完整藏文原文 · 德格版页 当前仅加载第 50 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་བྱ་བ་ནས་སྔ་མ་བཞིན་དུ་རྒྱ་ཆེར་སྦྱར་ཏེ། རྒྱལ་བུ་སྟོང་གི་བར་དུ་ཐམས་ཅད་བྱང་ཆུབ་ཡང་དག་པར་འཛིན་དུ་བཅུག་གོ། །ཁམས་ཀྱི་རྒྱལ་པོ་བརྒྱད་ཁྲི་བཞི་སྟོང་དང་། གཞན་ཡང་སེམས་ཅན་དུང་ཕྱུར་ཕྲག་དགུ་དང་། བྱེ་བ་ཕྲག་གཉིས་ཀྱང་བྱང་ཆུབ་ཡང་དག་
D112.050.0161a01.01པར་འཛིན་དུ་བཅུག་པ་དང་། དེ་དག་ཐམས་ཅད་ཀྱིས་ཀྱང་འདི་སྐད་ཅེས་སྨྲས་སོ། །བདག་ཅག་ཀྱང་རང་རང་གི་ཁྱིམ་དུ་མཆིས་ལ་གཅིག་པུ་དབེན་པར་མཆིས་ནས་སངས་རྒྱས་ཀྱི་ཞིང་གི་ཡོན་ཏན་བཀོད་པ་དག་བསམ་པར་བགྱིའོ། །དེ་སྐད་ཅེས་སྨྲས་ནས་ཐམས་ཅད་རང་རང་གི་ཁྱིམ་དག་ཏུ་
D112.050.0161a02.01དོང་སྟེ་གཅིག་པུ་དབེན་པར་འདུག་ནས་ལོ་བདུན་གྱི་བར་དུ་སངས་རྒྱས་ཀྱི་ཞིང་གི་ཡོན་ཏན་བཀོད་པའི་སྨོན་ལམ་སེམས་པར་བྱེད་དོ། །རིགས་ཀྱི་བུ་དེ་ནས་དུས་གཞན་ཞིག་ན་བྲམ་ཟེ་རྒྱ་མཚོའི་རྡུལ་གྱི་སེམས་ལ་འདི་ལྟ་བུའི་རྣམ་པར་རྟོག་པ་སྐྱེས་ཏེ། བདག་གིས་སྲོག་ཆགས་བྱེ་བ་
D112.050.0161a03.01ཁྲག་ཁྲིག་འབུམ་ཕྲག་མང་པོ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་བཅུག་ཅིང་། བདག་གིས་སངས་རྒྱས་བཅོམ་ལྡན་འདས་དགེ་སློང་གི་དགེ་འདུན་དཔག་ཏུ་མེད་པ་དང་བཅས་པ་འདི་ཡང་ལོ་བདུན་གྱི་བར་དུ་ཡོ་བྱད་ཐམས་ཅད་ཀྱིས་སྤྱན་དྲངས་
D112.050.0161a04.01པས། གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བདག་གིས་བསམ་པ་ཡོངས་སུ་རྫོགས་པར་འགྱུར་ཞིང་དེ་བཞིན་དུ་སྨོན་ལམ་འདི་ཡང་འགྲུབ་པ་ལྟ་ན་དེའི་ཕྱིར་བདག་གིས་ལྷ་དང་། ལྷ་མ་ཡིན་དང་། དྲི་ཟ་དང་། གནོད་སྦྱིན་དང་། སྲིན་པོ་དང་། གྲུལ་བུམ་རྣམས་
D112.050.0161a05.01མཆོད་སྦྱིན་ཆེན་པོ་འདི་ལ་ཡང་དག་པར་གཟུད་པར་བྱའོ་སྙམ་མོ། །རིགས་ཀྱི་བུ་དེ་ནས་མདུན་ན་འདོན་གྱི་གཙོ་བོ་བྲམ་ཟེ་རྒྱ་མཚོའི་རྡུལ་རྒྱལ་པོ་རྣམ་ཐོས་ཀྱི་བུ་མཐོང་བར་འདོད་པ་དང་། དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུ་གནོད་སྦྱིན་འབུམ་ཕྲག་དུ་མས་ཡོངས་སུ་བསྐོར་ཅིང་མདུན་དུ་
D112.050.0161a06.01བདར་ནས། བྲམ་ཟེ་རྒྱ་མཚོའི་རྡུལ་ག་ལ་བ་དེར་སོང་སྟེ་ཕྱིན་པ་དང་། བྲམ་ཟེ་རྒྱ་མཚོའི་རྡུལ་གྱི་མདུན་དུ་འདུག་ནས་འདི་སྐད་ཅེས་སྨྲས་སོ། །བྲམ་ཟེ་ཁྱོད་ཁོ་བོ་ལས་ཇི་ཞིག་འདོད། བྲམ་ཟེས་སྨྲས་པ། ཁྱོད་སུ་ཞིག་ཡིན། རྣམ་ཐོས་ཀྱི་བུས་སྨྲས་པ། བྲམ་ཟེ་ཆེན་པོ་ཁྱོད་ཀྱིས་
D112.050.0161a07.01