完整藏文原文 · 德格版页 当前仅加载第 76 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
མི་དགོས་པའི་ཕྱིར་ལྡོག་པ་མེད་ཀྱི། སོ་སོ་ནས་དགོས་པ་ཡོད་དེ་གཅིག་ཏུ་མ་ངེས་པས་སངས་རྒྱས་ཀྱི་དགོངས་པ་བསམ་གྱིས་མི་ཁྱབ་པ་ཞེས་བྱའོ། །གསོལ་པ། ཉན་ཐོས་ལ་ཅིའི་སླད་དུ་འབྲས་བུ་གསུམ་ནི་ཕྱིར་ལྡོག་ལ། འབྲས་བུ་ཐ་མ་ཕྱིར་མི་ལྡོག་པ་
D353.076.0166a01.01ལགས། བཀའ་སྩལ་པ། འབྲས་བུ་གསུམ་ནི་སྔོན་ཡང་ཐོབ་པས་ན་ཕྱིར་ལྡོག་གོ། །འབྲས་བུ་ཐ་མ་ནི་ད་དུང་མ་ཐོབ་པས་ན་ཕྱིར་མི་ལྡོག་གོ། །དཔེར་ན་གང་ཟག་བཀྲེན་པ་ཞིག་ཁ་ཟས་ཞིམ་པོ་དང་ཕྲད་ན་ཡུན་རིང་པོར་མི་བརྗེད་པ་ལྟར་དོན་འདི་ཡང་དེ་དང་འདྲའོ། །གཞན་ཡང་འབྲས་
D353.076.0166a02.01བུ་ཐ་མ་ནི་བཟོད་པ་ཐོགས་པ་མེད་པའི་ལམ་དུ་འགྱུར་ལ་ཡེ་ཤེས་རྣམ་པར་གྲོལ་བའི་ལམ་དུ་འགྱུར་རོ། །འབྲས་བུ་གསུམ་ནི་ཡེ་ཤེས་ཐོགས་པ་མེད་པའི་ལམ་དུ་མ་གྱུར་ལ་ཡེ་ཤེས་རྣམ་པར་གྲོལ་བའི་ལམ་དུ་མ་གྱུར་པའི་ཕྱིར་ཕྱིར་ལྡོག་གོ། །གཞན་ཡང་བདེན་པ་མཐོང་བའི་ལམ་ནི་ཕྱིར་
D353.076.0166a03.01མི་ལྡོག་གི །བསམ་པའི་ལམ་ནི་ཕྱིར་ལྡོག་སྟེ། དག་པ་དང་མ་དག་པའི་འདུ་ཤེས་ཀྱིས་ཉོན་མོངས་པའི་མདུད་པ་གཅད་པའི་ཕྱིར་རོ། །སེམས་པ་ལ་ནི་ཀུན་ནས་ཉོན་མོངས་པ་ཡོད་ཀྱི། བདེན་པ་མཐོང་བ་ལ་ཀུན་ནས་ཉོན་མོངས་པ་མེད་དེ། བདེན་པ་མཐོང་བས་ཀུན་ནས་ཉོན་མོངས་
D353.076.0166a04.01པ་མེད་ཅིང་བདེན་པ་མཐོང་བས། ཀུན་ནས་ཉོན་མོངས་པ་ཡང་མཐོང་ལ་དོན་མཐོང་བས་དོན་ཟབ་མོ་སེམས་པ་ཡང་སྐྱེ་སྟེ། ཀུན་ནས་ཉོན་མོངས་པ་ཕྱིར་མི་ལྡོག་གོ། །གཞན་ཡང་བདེན་པ་མཐོང་བའི་ཡེ་ཤེས་ཀྱི་སྟོབས་ཆེ་བ་ནི་དཔེར་ན་སྡོང་པོ་ཆེན་པོས་རྫས་མནན་པ་དང་འདྲ་སྟེ།
D353.076.0166a05.01སེམས་ཤིང་ཡིད་ལ་བྱེད་པའི་ཤེས་རབ་ཞན་པས་ཕྱིར་ལྡོག་པ་ཡོད་དོ། །གཞན་ཡང་བདེན་པ་མཐོང་བར་འདོད་པའི་ཁམས་ཀྱི་བཟོད་པ་དང་། ཤེས་རབ་ཀྱི་སེམས་གཉིས་ཀྱིས་ནི་དགུ་པའི་ཀུན་ནས་ཉོན་མོངས་པའི་མདུད་པ་གཅོད་དོ། །ཁམས་གོང་མའི་བཟོད་པ་དང་ཤེས་རབ་
D353.076.0166a06.01ཀྱི་སེམས་གཉིས་ཀྱིས་ནི་ཀུན་ནས་ཉོན་མོངས་པ་བདུན་ཅུ་རྩ་གཉིས་གཅོད་དོ། །གཟུགས་མེད་པའི་ཁམས་ཀྱི་མཐར་ཕྱིན་པས་ཕྱིར་ལྡོག་པ་མེད་དོ། །དོན་དེ་ལྟ་བས་ན་དེ་འབའ་ཞིག་ལ་བཅོམ་ལྡན་འདས་ཞེས་བྱའོ། །གཞན་ཡང་སངས་རྒྱས་ལ་ནི་བག་ཆགས་ཀྱི་རྣམ་
D353.076.0166a07.01