完整藏文原文 · 德格版页 当前仅加载第 50 函德格 283a 版页；藏文 NFD、目录标记与异常页序保留在来源切片中，重复版页行以稳定序号区分。
ད་ལྟར་ཤར་ཕྱོགས་ལོགས་ན་སངས་རྒྱས་བཅོམ་ལྡན་འདས་དཔག་ཏུ་མེད་གྲངས་མེད་པ་དག་ཆོས་དང་ལྡན་པའི་ཆོས་ཀྱི་འཁོར་ལོ་བསྐོར་ནས་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་པ་དག་གཟིགས་པ་གང་ཡིན་པ་དེ་དག་ཀྱང་ངས་དང་པོ་བླ་ན་མེད་པ་ཡང་དག་པར་
D112.050.0283a01.01རྫོགས་པའི་བྱང་ཆུབ་ཡང་དག་པར་འཛིན་དུ་བཅུག་ཅིང་བཙུད་དེ་རབ་ཏུ་བཀོད་དོ། །ཕ་རོལ་ཏུ་ཕྱིན་པ་དྲུག་པོ་དག་གི་བར་ལ་ཡང་དེ་བཞིན་དུ་བརྗོད་པར་བྱའོ། །དེ་བཞིན་དུ་ལྷོ་དང་། ནུབ་དང་། བྱང་དང་། འོག་དང་། སྟེང་གི་ཕྱོགས་རྣམས་སུ་ཡང་བརྗོད་པར་བྱའོ། །རིགས་ཀྱི་བུ་
D112.050.0283a02.01ངས་སངས་རྒྱས་ཀྱི་ཞིང་འདི་ནས་ཤར་ཕྱོགས་ལོགས་སུ་སངས་རྒྱས་ཀྱི་ཞིང་ས་ཡ་ཕྲག་དགུ་དང་ཆིག་འབུམ་འདས་པ་ན་འཇིག་རྟེན་གྱི་ཁམས་མེ་ཏོག་ཀུན་དུ་རྒྱས་པ་ཞེས་བྱ་བ་ན་དེ་བཞིན་གཤེགས་པ་དྲི་མེད་གཟི་བརྗིད་ཡོན་ཏན་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་
D112.050.0283a03.01ཀྱང་སྟོན་པ་གཟིགས་ཏེ། བཅོམ་ལྡན་འདས་དེ་ཡང་ངས་དང་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། ཡང་དག་པར་འཛིན་དུ་བཅུག་ཅིང་བཞག་སྟེ་རབ་ཏུ་གནས་པར་བྱས་སོ། །ངས་དང་པོ་སྦྱིན་པའི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་
D112.050.0283a04.01ཏུ་ཕྱིན་པའི་བར་དག་ཀྱང་ཡང་དག་པར་འཛིན་དུ་བཅུག་ཅིང་བཞག་སྟེ་རབ་ཏུ་གནས་པར་བྱས་སོ། །དེ་བཞིན་དུ་སྦྱར་ཏེ་ཤར་ཕྱོགས་ལོགས་ན་སངས་རྒྱས་ཀྱི་ཞིང་མངོན་པར་དགའ་བ་ཞེས་བྱ་བ་ན་དེ་བཞིན་གཤེགས་པ་མི་འཁྲུགས་པ་ཞེས་བྱ་བ་དང་། སངས་རྒྱས་ཀྱི་ཞིང་འཛམ་བུའི་
D112.050.0283a05.01ཆུ་ཀླུང་ཞེས་བྱ་བ་ན། དེ་བཞིན་གཤེགས་པ་ཉི་མའི་སྙིང་པོ་ཞེས་བྱ་བ་དང་། སངས་རྒྱས་ཀྱི་ཞིང་དགའ་བའི་དབང་ཕྱུག་ཅེས་བྱ་བ་ན་དེ་བཞིན་གཤེགས་པ་དགའ་བའི་དབང་ཕྱུག་སྒྲ་དབྱངས་འོད་ཟེར་ཞེས་བྱ་བ་དང་། སངས་རྒྱས་ཀྱི་ཞིང་ཉི་མ་གནས་པ་ཞེས་བྱ་བ་ན་དེ་བཞིན་
D112.050.0283a06.01གཤེགས་པ་ཡེ་ཤེས་ཉི་མ་ཞེས་བྱ་བ་དང་། སངས་རྒྱས་ཀྱི་ཞིང་རྒྱལ་བའི་གནས་རབ་ཅེས་བྱ་བ་ན་དེ་བཞིན་གཤེགས་པ་འབྲུག་སྒྲ་བསྒྲགས་པ་ཞེས་བྱ་བ་དང་། སངས་རྒྱས་ཀྱི་ཞིང་ཡང་དག་འཚོ་ཞེས་བྱ་བ་ན་དེ་བཞིན་གཤེགས་པ་རྡོ་རྗེ་གྲགས་པ་ཞེས་བྱ་བ་དང་། སངས་རྒྱས་
D112.050.0283a07.01