完整藏文原文 · 德格版页 当前仅加载第 50 函德格 168b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་རྒྱལ་པོ་རྩིབས་ཀྱི་མུ་ཁྱུད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་སྩལ་ནས། དེ་རང་གི་ཁྱིམ་དུ་མཆིས་ཏེ། གཅིག་པུ་དབེན་པར་མཆིས་ནས་ནང་དུ་ཡང་དག་འཇོག་ལ་གནས་ཤིང་དེར་མི་སུ་ཡང་མཆིར་མི་སྟེར་ལགས་སོ། །དེ་བཞིན་དུ་བདག་གིས་
D112.050.0168b01.01རྒྱལ་བུ་སྟོང་པོ་དེ་དག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་སྩལ་ཅིང་གཟེངས་བསྟོད་ནས་དེ་བཞིན་དུ་སོ་སོ་རང་རང་གི་ཁྱིམ་དག་ཏུ་མཆིས་ཏེ། གཅིག་པུ་ནང་དུ་ཡང་དག་འཇོག་ལ་གནས་ཤིང་། དེར་ཡང་སུ་ཡང་མཆིར་མི་སྟེར་ལགས་སོ། །དེ་བཞིན་
D112.050.0168b02.01དུ་ཁམས་ཀྱི་རྒྱལ་པོ་བརྒྱད་ཁྲི་བཞི་སྟོང་དང་། དེ་བཞིན་དུ་གཞན་ཡང་སྲོག་ཆགས་དུང་ཕྱུར་ཕྲག་དགུ་དང་། བྱེ་བ་ཕྲག་གཉིས་ཀྱི་བར་དག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་སྩལ་ཅིང་བཙུད་དེ་རབ་ཏུ་བཀོད་ནས་ཐམས་ཅད་ཀྱང་རང་རང་གི་ཁྱིམ་
D112.050.0168b03.01དག་ཏུ་མཆིས་ཏེ། གཅིག་པུ་དབེན་པར་མཆིས་ནས་ནང་དུ་ཡང་དག་འཇོག་ལ་གནས་ཤིང་དེར་ཡང་སུ་ཡང་མཆིར་མི་སྟེར་ལགས་ན། བཅོམ་ལྡན་འདས་ཀྱིས་ཅི་ནས་ཀྱང་རྒྱལ་པོ་རྩིབས་ཀྱི་མུ་ཁྱུད་ནང་དུ་ཡང་དག་འཇོག་དེ་ལས་ལངས་ཏེ་འདིར་མཆི་བར་འགྱུར་བ་དང་། གང་དག་བདག་
D112.050.0168b04.01གིས་བྱང་ཆུབ་ཡང་དག་པར་འཛིན་དུ་སྩལ་བ་དེ་དག་ཐམས་ཅད་ཀྱང་འདིར་མཆི་བར་འགྱུར་ཞིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་བློས་མི་གཡོ་བ་འཛིན་པར་འགྱུར་བ་དང་། བཅོམ་ལྡན་འདས་ལས་ལུང་བསྟན་པ་འཐོབ་པར་འགྱུར་བ་དང་། མིང་དང་། རུས་དང་།
D112.050.0168b05.01སངས་རྒྱས་ཀྱི་ཞིང་ཡང་ཡོངས་སུ་འཛིན་པར་འགྱུར་བ་དེ་དག་ལ་དགོངས་སུ་གསོལ། རིགས་ཀྱི་བུ་དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་སྙིང་པོ་ཏིང་ངེ་འཛིན་བློ་གྲོས་སྒྲུབ་པ་ཞེས་བྱ་བ་ལ་སྙོམས་པར་ཞུགས་སོ། །དེ་ལྟར་
D112.050.0168b06.01ཏིང་ངེ་འཛིན་ལ་སྙོམས་པར་ཞུགས་པས་ཞལ་ནས་འོད་ཟེར་སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། བཙོད་ཁ་དང་། ཤེལ་དང་། དངུལ་གྱི་ཁ་དོག་ལྟ་བུ་དག་བྱུང་ངོ་། །དེ་དག་བྱུང་ནས་ཀྱང་ནང་དུ་ཡང་དག་འཇོག་ལ་གནས་པ་དེ་དག་གི་མདུན་དུ་
D112.050.0168b07.01