完整藏文原文 · 德格版页 当前仅加载第 76 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལ་བློན་པོ་ནག་པོ་སྒྲ་གཅན་ཞེས་བྱ་བ་ཞིག་ཡོད་དོ། །བློན་པོ་སྒྲ་གཅན་རྒྱལ་པོ་ལ་འཁུས་ནས་དམག་རྣམ་བཞི་བཤམས་པ་ལ་འདི་ལྟ་སྟེ། བལ་གླང་གི་ཚོགས་དང་། ཤིང་རྟའི་ཚོགས་དང་། རྟའི་ཚོགས་དང་། དཔུང་བུ་ཆུང་གི་ཚོགས་བཤམས་
D353.076.0098a01.01ནས་བཱ་རཱ་ཎ་སཱིའི་རྒྱལ་པོ་ལ་བརྒལ་ནས་རྒྱལ་པོའི་སྲོག་བཅད་དོ། །དེ་ལྟར་རྒྱལ་པོ་བསད་ནས་ཀྱང་དམག་གི་ཚོགས་རྣམ་པ་བཞི་བཀྱེ་ནས་མཐའི་རྒྱལ་ཕྲན་རྒྱལ་བུ་རབ་ཀྱང་བསད་དོ། །དེ་ནས་རྒྱལ་བུ་འབྲིང་པོ་ཡང་ཕབ་ནས་མཐའི་རྒྱལ་ཕྲན་རྒྱལ་བུ་ཐ་{ཆུངས་ཀྱི་,ཆུང་གི་}ཐོག་ཏུ་དམག་དྲང་བར་
D353.076.0098a02.01བཤམས་སོ། །རྒྱལ་བུ་ཐ་{ཆུངས་,ཆུང་}དེ་ངོ་མཚར་དུ་གཟུགས་བྱད་བཟང་ལ། འཕགས་པར་མཛེས་ཤིང་རང་བཞིན་གྱིས་དགེ་བ། དུལ་བ། འཛུམ་ཞིང་སྨྲ་བ་སྨྲའོ་ཅོག་ཀྱང་ཕན་པའི་དོན་དུ་སྨྲ་ཞིང་འགྱུར་གྱི་གནོད་པ་མེད་པ། རྟག་ཏུ་དྲང་པོའི་ཆོས་ཀྱིས་ཡུལ་གྱི་སྲིད་འཛིན་ཏེ།
D353.076.0098a03.01ལོག་པས་མི་འཚོ་བས་ཡུལ་གྱི་མི་རྣམས་ཀྱང་བདེ་སྐྱིད་ལ་དར་བ། ལོངས་སྤྱོད་དང་ནོར་རིན་པོ་ཆེར་ལྡན་པ། བང་མཛོད་གང་བ། རྒྱལ་པོ་དེའི་ཡོན་ཏན་ལ་ཀུན་གྱིས་བསྔགས་ཤིང་བསྟོད་པ། བར་སྣང་གི་ལྷ་དང་། འཇིག་རྟེན་གྱི་ལྷ་ཐམས་ཅད་ཀྱིས་ཀྱང་དགའ་
D353.076.0098a04.01ཞིང་བཀུར་བ། དེའི་ཚེ་ན་རྒྱལ་པོ་དེ་ལ་རྒྱལ་བུ་སུ་ཤ་དེ་བ་ཞེས་བྱ་བ་གཅིག་པུ་ཞིག་ཡོད་དེ། ཤིན་ཏུ་ཡིད་གཞུངས་ཤིང་གསལ་བ། བྱམས་པའི་སེམས་དང་ལྡན་པ། སྦྱིན་པ་ལ་དགའ་བ། ལུས་ཀྱི་མདོག་གསེར་དུ་འདུག་པ། གནས་བདུན་མཉམ་པར་
D353.076.0098a05.01གང་བ། སྐྱེས་བུའི་མཚན་རྫོགས་པར་ལྡན་པ། ལོ་བདུན་ལོན་པ་ཞིག་ཡོད་པ་དེ་ལ། ཡབ་རྒྱལ་པོ་ཡང་ཤིན་ཏུ་བྱམས་ཤིང་སྡུག་པར་སེམས་སོ། །དེའི་ཚེ་ན་ཕོ་བྲང་སྲུང་བའི་ལྷ་ཞིག་རྒྱལ་པོ་དེ་ལ་འདི་སྐད་ཅེས་སྨྲས་སོ། །རྒྱལ་པོ་མཁྱེན་ཏམ། བློན་པོ་
D353.076.0098a06.01སྒྲ་གཅན་འཁུས་ནས་ཡུལ་སྲིད་ཕྲོགས་ཏེ་རྒྱལ་པོ་ཡབ་ཀྱང་བཀྲོངས། དམག་གི་ཚོགས་བཞི་ཡང་བཀྱེ་ནས། རྒྱལ་པོ་གཅེན་གཉིས་ཀྱང་སྲོག་གི་དབང་པོ་དང་ཕྲལ་ཏེ། དམག་གི་ཚོགས་རྣམས་རིང་པོ་མི་ཐོགས་པར་འདིར་ཕྱིན་ན་རྒྱལ་པོ་ཅིའི་ཕྱིར་སྲོག་བསྐྱབས་ཤིང་
D353.076.0098a07.01