完整藏文原文 · 德格版页 当前仅加载第 50 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་། དེ་ནས་ཤི་འཕོས་ནས་ཀྱང་གཞན་དུ་སྐྱེ་བར་མི་འགྱུར་བ་ཞིག་ཡོད་ན། བྲམ་ཟེ་མེ་ཏོག་གི་ཤིང་དེ་ཇི་ལྟ་བར་ཐེག་པ་ཆེན་པོའི་འདུས་པ་འདི་ཡང་དེ་བཞིན་དུ་བལྟ་བར་བྱའོ། །ཇི་ལྟར་ཉི་མ་འཆར་བ་ཉེ་བར་གནས་པའི་དུས་ན་མེ་ཏོག་དེ་དག་ཁ་
D112.050.0251a01.01ཕྱེ་ཞིང་རབ་ཏུ་རྒྱས་པར་གྱུར་ནས་ལྷང་ངེ་ལྷན་ནེ། ཤིང་ཁ་ཅིག་གི་འཕང་དུ་ནི་དཔག་ཚད་བརྒྱ། ཁ་ཅིག་གི་འཕང་དུ་ནི་དཔག་ཚད་སྟོང་གི་བར་དུ་གྱུར་ནས་སེམས་ཅན་མང་པོ་དེ་དག་གི་ནད་སྣ་ཚོགས་རབ་ཏུ་ཞི་བར་བྱེད་པ་དེ་ལྟར་ནི་འཇིག་རྟེན་དུ་སངས་རྒྱས་ཉི་མ་དེ་བཞིན་གཤེགས་
D112.050.0251a02.01པ་སྐྱེས་བུ་དམ་པ་བྱུང་བ་ཡིན་ནོ། །ཇི་ལྟར་ཉི་མ་ཤར་བའི་འོད་ཟེར་དག་གིས་མེ་ཏོག་དེ་དག་ཁ་ཕྱེ་ཞིང་ལམ་མེ་ལྷང་ངེ་ལྷན་ནེར་གྱུར་ནས། ནད་སྣ་ཚོགས་ཀྱིས་ཉེན་པའི་སེམས་ཅན་རྣམས་ཀྱི་ནད་ཉེ་བར་ཞི་བར་འགྱུར་བ་དེ་ལྟར་ནི་སྐྱེས་བུ་དམ་པ་ང་འཇིག་རྟེན་དུ་བྱུང་སྟེ། ཐུགས་རྗེའི་
D112.050.0251a03.01འོད་ཟེར་དག་གིས། སེམས་ཅན་རྣམས་ལ་ཁྱབ་པར་མཛད་ཅིང་ཁ་ཕྱེ་ནས་ཡང་དང་ཡང་དུ་སེམས་ཅན་རྣམས་ཀྱིས་བསོད་ནམས་བྱ་བའི་དངོས་པོ་གསུམ་པོ་དག་ལ་མངོན་པར་སྦྱོར་བར་མཛད་པ་དང་། ཁྱོད་ཀྱིས་ཀྱང་སེམས་ཅན་ཚད་མེད་གྲངས་མེད་པ་དག་བླ་ན་མེད་པ་ཡང་དག་
D112.050.0251a04.01པར་རྫོགས་པའི་བྱང་ཆུབ་ཡང་དག་པར་འཛིན་དུ་བཅུག་ཅིང་བཙུད་དེ་རབ་ཏུ་བཀོད་ནས་ང་ལ་ཕུལ་བ་དེ་དག་ཐམས་ཅད་ཀྱིས་ངའི་དྲུང་དུ་སངས་རྒྱས་ཀྱི་ཞིང་དག་ཡོངས་སུ་བཟུང་སྟེ། ཁ་ཅིག་གིས་ནི་སངས་རྒྱས་ཀྱི་ཞིང་ཡོངས་སུ་དག་པ་དག་ཡོངས་སུ་བཟུང་། ཁ་ཅིག་གིས་ནི་ཡོངས་སུ་
D112.050.0251a05.01མ་དག་པ་དག་ཡོངས་སུ་བཟུང་ཞིང་རང་རང་གི་སྨོན་ལམ་ཇི་ལྟར་བཏབ་པ་དེ་ལྟར་ངས་ཀྱང་ལུང་བསྟན་པ་ཡིན་ནོ། །སྐྱེས་བུ་དམ་པ་གང་དག་གིས་ངའི་ཐད་ནས་སངས་རྒྱས་ཀྱི་ཞིང་ཡོངས་སུ་དག་པ་དག་ཡོངས་སུ་བཟུང་བ་དེ་དག་གིས་ནི་འདུལ་བའི་སེམས་ཅན་བསམ་པ་
D112.050.0251a06.01དག་པ། གདུལ་སླ་བ། དགེ་བའི་རྩ་བ་བསྐྱེད་པ་དག་ཡོངས་སུ་བཟུང་བས་ན་དེའི་ཕྱིར་དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་མི་བྱ་སྟེ། དེ་དག་ནི་སྐྱེས་བུ་དམ་པ་ཆེན་པོའི་བྱ་བ་བྱེད་པ་མ་ཡིན་ནོ། །དེ་དག་ནི་སྙིང་རྗེ་ཆེན་པོས་སེམས་དང་སེམས་ལས་བྱུང་བ་དག་ལ་
D112.050.0251a07.01