完整藏文原文 · 德格版页 当前仅加载第 50 函德格 274b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་མ་གྱུར། ཡོངས་སུ་ཟད་པར་ཡང་མ་གྱུར་ལ། ཡང་དང་ཡང་ཕྱིར་སྐྱེས་པར་གྱུར་ཏོ། །ལོ་ཁྲིའི་བར་དུ་འཛམ་བུའི་གླིང་གི་མི་ཐམས་ཅད་དང་། གནོད་སྦྱིན་དང་། {རི་དགས་,རི་དྭགས་}དང་། བྱ་རྣམས་ཀྱང་ངའི་ལུས་ཀྱིས་ཚིམ་པར་བྱས་ཏེ། ངས་ལོ་ཁྲི་པོ་དེའི་བར་དུ་གང་གཱའི་ཀླུང་
D112.050.0274b01.01གི་བྱེ་མ་སྙེད་ཀྱི་མིག་དག་ཡོངས་སུ་བཏང་ངོ་། །ངས་རྒྱ་མཚོ་བཞིའི་ཆུ་སྙེད་ཀྱི་ཁྲག་དག་ཡོངས་སུ་བཏང་ངོ་། །ངས་རི་རབ་སྟོང་སྙེད་ཙམ་གྱི་ཤ་དག་ཡོངས་སུ་བཏང་ངོ་། །ངས་རི་ཁོར་ཡུག་ཙམ་གྱི་ལྕེ་དག་ཡོངས་སུ་བཏང་ངོ་། །ངས་ལྷུན་པོ་དང་གཉའ་ཤིང་འཛིན་ཙམ་གྱི་
D112.050.0274b02.01རྣ་བ་དག་ཡོངས་སུ་བཏང་ངོ་། །ངས་རི་རབ་ཙམ་གྱི་སྣ་རྒྱ་ཆེན་པོ་དག་ཡོངས་སུ་བཏང་ངོ་། །ངས་བྱ་རྒོད་ཀྱི་ཕུང་པོའི་རི་འདི་ཙམ་གྱི་སོ་དག་ཡོངས་སུ་བཏང་ངོ་། །ངས་དེར་སངས་རྒྱས་ཀྱི་ཞིང་མི་མཇེད་མཐའ་དག་གིས་གཞི་ཙམ་གྱི་རང་གི་པགས་པ་ཡང་ཡོངས་སུ་བཏང་ངོ་། །
D112.050.0274b03.01རིགས་ཀྱི་བུ་དེ་ལྟར་ལོ་ཁྲིའི་བར་དུ་སྲོག་གཅིག་གིས་རང་གི་ལུས་ཡོངས་སུ་བཏང་བ་ཚད་མེད་གྲངས་མེད་དཔག་ཏུ་མེད་པ་དག་ཡོངས་སུ་བཏང་ཞིང་། དེ་ལྟར་སེམས་ཅན་ཚད་མེད་གྲངས་མེད་དཔག་ཏུ་མེད་པ་དག་ཚིམ་པར་བྱས་ཀྱང་ངའི་སེམས་སྐད་ཅིག་གཅིག་ཙམ་ཡང་འགྱོད་
D112.050.0274b04.01པར་མ་གྱུར་པ་ལ་ལྟོས། དེར་ངས་སྨོན་ལམ་འདི་ལྟ་བུ་ཡང་བཏབ་སྟེ། གལ་ཏེ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་ལྟ་ན། བདག་གི་བསམ་པ་འདི་ཡང་ཡོངས་སུ་རྫོགས་པར་གྱུར་ཅིག །ཇི་ལྟར་བདག་
D112.050.0274b05.01གིས་གླིང་གཅིག་ཏུ་རང་གི་ལུས་ཀྱིས་སེམས་ཅན་ཐམས་ཅད་ཚིམ་པར་བྱས་པ་དེ་བཞིན་དུ་སངས་རྒྱས་ཀྱི་ཞིང་རྡུལ་མེད་ལྷུན་པོ་སྤོས་འདིའི་གླིང་ཐམས་ཅད་དུ་ཡང་ལོ་སྟོང་ཕྲག་གང་གཱའི་ཀླུང་གི་བྱེ་མ་སྙེད་དུ་དེ་ལྟ་བུའི་ལུས་འབྱུང་བར་གྱུར་ཅིག །གླིང་གཅིག་ཏུ་ལོ་ཁྲིའི་བར་དུ་ཇི་
D112.050.0274b06.01ལྟ་བ་དེ་བཞིན་དུ་གླིང་ཐམས་ཅད་དུ་ཡང་རང་གི་ཤ་དང་། ཁྲག་དང་། པགས་པ་དང་། མིག་དང་། རྣ་བ་དང་། སྣ་དང་། མཆུ་དང་། ལྕེ་དང་། སྐྲ་དག་གིས་སེམས་ཅན་ཐམས་ཅད་ཚིམ་པར་བྱས་ཤིང་ཐེག་པ་གསུམ་པོ་དག་ཡང་དག་པར་འཛིན་དུ་བཅུག་པར་གྱུར་
D112.050.0274b07.01