完整藏文原文 · 德格版页 当前仅加载第 50 函德格 159a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་རྒོལ་བ་ངེས་པར་བཅོམ་པ་ལགས་སོ། །ལམ་དེ་ནི་ཉོན་མོངས་པ་ཐམས་ཅད་དང་བྲལ་བས་བདུད་དང་བྲལ་བ་ལགས་སོ། །ལམ་དེ་ནི་ཉན་ཐོས་དང་རང་སངས་རྒྱས་ཀྱི་ཡིད་ལ་བགྱིད་པ་དང་བྲལ་བས་སེམས་རྒྱ་ཆེན་པོར་མཆི་བ་ལགས་སོ། །ལམ་དེ་ནི་དེ་
D112.050.0159a01.01བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པས་སྤྲོ་བ་དང་བཅས་པ་ལགས་སོ། །ལམ་དེ་ནི་ཐམས་ཅད་མཁྱེན་པ་ཉིད་ཀྱི་རིན་པོ་ཆེ་དང་འཐུན་པས་རིན་པོ་ཆེ་ཆེན་པོ་ངེས་པར་སྒྲུབ་པ་ལགས་སོ། །ལམ་དེ་ནི་བཅོམ་ལྡན་འདས་ཀྱི་ཡེ་ཤེས་ཆགས་པ་མི་མངའ་བས་རྟག་ཏུ་བསྟན་པ་ལགས་སོ། །
D112.050.0159a02.01ལམ་དེ་ནི་དགེ་བའི་བཤེས་གཉེན་གྱིས་རྗེས་སུ་ཟིན་པས་དགེ་བའི་རྩ་བ་སྟོན་ཅིང་རྗེས་སུ་སྤྱད་པ་ལགས་སོ། །ལམ་དེ་ནི་རྗེས་སུ་ཆགས་པ་དང་། ཁོང་ཁྲོ་བ་སྤངས་པས་མཐོ་དམན་དང་བྲལ་བ་ལགས་སོ། །ལམ་དེ་ནི་གནོད་སེམས་དང་། ཐ་བ་དང་། ཁྲོ་བ་མ་མཆིས་པས་རྡུལ་ངེས་པར་
D112.050.0159a03.01བཅོམ་པ་ལགས་སོ། །ལམ་དེ་ནི་མི་དགེ་བ་ཐམས་ཅད་དང་བྲལ་བས་བདེ་འགྲོར་མཆི་བ་ལ་སྨན་པ་ལགས་སོ། །རྒྱལ་པོ་ཆེན་པོ་བྱང་ཆུབ་ཀྱི་ལམ་དེ་ནི་མྱ་ངན་ལས་འདས་པའི་མཐར་ཐུག་པས་བདེ་བ་འཐོབ་པ་ལགས་ཀྱིས་རྒྱལ་པོ་ཆེན་པོ་བྱང་ཆུབ་ཏུ་ཐུགས་སྐྱེད་ཅིག །རྒྱལ་པོས་སྨྲས་པ།
D112.050.0159a04.01བྲམ་ཟེ་དེ་བཞིན་གཤེགས་པ་འདི་ནི་སྐྱེ་དགུ་ལོ་བརྒྱད་ཁྲི་པ་རྣམས་ཀྱི་ནང་དུ་འཇིག་རྟེན་དུ་བྱུང་བས་ན་དེ་བཞིན་གཤེགས་པས་ངན་སོང་ཐམས་ཅད་ཞི་བར་མཛད་པ་མ་སྤྱོད་དེ། སེམས་ཅན་གང་དག་གིས་དགེ་བའི་རྩ་བ་བསྐྱེད་པའི་སེམས་ཅན་དེ་དག་ནི་འབྲས་བུ་ལ་གནས་པར་གྱུར། ལ་
D112.050.0159a05.01ལས་ནི་ཏིང་ངེ་འཛིན་དང་། གཟུངས་དང་། བཟོད་པ་བསྒྲུབས། གང་དག་དགེ་བའི་རྩ་བ་མཆོག་ཏུ་གྱུར་པའི་བྱང་ཆུབ་སེམས་དཔའ་དེ་དག་ནི་བྱང་ཆུབ་ལས་ཕྱིར་མི་ལྡོག་པར་གྱུར། དགེ་བའི་རྩ་བ་བསྐྱེད་པ་ཁ་ཅིག་གིས་ནི་ལྷ་དང་མིའི་དཔལ་ཉམས་སུ་མྱོང་བར་གྱུར་ཏེ། སེམས་
D112.050.0159a06.01ཅན་རྣམས་རང་རང་གི་དགེ་བ་དང་། མི་དགེ་བའི་ལས་རྣམས་ཀྱིས་འཕྱན་པར་གྱུར་པས་ན་འདི་ལྟར་སེམས་ཅན་གཅིག་ཙམ་གྱི་སྡུག་བསྔལ་ཡང་རབ་ཏུ་ཞི་བར་མ་མཛད་ན་བཅོམ་ལྡན་འདས་ཀྱིས་བཏུལ་བའི་སེམས་ཅན་གང་ཞིག་ཡིན། བཅོམ་ལྡན་འདས་ཀྱི་སྐུ་ནི་ཞིང་དུ་གྱུར་པ་འབའ་ཞིག་
D112.050.0159a07.01