完整藏文原文 · 德格版页 当前仅加载第 76 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་དུས་ངན་པས་ཐེག་པ་གཉིས་ཀྱི་སེམས་ཀྱང་སྐྱེད་མི་ནུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་ལྟ་ཅི་སྨོས་སྙམ་སེམས་ནས་བྱང་ཆུབ་ཏུ་སེམས་བསྐྱེད་པའོ། །དེ་ལྟར་བྱང་ཆུབ་ཏུ་སེམས་བསྐྱེད་ནས་སེམས་ཅན་ཐམས་
D353.076.0117a01.01ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་ལ་བརྩོན་པར་བྱེད་དོ། །དེ་ནས་བྱང་ཆུབ་སེམས་དཔའ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་དྲིན་ལན་ཤེས་པ་ནི་བདག་
D353.076.0117a02.01བྱང་ཆུབ་ཏུ་སེམས་བསྐྱེད་པའོ། །བྱང་ཆུབ་སེམས་དཔའ་དྲིན་ལན་བསབ་པ་ནི་སེམས་ཅན་ཕ་རོལ་པོ་བྱང་ཆུབ་ཏུ་སེམས་བསྐྱེད་དུ་བཅུག་པའོ་ཞེས་བགྱི་ན། དེ་བཞིན་གཤེགས་པ་སྔོན་འཁོར་བ་ན་འཁོར་བའི་ཚེ་ཐོག་མ་དངོས་པོ་ཅིའི་རྒྱུས་བྱང་ཆུབ་ཏུ་སེམས་བསྐྱེད་པར་གྱུར།
D353.076.0117a03.01བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་སྔོན་གྱི་བསྐལ་པ་གྲངས་མེད་པའི་བར་དུ་སྐྱེ་ཤིར་འཁོར་བ་ན་འཁོར་ཞིང་ལུས་དང་། ངག་དང་། ཡིད་ཀྱི་ཉོན་མོངས་པའི་ལས་ཆེན་པོས་སེམས་ཅན་དམྱལ་བ་ཆེན་པོ་བརྒྱད་མྱོང་བར་གྱུར་ཏོ། །འདི་ལྟ་སྟེ། ཨ་ཧ་ཧའི་
D353.076.0117a04.01སེམས་ཅན་དམྱལ་བ་དང་། ཨ་ལ་ལའི་སེམས་ཅན་དམྱལ་བ་དང་། ཨ་ཚ་ཚའི་སེམས་ཅན་དམྱལ་བ་དང་། ཟངས་ཁོལ་མའི་སེམས་ཅན་དམྱལ་བ་དང་། ཟངས་ཁོལ་མ་ཆེན་པོའི་སེམས་ཅན་དམྱལ་བ་དང་། རྡོ་ནག་པོའི་སེམས་ཅན་དམྱལ་བ་དང་། རྡོ་ནག་པོ་ཆེན་པོའི་
D353.076.0117a05.01སེམས་ཅན་དམྱལ་བ་ནས། མེའི་ཤིང་རྟའི་དམྱལ་བའི་བར་དུའོ། །ང་དེའི་ཚེ་ན་མེའི་ཤིང་རྟའི་དམྱལ་བར་ལྷུང་ནས་གུད་ནས་གཅིག་དང་གཉིས་ཀྱིས་མེའི་ཤིང་རྟ་འདྲེན་ཏེ། དམྱལ་བའི་སྲུངས་མ་ཨ་བང་ནི་ཤིང་རྟའི་སྟེང་ན་འདུག་ཅིང་མིག་བགྲད་སོ་གཙིགས་ཏེ་མེ་འབུད་པ། ཁ་
D353.076.0117a06.01དང་། མིག་དང་། རྣ་བ་དང་། སྣ་ནས་མེ་འབར། དུད་པ་འཐུལ་ཏེ་སྲུངས་མ་དེ་ཡང་ལུས་ཤིན་ཏུ་ཆེ་ཞིང་གནག་ལ། ཤིང་རྟའི་སྟེང་ན་སྐྱིལ་མོ་ཀྲུང་བཅས་ཏེ་འདུག་ནས་ལག་པ་ན་ལྕགས་ཀྱི་དབྱུག་པ་ཐོགས་ཏེ་ང་ལ་རྡེག་གོ། །དེའི་ཚེ་ང་ན་བའི་སྡུག་བསྔལ་མ་བཟོད་ནས་
D353.076.0117a07.01