完整藏文原文 · 德格版页 当前仅加载第 76 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་འདི་ལ་གནོད་པ་བྱས་ཏེ་སྲོག་གི་དབང་པོ་དང་ཕྲལ་ནས་སངས་རྒྱས་རྣམས་ཀྱི་འཕགས་པའི་རྒྱལ་མཚན་མ་རུངས་པར་བྱས་པ་ཡིན་ནོ་སྙམ་བསམས་ནས་ཅང་མ་བྱས་པར་བསྡད་པ་ལས། རིང་པོ་མ་ལོན་པར་དུག་ལངས་ནས་ལྷག་པར་སྡུག་བསྔལ་མི་བཟོད་པར་གྱུར་ཏེ། ཡང་
D353.076.0187b01.01འདི་སྙམ་དུ་བཟའ་ཞིང་བཅའ་བའམ། སྙམ་བསམས་པ་ལས་འདི་ནི་དཀའ་བ་མ་ཡིན་ན། གལ་ཏེ་བདག་གིས་འདི་ལ་གནོད་པ་བྱས་ན་སངས་རྒྱས་རྣམས་དང་འཕགས་པ་རྣམས་ཀྱིས་སྨོད་པར་འགྱུར་ཏེ། འཇིག་རྟེན་ན་དགེ་བ་བྱེད་པ་དང་། སྡིག་པ་བྱེད་པ་ཡང་བྱེ་
D353.076.0187b02.01བྲག་མེད་དེ། འདི་ནི་སྡིག་པ་ཅན་ཡིན་ཏེ་བདག་གསོད་དུ་འོངས་པས་གལ་ཏེ་བདག་གིས་དེ་ལ་བཟོད་པ་མ་བྱས་ན་ནི་སྡིག་པ་ཅན་དེ་དང་ཐ་དད་པ་ཡང་མེད་དེ། གང་ཡང་བཟོད་པ་སྒོམ་པ་དེ་ལ་ཐམས་ཅད་བྱམས་པར་འགྱུར་རོ། །གང་མི་བཟོད་པ་དེ་ལ་ནི་ཐམས་ཅད་སྡང་བར་
D353.076.0187b03.01འགྱུར་བས་དེ་ལ་ཉོན་མོངས་པ་སྐྱེ་བར་འགྱུར་ཏེ། ཉོན་མོངས་པ་སྐྱེས་པར་གྱུར་ན་སྐྱེ་ཤིའི་འཁོར་བར་འགྱུར་རོ། །སྐྱེ་ཤིར་འཁོར་བ་ན་མི་ཁོམ་པའི་གནས་སུ་སྐྱེ་བར་འགྱུར། མི་ཁོམ་པའི་གནས་སུ་སྐྱེས་ན་དགེ་བའི་བཤེས་གཉེན་དང་འབྲལ་བར་འགྱུར། དགེ་བའི་
D353.076.0187b04.01བཤེས་གཉེན་དང་བྲལ་ན་དམ་པའི་ཆོས་མི་ཐོས་པར་འགྱུར། དམ་པའི་ཆོས་མ་ཐོས་ན་ཐེ་ཙོམ་གྱི་དྲ་བས་གླགས་པར་འགྱུར། ཐེ་ཙོམ་གྱི་དྲ་བས་གླགས་པར་གྱུར་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་བྲལ་བར་འགྱུར་ཏེ། དེ་བས་ན་བདག་ནི་སྡིག་པའི་སེམས་མི་
D353.076.0187b05.01བསྐྱེད་དོ་སྙམ་བསམས་ནས་ཚིགས་སུ་བཅད་པ་འདི་སྐད་ཅེས་སྨྲས་སོ། །བདག་གི་ལུས་སྲོག་ཡལ་བླ་ཡི། །མི་དགེ་སྡིག་པའི་སེམས་མི་བསྐྱེད། །བདག་ནི་སྲོག་དང་བྲལ་ཡང་རུང་། །ངུར་སྨྲིག་གྱོན་ལ་གནོད་མི་བྱ། །རབ་ཏུ་བྱུང་བའི་མི་དག་ལ། །ནམ་
D353.076.0187b06.01དུའང་ངན་སེམས་མི་སྐྱེད་དོ། །ཚིགས་སུ་བཅད་པ་འདི་དག་སྨྲས་ནས་ཚེའི་དུས་བྱས་པར་གྱུར་ཏེ། གནམ་ས་ཡང་ལན་དྲུག་ཏུ་གཡོས་སོ། །གཅན་གཟན་དང་{རི་དགས་,རི་དྭགས་}ཀྱང་སྐྲག་ནས་ཕྱོགས་བཞིར་བྲོས་སོ། །སྤྲིན་མེད་པར་ཆར་པ་བབ་ནས་ཉི་མ་ཡང་འོད་མི་སྣང་བར་གྱུར་
D353.076.0187b07.01