའི་བུ་འདི་དེ་བཞིན་གཤེགས་པ་བས་སྔར་མྱ་ངན་ལས་འདས་ཏེ་འཁོར་མང་པོ་མི་དགའ་སྟེ་མྱ་ངན་བྱེད་པར་འགྱུར། བཅོམ་ལྡན་འདས་ཀྱིས་
D353.076.0150b05.01ཀུན་དགའ་བོ་དང་། འཁོར་མང་པོ་ལ་བཀའ་སྩལ་པ། ཤཱ་རིའི་བུ་འདི་ད་ལྟར་འདི་འབའ་ཞིག་ཏུ་དེ་བཞིན་གཤེགས་པ་བས་མྱ་ངན་ལས་སྔར་འདས་པར་མ་ཟད་དེ། སྔོན་འདས་པའི་དུས་ན་ཡང་ང་སྔར་འདས་པ་མཐོང་བར་མི་བཟོད་ནས་སྔར་འདས་སོ། །དེ་ནས་ཀུན་དགའ་བོས་སངས་
D353.076.0150b06.01རྒྱས་ལ་གསོལ་པ། བཅོམ་ལྡན་འདས་སྔོན་འདས་པའི་དུས་ན་ཤཱ་རིའི་བུ་སྔར་འདས་པའི་དངོས་པོ་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། ཁྱེད་ལེགས་པར་ཉོན་ཅིག །སྔོན་འདས་པའི་དུས་བསྐལ་པ་གྲངས་མེད་པའི་ཕ་རོལ་དེའི་ཚེ་དེའི་དུས་ན། ཡུལ་བཱ་རཱ་ཎ་སཱི་ཞེས་
D353.076.0150b07.01