完整藏文原文 · 德格版页 当前仅加载第 76 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་སྡུག་བསྔལ་གྱིས་གཟིར་བ་མཐོང་ན་བྱམས་ཤིང་སྙིང་རྗེ་བའི་སེམས་སྐྱེ་སྟེ། དེ་བས་ན་བྱང་ཆུབ་སེམས་དཔའ་ནི་བྱམས་པ་དང་། སྙིང་རྗེའི་སེམས་ཀྱིས་རྒྱུ་བྱས་པས་བླ་ན་མེད་པ་ཡང་དག་པར་རྫོགས་
D353.076.0116a01.01པའི་བྱང་ཆུབ་ཏུ་སེམས་བསྐྱེད་པར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པའི་རྒྱུས་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་བསྒྲུབ་པར་འགྱུར་རོ། །བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་བསྒྲུབ་པའི་རྒྱུས་བླ་ན་མེད་པ་ཡང་དག་པར་
D353.076.0116a02.01རྫོགས་པའི་བྱང་ཆུབ་འཐོབ་སྟེ། དེ་བས་ན་བྱང་ཆུབ་ཏུ་སེམས་བསྐྱེད་པ་ནི་གཞིའམ་རྩ་བ་ཞེས་བྱའོ། །བྱང་ཆུབ་ཏུ་སེམས་བསྐྱེད་པས་བྱང་ཆུབ་སེམས་དཔའི་ཚུལ་ཁྲིམས་སྤྱོད་པར་འགྱུར་ཏེ། དེ་བས་ན་བྱང་ཆུབ་ཏུ་སེམས་བསྐྱེད་པ་ནི་རྩ་བ་ཞེས་བྱའོ། །ཡན་ལག་ཅེས་ཀྱང་བྱ། སྡུད་
D353.076.0116a03.01པ་ཞེས་ཀྱང་བྱ། {གོ་རིམས་,གོ་རིམ་}ཞེས་ཀྱང་བྱ། ས་བོན་ཞེས་ཀྱང་བྱ། བྱང་ཆུབ་སེམས་དཔའ་བྱང་ཆུབ་ཏུ་སེམས་བསྐྱེད་པ་ཡང་མཐར་ཕྱིན་པ་དང་། མཐར་མི་ཕྱིན་པ་ཡོད་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་ཐོབ་པར་བྱེད་པ་ནི་ནམ་དུ་ཡང་ཕྱིར་ལྡོག་པའམ།
D353.076.0116a04.01ནུར་བ་མེད་པས་མཐར་ཕྱིན་པའོ། །མཐར་མི་ཕྱིན་པ་ནི་ལྡོག་པ་དང་ཉམས་པར་འགྱུར་ཏེ། ཕྱིར་ལྡོག་པ་ལ་རྣམ་པ་གཉིས་ཏེ། མཐར་ལྡོག་པ་དང་། མཐར་ལྡོག་པ་མ་ཡིན་པ་ཡོད་དོ། །མཐར་ཕྱིར་ལྡོག་པ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་
D353.076.0116a05.01ལས་ཕྱིར་མི་ལྡོག་པའི་ཆོས་གང་ཡིན་པ་དེ་བསྒྲུབ་པའམ་ནན་ཏན་དུ་སྤྱོད་མི་ནུས་པའོ། །མཐར་ཕྱིར་ལྡོག་པ་མ་ཡིན་པ་ནི་བྱང་ཆུབ་ཏུ་སེམས་བསྐྱེད་ནས་ཆོས་གང་ཡིན་པ་བསྒྲུབ་ཅིང་ནན་ཏན་དུ་སྤྱོད་པའོ། །བྱང་ཆུབ་སེམས་དཔའི་སྤྱོད་པ་ལ་རྣམ་པ་བཞི་སྟེ། རིགས་ཀྱི་བུའམ། རིགས་ཀྱི་བུ་
D353.076.0116a06.01མོའམ། གང་ཞིག་སངས་རྒྱས་སམ། བྱང་ཆུབ་སེམས་དཔའི་དོན་གྱི་དངོས་པོ་བསམ་གྱིས་མི་ཁྱབ་པ་ཐོས་སམ། མཐོང་ན་དེའི་ཚེ་དད་ཅིང་འདུན་པའི་སེམས་སྐྱེ་བར་འགྱུར་ཏེ། འདི་སྙམ་དུ་སངས་རྒྱས་དང་བྱང་ཆུབ་སེམས་དཔའི་དོན་གྱི་དངོས་པོ་ནི་བསམ་གྱིས་མི་ཁྱབ་པ་སྟེ། སངས་
D353.076.0116a07.01