完整藏文原文 · 德格版页 当前仅加载第 50 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཚོར་བ་དང་། སེམས་དང་། ཆོས་ལ་སོ་སོར་རྟོག་པར་བྱེད་པར་འགྱུར་རོ། །བྱང་ཆུབ་སེམས་དཔའ་རྣམས་ཀྱི་ཡང་དག་པའི་སྤོང་བའི་ཚོགས་ནི་དགེ་བའི་ཆོས་ཐམས་ཅད་བསྒོམ་པ་ཡོངས་སུ་རྫོགས་པར་བྱེད་པར་འགྱུར་རོ། །བྱང་ཆུབ་སེམས་དཔའ་རྣམས་ཀྱི་རྫུ་
D112.050.0205b01.01འཕྲུལ་གྱི་རྐང་པའི་ཚོགས་ནི་ལུས་དང་། སེམས་ཡང་བ་ཉིད་དུ་བྱེད་པར་འགྱུར་རོ། །བྱང་ཆུབ་སེམས་དཔའ་རྣམས་ཀྱི་དབང་པོའི་ཚོགས་ནི་སྡོམ་པ་ཡོངས་སུ་རྫོགས་པར་བྱེད་པར་འགྱུར་རོ། །བྱང་ཆུབ་སེམས་དཔའ་རྣམས་ཀྱི་སྟོབས་ཀྱི་ཚོགས་ནི་ཉོན་མོངས་པ་ཐམས་ཅད་
D112.050.0205b02.01འཇོམས་པར་བྱེད་པར་འགྱུར་རོ། །བྱང་ཆུབ་སེམས་དཔའ་རྣམས་ཀྱི་བྱང་ཆུབ་ཀྱི་ཡན་ལག་གི་ཚོགས་ནི་ཆོས་ཀྱི་ངོ་བོ་ཉིད་ཁོང་དུ་ཆུད་པར་བྱེད་པར་འགྱུར་རོ། །བྱང་ཆུབ་སེམས་དཔའ་རྣམས་ཀྱི་སྙིང་པོར་བྱེད་པ་དྲུག་གི་ཚོགས་ནི་འདུལ་བའི་སེམས་ཅན་རྣམས་ཡོངས་སུ་དག་པར་
D112.050.0205b03.01བྱེད་པར་འགྱུར་རོ་ཞེས་གསུངས་ཏེ། བྲམ་ཟེའི་ཁྱེའུ་ཚོགས་རྣམ་པར་དག་པ་སྡུད་པ་ཞེས་བྱ་བ་དེ་ནི་ཚོགས་ཉམས་སུ་ལོན་པར་བྱེད་པའི་ཆོས་ཀྱི་སྒོ་ཡིན་ནོ། །དེས་སྨྲས་པ། བཅོམ་ལྡན་འདས་ཀྱིས་སྦྱིན་པའི་ཚོགས་ནི་ལོངས་སྤྱོད་ཆེན་པོ་དང་། གཡོག་འཁོར་མང་པོར་
D112.050.0205b04.01འགྱུར་བར་གསུངས་ལ། བཅོམ་ལྡན་འདས་ཀྱིས་ཚུལ་ཁྲིམས་ནི་མཐོ་རིས་སུ་སྐྱེ་བར་འགྱུར་བ་དང་། ཐོས་པས་ནི་ཤེས་རབ་ཆེན་པོར་འགྱུར་བ་དང་། དད་པ་དང་། འཚོ་བ་དང་། སྒོམ་པ་ནི་འཁོར་བ་ལས་རྒལ་བར་བྱེད་པར་བསྟན་ཏོ། །མདུན་ན་འདོན་གྱིས་སྨྲས་པ་དང་།
D112.050.0205b05.01བྲམ་ཟེའི་ཁྱེའུ་གང་དག་འཁོར་བ་ལ་མངོན་པར་དགའ་བ་རྣམས་ནི་སྦྱིན་པ་སྦྱིན་པར་བྱེད་དེ། བྲམ་ཟེའི་ཁྱེའུ་དེ་ཡང་འདི་སྐད་དུ་རིགས་ཀྱི་བུའམ། རིགས་ཀྱི་བུ་མོ་གང་དག་བྱང་ཆུབ་ཀྱི་ལམ་ལ་ཞུགས་པ་དེ་དག་གིས་ནི་དུལ་བའི་སེམས་ཀྱིས་སྦྱིན་པ་སྦྱིན་པར་བྱའོ། །ཞི་གནས་ཀྱི་
D112.050.0205b06.01སེམས་ཀྱིས་ཚུལ་ཁྲིམས་བསྲུང་བར་བྱའོ། །རྙོག་པ་མེད་པའི་སེམས་ཀྱིས་ཐོས་པ་ཡོངས་སུ་བཙལ་བར་བྱའོ། །སྙིང་རྗེ་ཆེན་པོའི་སེམས་ཀྱིས་བསྒོམ་པ་བསྒོམ་པར་བྱའོ། །ཆོས་ལྷག་མ་རྣམས་ཀྱང་ཤེས་རབ་དང་། ཡེ་ཤེས་དང་། ཐབས་ཀྱི་ཚོགས་ཡང་དག་པར་
D112.050.0205b07.01