完整藏文原文 · 德格版页 当前仅加载第 50 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
པར་སངས་རྒྱས་ཏེ། དེ་བཞིན་གཤེགས་པ་རིན་པོ་ཆེའི་སྙིང་པོ་ཞེས་བྱ་བར་གྱུར་ནས་བཅོམ་ལྡན་འདས་དེས་ཆོས་ཀྱི་འཁོར་ལོ་བསྐོར་ཏེ་སྲོག་ཆགས་བྱེ་བ་ཁྲག་ཁྲིག་འབུམ་ཕྲག་མང་པོ་དག་མཐོ་རིས་དང་ཐར་པའི་འབྲས་བུ་ལ་རབ་ཏུ་བཀོད་པར་གྱུར་ཏོ། །དེ་དུས་གཞན་ཞིག་ན་ཉན་ཐོས་
D112.050.0148b01.01བྱེ་བ་ཁྲག་ཁྲིག་འབུམ་ཕྲག་མང་པོ་དག་གིས་ཡོངས་སུ་བསྐོར་ཅིང་མདུན་དུ་བདར་ནས་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་རྣམས་སུ་རྒྱུ་ཞིང་གཤེགས་ཏེ། རིམ་གྱིས་གང་ན་འཁོར་ལོས་སྒྱུར་བའི་རྒྱལ་པོ་དེ་
D112.050.0148b02.01གནས་པའི་གྲོང་ཁྱེར་གཞན་ཞིག་ཏུ་གཤེགས་སོ། །དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་སྙིང་པོ་གྲོང་ཁྱེར་གྱི་ཕྱི་རོལ་ནས་ཧ་ཅང་ཡང་མི་རིང་བ་ན་འཛམ་བུའི་ཚལ་ཞེས་བྱ་བའི་སྐྱེད་མོས་ཚལ་ཞིག་ཡོད་པ་ན་ཉན་ཐོས་བྱེ་བ་ཁྲག་ཁྲིག་འབུམ་
D112.050.0148b03.01ཕྲག་དུ་མ་དང་ཐབས་ཅིག་ཏུ་བཞུགས་སོ། །རྒྱལ་པོ་རྩིབས་ཀྱི་མུ་ཁྱུད་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་སྙིང་པོ་བདག་གི་ཡུལ་དུ་གཤེགས་ནས། འཛམ་བུའི་ཚལ་གྱི་སྐྱེད་མོས་ཚལ་ན་ཉན་ཐོས་བྱེ་བ་ཁྲག་ཁྲིག་འབུམ་ཕྲག་
D112.050.0148b04.01དུ་མ་དང་ཐབས་ཅིག་ཏུ་བཞུགས་སོ་ཞེས་ཐོས་ནས་འདི་སྙམ་དུ་སེམས་ཏེ། བདག་སོང་ལ་ཕྱིན་ནས་ཀྱང་དེ་བཞིན་གཤེགས་པ་དེ་ལ་བསྟི་སྟང་དུ་བྱ། བླ་མར་བྱ། རི་མོར་བྱ། མཆོད་པར་བྱ་གོར་མ་ཆག་སྙམ་མོ། །དེ་ནས་རྒྱལ་པོ་རྩིབས་ཀྱི་མུ་ཁྱུད་རྒྱལ་པོའི་འབྱོར་པ་ཆེན་པོ་དང་།
D112.050.0148b05.01རྒྱལ་པོའི་མཐུ་ཆེན་པོས་སྲོག་ཆགས་བྱེ་བ་ཁྲག་ཁྲིག་འབུམ་ཕྲག་དུ་མས་ཡོངས་སུ་བསྐོར་ཅིང་མདུན་དུ་བདར་ཏེ། གྲོང་ཁྱེར་ནས་བྱུང་ཞིང་འཛམ་བུའི་ཚལ་གྱི་སྐྱེད་མོས་ཚལ་ག་ལ་བ་དེར་སོང་ནས་བཞོན་པས་བགྲོད་པའི་ས་ཇི་སྲིད་པ་དེ་སྲིད་དུ་བཞོན་པས་སོང་སྟེ་ཕྱིན་པ་དང་། རྐང་པས་ཀུན་
D112.050.0148b06.01དགའི་ར་བར་ཞུགས་ནས། དེ་བཞིན་གཤེགས་པ་རིན་པོ་ཆེའི་སྙིང་པོ་ག་ལ་བ་དེར་སོང་སྟེ་ཕྱིན་པ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་སྙིང་པོའི་ཞབས་ལ་མགོ་བོས་ཕྱག་འཚལ་ཏེ་ལན་གསུམ་དུ་བསྐོར་བ་བྱས་ནས་
D112.050.0148b07.01