完整藏文原文 · 德格版页 当前仅加载第 76 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
ཟད་བསྟིར་ནི་དགྲས་སླེབས་ན་སྲོག་གི་བར་ཆད་ངེས་པར་འབྱུང་། ལམ་དུ་ཞུགས་ནས་འགྲོར་ནི་བཀྲེས་པ་དང་སྐོམ་པས་ཉེན་ནས། སྲོག་ལ་བབ་ཏུ་ཆའོ། །རྒྱལ་པོ་དང་བཙུན་མོ་དེ་ལྟ་བུའི་སྡུག་བསྔལ་གྱིས་ཉེན་ཏེ་སྐད་ཕྱུང་སྟེ་ངུས་པ་དང་ས་ལ་འགྱེལ་ནས་བརྒྱལ་བར་གྱུར་ཏོ། །
D353.076.0099b01.01དེ་ནས་རིང་ཞིག་ལོན་པ་དང་སངས་ནས་འདི་སྙམ་དུ་གསུམ་ཆར་ལྷན་ཅིག་ཏུ་འདི་ཁོ་ནར་འཆི་བར་འགྱུར་གྱིས། བཙུན་མོ་བསད་ལ་བདག་དང་བུའི་སྲོག་ཐར་བར་བྱའོ་སྙམ་བསམས་ནས་རལ་གྲི་ཕྱུང་སྟེ་བཙུན་མོ་བསད་པར་བཤམས་པ་དང་། རྒྱལ་བུ་དགེ་དོན་གྱིས་རྒྱལ་པོའི་
D353.076.0099b02.01ལག་པ་ནས་བཟུང་སྟེ། ད་ལྟར་ཅི་ཞིག་མཛད་དགོངས་ཞེས་གསོལ་ཏོ། །ཡབ་རྒྱལ་པོས་མིག་ནས་མཆི་མས་གང་བཞིན་དུ་རྒྱལ་བུ་ལ་འདི་སྐད་ཅེས་སྨྲས་སོ། །ཁྱོད་ཀྱི་མ་བཙུན་མོ་དམ་པ་བསད་ལ་ཁྱོད་ཀྱི་སྲོག་གསོ་སྙམ་མོ། །གལ་ཏེ་མ་བསད་ཀྱང་། རང་འཆི་བར་འགྱུར་
D353.076.0099b03.01ཏེ། ཁོ་བོ་ནི་འཆི་འམ་གསོན་ཡང་རུང་ན་བུ་ཁྱོད་ཀྱི་སྲོག་གསོ་བའི་ཕྱིར་ཁྱོད་ཀྱི་མ་བཙུན་མོ་བསད་སྙམ་མོ། །དེ་ནས་རྒྱལ་བུ་དགེ་དོན་གྱིས་ཡབ་རྒྱལ་པོ་ལ་འདི་སྐད་ཅེས་གསོལ་ཏོ། །གལ་ཏེ་བཙུན་མོ་བསད་པར་གྱུར་ན་དེའི་ཤ་ལ་བདག་མི་འཚལ་ཏེ། གང་ན་ཡང་མའི་ཤ་
D353.076.0099b04.01ལ་བུ་ཟ་བ་མི་སྲིད་པས་བདག་ཀྱང་འཆི་བར་འགྱུར་ན་ཡབ་རྒྱལ་པོ་ཅིའི་སླད་དུ་བདག་བཀུམ་སྟེ། ཕ་མའི་སྲོག་ཐར་བར་མི་མཛད། ཡབ་རྒྱལ་པོས་དེ་སྐད་ཅེས་སྨྲས་པ་ཐོས་ནས་མོད་ལ་འཁམས་ཏེ་འགྱེལ་ནས་ས་ལ་འགྲེ་ཞིང་རྒྱལ་བུ་ལ་འདི་སྐད་ཅེས་སྨྲས་སོ། །ཁྱོད་ཁོ་བོའི་མིག་
D353.076.0099b05.01དང་འདྲ་ན་སུ་ཞིག་རང་གི་མིག་ཕྱུང་སྟེ་ཟ་བར་བྱེད། ཁོ་བོ་ནི་ཤིའང་བླ་བས་བུ་མི་གསོད་དོ། །བུ་བསད་དེ་ཤ་ཟ་མི་ནུས་སོ། །དེ་ནས་རྒྱལ་བུ་དགེ་དོན་གྱིས་ཡང་ཡབ་རྒྱལ་པོ་ལ་འདི་སྐད་ཅེས་གསོལ་ཏོ། །གལ་ཏེ་ཡབ་ཡུམ་གྱིས་བདག་བཀུམ་ན་ཤ་ཁྲག་ཀྱང་རིང་པོ་མི་ཐོགས་
D353.076.0099b06.01པར་རུལ་སུངས་ནས་དགོས་པ་མ་མཆིས་པར་འགྱུར་ཏེ། བདག་གིས་གསོལ་བ་གཅིག་ཅིག་མ་གནང་ན་བྱམས་པའི་ཡབ་ཡུམ་མ་ལགས་པས་བདག་གི་ཡིད་དང་མི་འགལ་བར་མཛད་དུ་གསོལ། དེ་ནས་ཡབ་རྒྱལ་པོས་སྲས་རྒྱལ་བུ་ལ་ཁྱོད་ཀྱི་ཡིད་དང་མི་འགལ་བར་བྱ་བས་ཅི་གསོལ་
D353.076.0099b07.01