完整藏文原文 · 德格版页 当前仅加载第 76 函德格 165b 版页；藏文 NFD、目录标记与异常页序保留在来源切片中，重复版页行以稳定序号区分。
ཐེག་པ་གསུམ་ལ་ཕྱོགས་པའི་གང་ཟག་འབྲས་བུ་མ་ཐོབ་པར་ཕྱིར་ལྡོག་པ་དང་། དགེ་སློང་རྣལ་འབྱོར་ཅན་ལེ་ལོ་བྱེད་པ་དང་། བརྩོན་འགྲུས་མེད་པ་དང་། རྣལ་འབྱོར་སྤྱོད་པ་ལ་ཉམས་ཏེ་མི་བརྩོན་པ་འདི་གསུམ་ནི་འབྲས་བུ་མ་ཡིན་པའི་ཕྱིར་ལྡོག་པ་ཞེས་བྱའོ། །སྤྱོད་པའི་
D353.076.0165b01.01ལས་ཕྱིར་ལྡོག་ཅེས་བྱ་བ་ནི་ཅི་ཙམ་དུ་ཐོབ་པར་བྱ་བའི་ཆོས་མངོན་སུམ་དུ་ལས་སུ་མི་རུང་བའོ། །དཔེར་ན་སངས་རྒྱས་ཀྱི་སྟོབས་བཅུ་དང་། ཐེག་པ་ཆུང་ངུའི་ཡེ་ཤེས་བཅུ་ལྟ་བུ་གཅིག་ལ་ལས་སུ་བྱས་ཀྱི་ལྷག་མ་གཞན་མི་དགོས་པའམ། མདོ་སྡེའི་ཚིགས་སུ་བཅད་པ་འབུམ་
D353.076.0165b02.01ཁ་ཏོན་དུ་ཤེས་པ་ལས་གལ་ཏེ་ཁ་ཏོན་དུ་མ་བྱས་པའི་དུས་ན་དེ་ཀུན་ལ་སྤྱོད་པའི་ལས་ཕྱིར་ལྡོག་པ་ཞེས་བྱའོ། །ཐེག་པ་ཆུང་ངུ་ལ་ཡང་འབྲས་བུ་ཕྱིར་མི་ལྡོག་པ་ཡོད། ཐེག་པ་བར་མ་ལ་ཡང་འབྲས་བུ་མ་ཡིན་པའི་ཕྱིར་ལྡོག་པ་ཡོད་ཀྱི། སངས་རྒྱས་ལ་ནི་འབྲས་བུ་མ་ཡིན་པའི་
D353.076.0165b03.01ཕྱིར་ལྡོག་པ་མེད་དོ། །དེ་ཡང་ཆོས་ཐམས་ཅད་ལ་བརྩོན་འགྲུས་མ་བྱས་པ་མེད་པའི་ཕྱིར་རོ། །ཐེག་པ་གཉིས་ལ་ནི་སྤྱོད་པ་ལས་ཕྱིར་ལྡོག་པ་ཡོད་ཀྱི། སངས་རྒྱས་ལ་ནི་གཅིག་ཏུ་མ་ངེས་ཏེ། སྟོབས་བཅུ་ལས་གཅིག་ལས་སུ་བྱས་པས་ཆོག་གི་དགུ་ལས་སུ་བྱ་མི་དགོས་པས་ལྡོག་པ་
D353.076.0165b04.01ཞེས་བྱའོ། །ཡང་གཞན་དུ་ན་ལས་སུ་བྱ་བ་ལ། མི་དགོས་པའི་ཕྱིར་ལྡོག་པ་མེད་དེ། དཔེར་ན་མདོ་སྡེའི་ཚིགས་སུ་བཅད་པ་ཁྲི་ཕྲག་ཉི་ཤུ་ཁ་ཏོན་དུ་འདོན་ཤེས་ན་གང་ཟག་ནི་མཐུ་ཞེན་པས་ཉིན་ཞག་གཅིག་གམ། ཉིན་ཞག་གཉིས་ཀྱི་བར་དུ་རྫོགས་པར་འདོན་ནུས་ཀྱི། སངས་
D353.076.0165b05.01རྒྱས་ནི་སྐད་ཅིག་ཙམ་གྱིས་རྫོགས་པས་སྟོབས་བཅུ་ཡང་དེ་དང་འདྲ་སྟེ། ལས་སུ་བྱ་དགོས་ན་སྐད་ཅིག་ཙམ་གྱིས་མཛད་པ་ཚད་མེད་པས་ལས་སུ་བྱ་བ་ལ་མི་དགོས་པའི་ཕྱིར་ལྡོག་པ་མེད་དོ། །གཞན་ཡང་སངས་རྒྱས་ལ་ལས་སུ་བྱ་བ་ལ་མི་དགོས་པའི་ཕྱིར་ལྡོག་པ་མེད་དེ། དཔེར་
D353.076.0165b06.01ན་ན་བཟའ་སྨད་གཡོགས་གསོལ་བའི་ཚེ་སོ་སོའི་སྐྱེ་བོའི་ཆོས་ལྟ་བུར་གཞུང་མེད་པར་གསོལ་བ་ནི་མ་ཡིན་ཏེ། དེ་ཡང་སེམས་ཅན་མང་པོ་ལ་ཕན་པའི་དོན་དུ་ཕྲིན་ལས་ཅི་མཛད་ཀྱང་ཕན་པ་ཡོད་ན་ལས་དེ་མཛད་ཀྱི། ཕན་པ་མེད་ན་ལས་དེ་མི་མཛད་དོ། །དེ་ལྟར་ལས་སུ་བྱ་བ་ལ་
D353.076.0165b07.01