完整藏文原文 · 德格版页 当前仅加载第 76 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་བཙུན་མོ་{རི་དགས་,རི་དྭགས་}མས་རྒྱལ་པོ་ལ་འདི་སྐད་ཅེས་གསོལ་ཏོ། །རྒྱལ་པོ་ཆེན་པོ་ཡུལ་ཁམས་ཀུན་དུ་མ་མ་བཏུ་མི་དགོས་ཏེ། ད་ལྟར་རྒྱལ་པོའི་ཕོ་བྲང་ན་བཙུན་མོ་ལྔ་བརྒྱ་ཡོད་ལ། བཙུན་མོ་དེ་དག་བདག་ལ་བུ་ཡོད་པས་ཐམས་ཅད་ཕྲག་དོག་བྱེད་དོ། །ད་རྒྱལ་
D353.076.0127a01.01པོས་བཙུན་མོ་རེ་རེ་ཞིང་རྒྱལ་བུ་རེ་རེ་གསོར་བཅུག་ན་རྒྱལ་བུ་རྣམས་ཀྱང་སོས་པར་འགྱུར་རོ། །རྒྱལ་པོས་བཙུན་མོ་ལ་སྨྲས་པ། བཙུན་མོ་ལྔ་བརྒྱ་བཙུན་མོ་ལ་ཕྲག་དོག་བྱེད་པར་གྱུར་ན་གཞུ་བ་དང་། བརྡེག་པ་དང་། སྤང་བ་དང་། བསྐྲད་པ་དང་། སྲོག་ལ་དབབ་པའི་བར་དུ་
D353.076.0127a02.01བཙུན་མོའི་ཡིད་དང་མི་འགལ་བར་བདག་བྱེད་ན། ཅིའི་ཕྱིར་དགྲར་གྱུར་པ་དེ་དག་ལ་དེ་ལྟ་བུའི་ཤིན་ཏུ་བཟོད་དཀའ་བ་ཉམས་སུ་ལེན་ཅིང་། གནམ་སའི་བར་ན་དྲིན་ཆེ་བ་བདག་གི་བུ་བཙུན་མོ་རྣམས་ལ་སྦྱིན་པར་སེམས། དེའི་ཚེ་བཙུན་མོ་ལྔ་བརྒྱས་དེ་སྐད་ཅེས་སྨྲས་པ་ཐོས་ཏེ་རབ་ཏུ་
D353.076.0127a03.01དགའ་ནས་བཙུན་མོ་{རི་དགས་,རི་དྭགས་}མས་བདག་ཅག་ལ་བདེ་བ་དང་སྐྱིད་པ་རྒྱུན་དུ་བསྟབས་ལ་ད་ཡང་སྲས་བུ་བདག་ཅག་ལ་བྱིན་པས་རབ་ཏུ་དགའོ་ཞེས་སྨྲས་སོ། །དེའི་ཚེ་ན་འཁོར་བརྒྱ་སྟོང་སྙེད་ཀྱང་ཚིག་དེ་དག་ཐོས་ནས་རབ་ཏུ་དགའ་བའི་སེམས་སྐྱེས་ཏེ་བྱང་ཆུབ་ཏུ་སེམས་བསྐྱེད་པར་
D353.076.0127a04.01གྱུར་ཏོ། །དེ་ནས་རྒྱལ་པོ་ཆེན་པོས་བཙུན་མོ་ལ་ངོ་མཚར་ཆེ་སྟེ། བདག་ནི་ཁྱོད་ཙམ་མི་ཕོད་དོ་ཞེས་སྨྲས་སོ། །བཙུན་མོས་སྨྲས་པ། ཕྲག་དོག་གི་དབང་གིས་ཞེ་སྡང་སྐྱེ་སྟེ། ཉེས་པའི་གཉེན་པོར་ནི་བཟོད་པ་སྒོམ། ཁྲོ་བའི་གཉེན་པོར་ནི་བྱམས་སེམས་བསྐྱེད་དགོས་
D353.076.0127a05.01ཏེ། བདག་ནི་ཐོག་མ་ནས་ཅི་ལ་ཡང་རྩོད་པ་མ་མྱོང་སྟེ། བཙུན་མོ་རྣམས་རང་ལ་འཚེ་ཞིང་གནོད་པ་བྱེད་དུ་ཟད་དོ། །དཔེར་ན་མི་ཞིག་མཚན་མོ་སོང་སོང་བ་ཞིག་ལས་ཤིང་དུམ་ཅིག་མཐོང་བ་ལས། དགྲའམ་{ཡི་དགས་,ཡི་དྭགས་}སུ་འདུ་ཤེས་སྐྱེས་ཏེ། མོད་ལ་དངངས་སྐྲག་ནས་བྲོས་
D353.076.0127a06.01སོ། །མུན་ཁུང་དུ་བྲོས་པ་ལས་ལ་ལ་ནི་བྲག་མཐོན་པོ་ལས་གཡང་དུ་ལྷུང་། ལ་ལ་ནི་ཆུའམ། མེའམ། ཚེར་ཕུང་ངམ། ནགས་ཚལ་གྱི་ནང་དུ་ལྷུང་ནས་ལུས་རྨས་ཤིང་ཞིག་པར་གྱུར་ཏེ། དེ་ལྟར་འདུ་ཤེས་ལོག་པའི་རྐྱེན་གྱིས་དེ་ལྟ་བུའི་གནོད་པ་དང་ཕྲད་དོ། །དེ་
D353.076.0127a07.01